မကြာမီ မြန်မာနှင့် ရင်ဆိုင်ရမယ့် ပါကစ္စတန်အသင်းကို ကိုင်တွယ်စဉ်အတွင်း ကွဲပြားတဲ့ ဘဝ ကြုံတွေ့နေရတဲ့ ပရီးမီးယားလိဂ်သူရဲကောင်းဆိုလာနို
======================

နိုဘီဆိုလာနိုဟာ ခရစ်ကတ် တစ်ခါမျှတောင် မကစားခဲ့ဖူးပါဘူး။
သူက "ဘုရားသခင်က ငါ့ကို ပါရမီပါတဲ့ ခြေထောက်ပေးတယ်။ လက်ပေးတာ မဟုတ်ဘူး"လို့ သွားပါတယ်။
နယူးကာဆယ်ဂန္ထဝင်ဆိုလာနိုဟာ လက်ရှိအချိန်မှာ ပါကစ္စတန်လက်ရွေးစင်အသင်းကို ကိုင်တွယ်နေပါတယ်။ သူ့ကိုင်တွယ်နေတဲ့ နိုင်ငံမှာ နံပါတ်တစ်အားကစားနည်းက ခရစ်ကတ်ပါ။ ဘောလုံးကို လူတွေ သိပ်စိတ်မဝင်စားကြပါဘူး။
လက်ရှိအချိန်မှာ သူဟာ မြို့တော် အစ္စလာမာဘတ်မှာ နေထိုင်နေပါတယ်။ သူဟာ ပြီးခဲ့တဲ့လတုန်းက အာဖကနစ္စတန်နှင့် ခြေစစ်ပွဲနှစ်ပွဲသရေကျခဲ့ပေမယ့် တတိယမြောက်ကိုင်တွယ်တဲ့ပွဲဖြစ်တဲ့ ဆီးရီးယားနဲ့ပွဲမှာတော့ ၅-၀ ဂိုးဖြင့် အရေးနိမ့်ခဲ့ပါတယ်။
သူဟာ ပါကစ္စတန်မှာ နေထိုင်နေတယ်ဆိုပေမယ့် တကယ်တမ်း အခြေချနေထိုင်တာက အင်္ဂလန်မှာပါ။ သူဟာ နယူးကာဆယ်အတွက် ပွဲပေါင်းနှစ်ရာကျော်ကစားခဲ့သူ ဖြစ်ပြီး ယခုတိုင် လူချစ်လူခင်ပေါပါသေးတယ်။
ဒါပေမယ့် ဘောလုံးကို စိတ်မဝင်စားတဲ့ အစ္စလာမာဘတ်မှာတော့ ကွဲပြားတဲ့ လူနေမှုဘဝနှင့် ကြုံနေရပါတယ်။
အသက် ၅၀ နှစ်ရှိ ချီလီတောင်ပံကစားသမားဟောင်းက "ဒီမှာ နေရတဲ့ဘဝကတော့ လုံးဝ ကွဲပြားတယ်။ နိုင်ငံတော်တော်များများမှာ ဘောလုံးကစားခဲ့တယ်။ ဒါပေမယ့် ဒီမှာတော့ ကျွန်တော် လမ်းလျှောက်နေတယ်ဆိုရင်တောင် ကျွန်တော့်ကို ဘယ်သူမှ မသိပါဘူး။ ဒါက သာမန်လား။ ဒီမှာတော့ ဒါက သာမန်ပါ။ ဒီနိုင်ငံက နိုင်ငံကြီးတစ်ခုပါ။ ဒီက လူတွေက ခရစ်ကတ်လို အခြားအရာတွေကိုပဲ စိတ်ဝင်စားကြတယ်။ ခရစ်ကတ်ကတော့ အရမ်းလူကြိုက်များတယ်။ နှစ်ပေါင်းများစွာ ကြာပြီလေ။ ဟော်လီလည်း လူကြိုက်များတယ်။ ဒါပေမယ့် ဘောလုံးလည်း တဖြည်းဖြည်း