မဲပေးခြင်း၊ မပေးခြင်းသည် မဲဆန္ဒရှင်များ၏ဆန္ဒပင်ဖြစ်ဟုဆို
---------------------
ရွေးကောက်ပွဲကျင်းပချိန်မှာ နိုင်ငံတော်အနေနဲ့ ဆန္ဒမဲပေးခွင့်ရရှိရေး ဆောင်ရွက်ပေးထားပြီး ဆန္ဒမဲပေးခြင်း၊ မပေး ခြင်းဟာ မဲဆန္ဒရှင်တွေရဲ့ဆန္ဒသာ ဖြစ်တယ်လို့ နိုင်ငံတော်ယာယီသမ္မတ နိုင်ငံတော်လုံခြုံရေးနှင့်အေးချမ်း သာယာ ရေးကော်မရှင်ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ပြောပါတယ်။ နိုဝင်ဘာ ၂၃ ရက်က မအူပင်မြို့ရှိ ခရိုင်၊ မြို့နယ်အဆင့်ဌာနဆိုင်ရာ တာဝန်ရှိသူတွေ၊ မြို့မိမြို့ဖတွေနဲ့ တွေ့ဆုံရာ မှာ အခုလို ပြောကြားလိုက်တာပါ။
လွတ်လပ်ပြီးတရားမျှတတဲ့ ရွေးကောက်ပွဲဖြစ်စေရေးအတွက် ကြိုတင်ပြင်ဆင်တဲ့လုပ်ငန်းတွေကို ဆောင်ရွက်နေ သလို ရွေးကောက်ခံကိုယ်စားလှယ်တွေကိုလည်း ဥပဒေနဲ့အညီဖြစ်စေရေး စိစစ်ဆောင်ရွက်ပေးနေပါတယ်။ ဒါ့ကြောင့် ရွေးကောက်ပွဲကျင်းပချိန်မှာ ဆန္ဒမဲပေးပိုင်ခွင့်ရှိသူအားလုံး ဆန္ဒမဲပေးကြစေလိုတယ်လို့လည်း ပြောပါတယ်။
အဓိကအားဖြင့် တိုင်းပြည်နဲ့ ဒေသအကျိုးကို စေတနာထားပြီး ဆောင်ရွက်နိုင်သူ၊ နိုင်ငံရေး၊ စီးပွားရေးနဲ့ ကာကွယ် ရေးအမြင်ရှိသူတွေကို စဉ်းစားရွေးချယ်ပြီး ဆန္ဒမဲပေးကြစေလိုတယ်လို့ ဗိုလ်ချုပ်မှူးကြီးမင်းအောင်လှိုင်က ပြော ကြားခဲ့ပါတယ်။
၂၀၂၅ ခုနှစ် ပါတီစုံဒီမိုကရေစီအထွေထွေရွေးကောက်ပွဲကို အပိုင်းလိုက်ကျင်းပမှာဖြစ်ပြီး အပိုင်း(၁)ကို ဒီဇင်ဘာ ၂၈ ရက်မှာ မြို့နယ် ၁၀၂ မြို့နယ်၊ အပိုင်း(၂)ကို ၂၀၂၆ ခုနှစ် ဇန်နဝါရီ ၁၂ ရက်မှာ မြို့နယ် ၁၀၀ တို့မှာ ကျင်းပမှာ ဖြစ်ပြီး ကျန်တဲ့မြို့နယ်တွေကို အပိုင်း(၃)အဖြစ် ဆက်လက်ကျင်းပသွားမှာ ဖြစ်တယ်လို့ ပြည်ထောင်စု ရွေးကောက်ပွဲကော်မရှင်က ကြေညာထားပါတယ်။
