နေအိမ်မှာ မတော်တဆဖြစ်ပြီး ခြေချောင်းကျိုးခဲ့တဲ့ ပါလ်မာ ချယ်လ်ဆီးအသင်းရဲ့ ပွဲစဉ်(၃)ပွဲကို လွဲချော်မယ်
ချယ်လ်ဆီးအသင်းရဲ့ တိုက်စစ်ကစားသမား ပါလ်မာဟာ နေအိမ်မှာ မတော်တဆဖြစ်ပြီး ခြေချောင်းကျိုးခဲ့တာကြောင့် ချယ်လ်ဆီးအသင်းရဲ့ ပွဲစဉ်(၃)ပွဲကို လွဲချော်ရမယ်လို့ သိရပါတယ်။
ပါလ်မာဟာ တံခါးနဲ့ တိုက်မိတာကြောင့် ဘယ်ဘက်ခြေချောင်းလေးတစ်ချောင်း ကျိုးသွားခဲ့တာဖြစ်ပြီး ဒဏ်ရာက စိုးရိမ်စရာမရှိပေမဲ့ သုံးပတ်ကြာ အနားယူရမှာဖြစ်ကြောင်း သိရပါတယ်။
ကံမကောင်းစွာနဲ့ပဲ ပါလ်မာဟာ နေအိမ်မှာ မတော်တဆဖြစ်ပြီး ခြေချောင်းမှာ ဒဏ်ရာရခဲ့ပါတယ်။ အရေးမကြီးပေမဲ့ လာမယ့်သုံးပတ်မှာတော့ သူ ကစားနိုင်မှာမဟုတ်ပါဘူး လို့ နည်းပြ မာရက်စကာက ပြောကြားခဲ့ပါတယ်။
ပါလ်မာဟာ ဘန်လေ၊ ဘာစီလိုနာ၊ အာဆင်နယ်တို့နဲ့ ရင်ဆိုင်ရမယ့်ပွဲတွေကို လွဲချော်ရမှာဖြစ်တာကြောင့် ချယ်လ်ဆီးအသင်းအတွက် ထိုးနှက်ချက်တစ်ခု ဖြစ်စေခဲ့ပါတယ်။
ပါလ်မာဟာ ဒီရာသီမှာ ပေါင်ခြံဒဏ်ရာနဲ့လည်း ရင်ဆိုင်ခဲ့ရတာကြောင့် ချယ်လ်ဆီးအသင်းအတွက် ပြိုင်ပွဲစုံ (၄)ပွဲသာ ကစားထားနိုင်ကြောင်း သိရပါတယ်။
