၂ နှစ်ကျော်ကြာ ဝေးကွာလာခဲ့တဲ့ နူးကမ့်ကွင်းတွင် ပြန်လည်ကစားလာတော့မယ့် ဘာစီလိုနာ
======================
ဘာစီလိုနာဟာ ယခုအပတ်အကုန် ဘီလ်ဘာအိုနှင့် လာလီဂါပွဲစဉ်တွင် ၂ နှစ်ကျော်ကြာ ဝေးကွာလာခဲ့တဲ့ နျူးကမ့်ကွင်းတွင် ပြန်လည်ကစားလာတော့မှာ ဖြစ်ပါတယ်။
နူးကမ့်ကွင်းကို နိုဝင်ဘာလ ၂၂ ရက်နေ့ စနေနေ့ လာလီဂါပွဲစဉ်တွင် ပရိသတ် ၄၅၄၀၁ လျှော့ချပြီး ပြန်လည်ဖွင့်လှစ်လာမှာလည်း ဖြစ်ပါတယ်။
ဘာစီလိုနာတို့ နောက်ဆုံးအကြိမ် နူးကမ့်ကွင်းတွင် ကစားခဲ့တာ ၂၀၂၃ ခုနှစ် မေလ ၂၈ ရက်နေ့တုန်းက မာယော့ကာနှင့်ပွဲ ဖြစ်ပါတယ်။
ယင်းနောက်မှာတော့ ဘာစီလိုနာဟာ နူးကမ့်ကွင်းကို ဖြိုချကာ အသစ်ပြန်လည်မွမ်းမံတည်ဆောက်မှု ပြုလုပ်လာခဲ့ပါတယ်။
နူးကမ့်ကွင်းတည်ဆောက်မှုကို ၂၀၂၃ ခုနှစ် ဇွန်လတွင် စတင်ခဲ့ပြီး ပေါင် ၁.၁ ဘီလီယံနီးပါးကုန်ကျခဲ့ကာ ပရိသတ် ၁၀၅၀၀၀ ဆန့်ပြီး ကမ္ဘာ့အကြီးမားဆုံးကွင်းများထဲမှ တစ်ကွင်းဖြစ်လာပါမယ်။
ဘာစီလိုနာဟာ အစောပိုင်းတုန်းက ၂၀၂၄ ခုနှစ် နိုဝင်ဘာတွင် ပွဲများ စတင်လက်ခံကျင်းပရန် စီစဉ်ထားပေမယ့်လည်း အကြိမ်ကြိမ် ရွှေ့ဆိုင်းမှု ပြုလုပ်ခဲ့ရပါတယ်။
ဘာစီလိုနာဟာ နူးကမ့်ကွင်းအား တည်ဆောက်နေစဉ်အတွင်း ပရိသတ် ၅၅၀၀၀ ဆန့် Olympic Stadium ကွင်းကို ငှားရမ်း အသုံးပြုလာခဲ့ရပါတယ်။
ဒါ့အပြင် ဘာစီလိုနာဟာ နူးကမ့်ကွင်းအား အသုံးပြုရန် လုံခြုံရေး စိတ်မချရသေးမှုကြောင့် ယခုရာသီ လာလီဂါပွဲနှစ်ပွဲအား ပရိသတ် ၆၀၀၀ သာဆန့်တဲ့ Johan Cruyff Stadium ကို အသုံးပြုခဲ့ရပါသေးတယ်။
ဘာစီလိုနာဟာ နူးကမ့်ကွင်းတွင် လာလီဂါပွဲများ စတင်လက်ခံကျင်းပလာမှာ ဖြစ်ပေမယ့် ချန်ပီယံလိဂ်ပွဲစဉ်များကိုမူ လက်ခံကျင်းပနိုင်ရေးအတွက် ယူအီးအက်ဖ်အေထံ တင်ပြထားတုန်း ဖြစ်ပါတယ်။
ယူအီးအက်ဖ်အေစည်းမျဉ်းအရ ဘာစီလိုနာအနေဖြင့် လိဂ်အဆင့်ပွဲစဉ်များကို တစ်ကွင်းတည်းတွင်ပင် လက်ခံကျင်းပရမှာ ဖြစ်ရာ ရှုံးထွက်အဆင့်ရောက်မှသာလျှင် နူးကမ့်ကွင်းကို အသုံးပြုလာနိုင်ဖို့လည်း ရှိပါတယ်။