လူကြိုက်များလာနေပါတယ်။ ပန်းခြံတွေ၊ ကွင်းတွေမှာ လူတွေ အများကြီး ဘောလုံးကစားနေတာ မြင်ရပါမယ်။ ကျွန်တော့်ကို ပီရူးမှာ မွေးတယ်။ ကျွန်တော်ကြီးပြင်လာတဲ့ ပီရူးက ဘောလုံးနိုင်ငံ။ ကိုယ့်မှာ ပါရမီရှင်တယ်၊ အိပ်မက်ရှိရင် ဒီအတွက်ပဲ လုပ်ရမယ်။ ဒါက အိပ်မက်လေ။ ကျွန်တော်လ်း ဒီအတိုင်းပဲ လုပ်ခဲ့တယ်။ သူတို့မှာ သူတို့နိုင်ငံ ပါကစ္စတန်အတွက် ကစားဖို့ အိပ်မက်ရှိကြမှာပါ။ ဒါပေမယ့် ကလပ်တစ်ခုသို့ ပြောင်းနိုင်ဖို့ အခွင့်အရေးရဖို့ လိုတယ်။ ပြီးရင် ပိုကောင်းလာအောင်မယ်၊ ပိုတိုးတက်အောင် လုပ်ရမယ်။ ပါကစ္စတန်မှာ ပြည်တွင်းလိဂ်တစ်ခုလိုတယ်။ ကျွန်တော် ရှိနေစဉ်အတွင်း ဖြစ်လာဖို့တော့ မျှော်လင့်တယ်။ ဥက္ကဌကို ကူညီဖို့ ဒီကို ရောက်နေတာပါ"လို့ ပြောကြားသွားပါတယ်။
ပါကစ္စတန်ရဲ့ ရေရှည်အိပ်မက်က ၂၀၃၀ ကမ္ဘာ့ဖလား ဖြစ်ပါတယ်။ ယင်းကာလမှာ ပြိုင်ဆိုင်မှု ပြင်းထန်တဲ့အသင်း တည်ဆောက်နိုင်ဖို့ ရည်မှန်းထားပါတယ်။
ပါကစ္စတန်ဘောလုံးအဖွဲ့ချုပ်ဥက္ကဌဆိုက်ဒ်မိုဆင်ဂီလာနီနှင့် ဆိုလာနိုက ပိုကောင်းတဲ့ လက်ရွေးစင်အသင်းတွေ ပိုင်ဆိုင်လာဖို့ အမျိုးသားအတွက်ရော အမျိုးသမီးအတွက်ပါ ပြည်တွင်းလိဂ် ဖန်တီးရှင်ကြပါတယ်။
တဖက်မှာ ဆိုလာနိုဟာ ပါကစ္စတန်နွယ်ဖွား ဥရောပ၊ အာရှ၊ အမေရိကန်ရောက် ကစားသမားတွေကို ကင်းထောက်နေပါတယ်။
သူဟာ မန်ဖီးလ်တိုက်စစ်သမားမက်ကယ်အဗ္ဗဒူလာနှင့် ဘလက်ဘန်းယူ-၂၀ ဂိုးသမားအဒမ်ခန်းတို့ကို အသင်းမှာ ကစားနိုင်အောင် ဆွဲဆောင်နိုင်ပြီ ဖြစ်ပါတယ်။ ဒါ့အပြင် ဆွီဒင်ချန်ပီယံမဂျယ်လ်ဘီမှ ယူနိုက်တက်လူငယ်ကစားသမားဟောင်း အဗ္ဗဒူလာအစ်ကဘယ်ကိုလည်း အသင်းခေါင်းဆောင်အဖြစ် ခန့်အပ်ထားနိုင်ပြီး ဖြစ်ပါတယ်။
ဆိုလာနိုဦးဆောင်တဲ့ ပါကစ္စတန်အသင်းဟာ လာမယ့်မတ်လ ၃၁ ရက်နေ့မှာ အာရှဖလားခြေစစ်ပွဲအုပ်စု(E) ဒုတိယနေရာမှာ ရပ်တည်နေတဲ့ မြန်မာအသင်းနှင့် ရင်ဆိုင်ရပါမယ်။