တရုတ်၏ဉာဏ်ရည်တုမိုဒယ်က စားသုံးသူ chatbot ကို တီထွင်
တရုတ်နိုင်ငံ၏ နည်းပညာကုမ္ပဏီကြီး အလီဘာဘာ ၏ ဉာဏ်ရည်တု ဌာနခွဲက သုံးစွဲသူများက ၎င်းတို့ကိုအမြန်လက်ခံရေးကို အရှိန်မြှင့်ရန် ရည်ရွယ်သည့် အဆင့်မြှင့်ထားသော ဂျန်နရေးတစ် ချက်ဘော့တ် Qwen ကို ထုတ်ဖော်ပြသလိုက်ကြောင်း ပြောကြားခဲ့သည်။
ကမ္ဘာတစ်ဝန်းတွင် အကြိမ်ပေါင်း သန်း ၆၀၀ ကျော် ဒေါင်းလုဒ်လုပ်ထားသည့် ကုမ္ပဏီ၏ လူကြိုက်များလှသော open-source မိုဒယ်ပေါ်တွင် တည်ဆောက်ထားသည့် ချက်ဘော့တ် အသစ်ကို စကားပြောဆိုရန်၊ လုပ်ငန်းဆောင်တာများကို ဦးတည်သော ကိုယ်ရေးကိုယ်တာ ဉာဏ်ရည်တု အကူ အဖြစ် နေရာချထားကြောင်း ကုမ္ပဏီက တနင်္လာနေ့တွင် ပြောကြားခဲ့သည်။
လာမည့်သုံးနှစ်အတွင်း ကလောက်ဒ် နှင့် ဉာဏ်ရည်တု ဟာ့ဒ်ဝဲအခြေခံအဆောက်အဦ တည်ဆောက်ရေးတွင် ယွမ်ငွေ ၃၈၀ ဘီလျံ (အမေရိကန်ဒေါ်လာ ၅၃ ဘီလျံခန့်) ကို အလီဘာဘာ က ဖေဖော်ဝါရီလ၌ ကတိပြုပြီး ဉာဏ်ရည်တု လုပ်ငန်း၏ အရှိန်အဟုန်ဖြင့် တိုးတက်မှုကို အကြောင်းပြုကာ ထွက်ပေါ်လာခြင်းဖြစ်သည်။
တရုတ်၏ ဒိ(ပ်) ဆိ(က်) နှင့်အတူ အလီဘာဘာ ၏ မကြာသေးမီက ထွက်ရှိခဲ့သော အထင်ကရ နာမည်ကြီး Qwen3-Max သည် နိုင်ငံတကာစံနှုန်းများအရ ကမ္ဘာတစ်ဝန်းတွင် ထိပ်တန်းအဆင့်၌ ပါဝင်ခဲ့သည်။ မကြာသေးမီက ကမ္ဘာလုံးဆိုင်ရာ ရင်းနှီးမြှုပ်နှံမှု မော်ဒယ်ခြောက်ခုတွင် Qwen က ပထမနေရာကို ရယူခဲ့ပြီး DeepSeek က ဒုတိယနေရာကို ရယူခဲ့သည်။
DeepSeek သည် ပြီးခဲ့သည့် ဒီဇင်ဘာလတွင် ခမ်းနားလှပစွာ ပွဲဦးထွက်ပြီးနောက် တစ်နှစ်နီးပါးအကြာတွင်၊ Kimi, Zhipu.AI နှင့် MiniMax ကဲ့သို့သော တရုတ်၏ မျိုးဆက်သစ် ဉာဏ်ရည်တု ကုမ္ပဏီများသည် ၎င်းတို့၏ open-source မိုဒယ်များနှင့်ကမ္ဘာလုံးဆိုင်ရာ ဂေဟစနစ်ကို ဖန်တီးကာ အရှိန်အဟုန်ဖြင့် ပြိုင်ဆိုင်နေကြသည်။
အလီဘာဘာ က ဉာဏ်ရည်တု သည် "လူသားများထံမှ သင်ယူခြင်း" အဆင့်ကို ကျော်လွန်၍ "လူသားများကို အထောက်အကူပြုသော" ခေတ်သို့ ရွေ့လျားနေသောကြောင့် စားသုံးသူများရင်ဆိုင်ရသည့် ထုတ်ကုန်တစ်ခုကို ဖြန့်ချိလိုက်ခြင်းဖြစ်ကြောင်း အလီဘာဘာ က ပြောကြားခဲ့သည်။
