ဧပြီလတွင် ထရမ့် တရုတ်သို့ ချစ်ကြည်ရေးခရီး သွားရောက်မည်
---------------------
အမေရိကန်သမ္မတ ဒေါ်နယ်ထရမ့်ဟာ တရုတ်သမ္မတရှီနဲ့ ဖုန်းခေါ်ဆိုမှုအပြီးမှာ သံတမန်ဆက်ဆံရေး နက်ရှိုင်း စေဖို့အတွက် လာမဲ့ဧပြီလမှာ တရုတ်နိုင်ငံကို သွားရောက်လည်ပတ်မယ်လို့ ပြောဆိုလာတာကို Reuters သတင်း မှာ ဖော်ပြထားပါတယ်။
အဲဒီအပြင် လာမဲ့နှစ် နှောင်းပိုင်းမှာ တရုတ်သမ္မတရှီကို အမေရိကန်ကို လာရောက်ဖို့ ပြန်လည်ဖိတ်ကြားခဲ့တယ်လို့ ဆိုပါတယ်။ အိမ်ဖြူတော်နဲ့ တရုတ်နိုင်ငံခြားရေးဝန်ကြီးဌာနတိုကလည်း ခေါင်းဆောင်နှစ်ယောက်ဟာ ဖုန်းခေါ်ဆို မှုအတွင်း ကုန်သွယ်ရေး၊ ရုရှား-ယူကရိန်းစစ်၊ ဖန်တနိုင်း မူးယစ်ဆေးဝါးနဲ့ တရုတ်(တိုင်ပေ)အရေးတို့ ပါဝင် ပတ်သက်တဲ့ ဒေသတွင်းတင်းမာမှုတွေကို ဆွေးနွေးခဲ့ကြတယ်လို့ ထုတ်ပြန်ခဲ့ကြပြီး ထရမ့်ကလည်း Truth Social မှာ ရေးသားခဲ့ပါတယ်။
တရုတ်နိုင်ငံပိုင်သတင်းဌာနကလည်း နှစ်ဖက်စလုံးဟာ “အရှိန်အဟုန်”ကို ထိန်းသိမ်းပြီး “တန်းတူညီမျှမှု၊ လေးစား မှုနဲ့ အပြန်အလှန်အကျိုးရှိမှု”ကို အခြေခံကာ ပူးပေါင်းဆောင်ရွက်မှုဆီကို ဦးတည်လုပ်ဆောင်သင့်တယ်လို့ ရေးသားဖော်ပြခဲ့ပါတယ်။
