ဘရာဇီးရဲ့ခြေစမ်းပွဲစဉ်ကို အာဆင်နယ်နောက်ခံလူဂါဘရီရယ် လွဲမည်
====================
အာဆင်နယ်နောက်ခံလူဂါဘရီရယ်ဟာ ပေါင်ကြွက်သားဒဏ်ရာကြောင့် တူနီးရှားနှင့် ကစားမယ့် ဘရာဇီးရဲ့ ခြေစမ်းပွဲတွင် ကစားလာတော့မှာ မဟုတ်ပါဘူး။
အသက် ၂၇ နှစ်ရှိ အာဆင်နယ်နောက်ခံလူဟာ စနေနေ့တုန်းက အမ်းမရိတ်ကွင်းတွင် ဆီနီဂေါအား အနိုင်ရတဲ့ ခြေစမ်းပွဲတွင် ဒဏ်ရာရရှိခဲ့ပါတယ်။
သူဟာ လန်ဒန်တွင်ပင် ကျန်ရစ်ခဲ့ပြီး အင်္ဂါနေ့တွင် တူနီးရှားနှင့် ခြေစမ်းပွဲကစားမယ့် လိုင်လီသို့ ဘရာဇီးအသင်းနှင့်အတူ လိုက်ပါလာမှာ မဟုတ်ပါဘူး။
ဂါဘရီရယ်ဟာ နောက်ပိုင်းနှစ်များတွင် အာဆင်နယ်ခံစစ်တွင် အရေးအပါဆုံးကစားသမားတစ်ဦး ဖြစ်ပါတယ်။ ဒါ့အပြင် ယခုရာသီတွင် ဂါဘရီရယ်ဦးဆောင်တဲ့ အာဆင်နယ်ဟာ ပရီးမီးယားလိဂ် ၁၁ ပွဲတွင် ၅ ဂိုးတည်းသာ ပေးထးရပါတယ်။
အာဆင်နယ်ဟာ လာမယ့် နိုဝင်ဘာလ ၂၃ ရက်နေ့ မြောက်လန်ဒန်ပြိုင်ဘက် စပါးစ်နှင့်လည်းကောင်း၊ ပြီးလျှင် ဗုဒ္ဧဟူးနေ့မှာ ဘိုင်ယန်မြူးနစ်နှင့် ချန်ပီယံလိဂ်ပွဲကိုလည်းကောင်း ရင်ဆိုင်ကစားရပါမယ်။
