ကမ္ဘာ့ဖလားခြေစစ်ပွဲတွင် သမိုင်းတစ်လျှောက်အကောင်းဆုံး Own Goal သွင်းယူလာ
===================

ဆလိုဗေးနီးယားဟာ အိမ်ကွင်းတွင် ကိုဆိုဗိုအား ၂-၀ ဂိုးဖြင့် ရှုံးနိမ့်ပြီးနောက် ကမ္ဘာ့ဖလားခြေစစ်ပွဲ မအောင်မြင်ရန် သေချာသွားခဲ့ပြီ ဖြစ်ပါတယ်။
လိဒ်စတားဂျာကာဘီဂျိုးလ်၊ အက်သလက်တီကိုစတားဂျန်အိုဘလက်တို့ ပါဝင်တဲ့ ဆလိုဗေးနီးယားဟာ လူအင်အားတောင့်တင်းမှုနဲ့အတူ ကမ္ဘာ့ဖလားခြေစစ်ပွဲအောင်မြင်ရေး မျှော်လင့်ချက် ရှိတဲ့အသင်းပါ။ ဒီပွဲမှာ ဒူးဒဏ်ရာရရှိနေတဲ့ ယူနိုက်တက်တိုက်စစ်မှူးဘင်ဂျာမင်ဆက်စ်ကိုတော့ မပါဝင်ပါဘူး။?
ဒါပေမယ့် ဆလိုဗေးနီးယားဟာ ကိုဆိုဗိုအား အိမ်ကွင်းမှာ ၂-၀ ဂိုးဖြင့် အရေးနိမ့်မှုနဲ့အတူ ကမ္ဘာ့ဖလားခြေစစ်ပွဲအောင်မြင်ရေး မျှော်လင့်ချက် လုံးဝ အဆုံးသတ်သွားခဲ့ပြီလည်း ဖြစ်ပါတယ်။
ဆလိုဗေးနီးယားဟာ ပွဲအစ ၆ မိနစ်မှာပင် ဖစ်နစ်ခ်အက်စ်လာနီရဲ့ ဂိုးကြောင့် စောစောစီးစီး နောက်ကလိုက်ကစားခဲ့ရပါတယ်။
ဆလိုဗေးနီးယားဟာ ဒုတိယပိုင်းမှာ ပီတာစတိုဂျာနိုဗစ်ကို ထည့်သွင်းခဲ့ပါတယ်။ ဒါပေမယ့် ချက်ချင်းဆိုသလိုပဲ စတိုဂျာနိုဗစ်ဟာ ဆိုးရွားတဲ့ ဖျက်ထုတ်မှု ပြုလုပ်မှုနှင့်အတူ အနီကတ်ပြထုတ်ပယ်ခြင်းခံရလို့ ဆလိုဗေးနီးယားတို့ တစ်ယောက်အလျှော့ဖြင့် ကစားလာရပါတယ်။
ဧည်သည့် ကိုဆိုဗိုဟာ မတည်မငြိမ်ဖြစ်တဲ့ ဆလိုဗေးနီးယားခံစစ်ကြောင်းကို ဖြတ်တင်ဘောနဲ့ ခြိမ်းခြောက်မှု ပြုလုပ်ခဲ့ပါတယ်။
ကံဆိုးချင်တော့ ဇင်ကာနစ်နစ်ခ်ဟာ ဘောလုံးကို ရှင်းထုတ်ချိန်မှာ မျှော်လင့်ထားသလို မထိလာမှုနဲ့အတူ ဘောလုံးက မြှောက်တက်ပြီး ဂိုးသမားကို ကျော်ကာ ဂိုးဝင်သွားခဲ့လို့ Own Goal သွင်းမိလာပါတယ်။
ဘောလုံးပရိသတ်တွေက ယင်း OG ဂိုးကို သမိုင်းတစ်လျှောက် အကောင်းဆုံး OG ဂိုးဆိုပြီး ပြောဆိုနေကြပါတယ်။
ပရိသတ်တစ်ဦးက "ဘဝမှာ မြင်ဖူးသမျှ အကောင်းဆုံး OG ဂိုးပါ"လို့ ပြောကြားသွားပါတယ်။ အခြားတစ်ဦးကလည်း "သူ့ကို တိုက်စစ်မှူးနေရာမှာ ပြောင်းကစားဖို့ လိုတယ်"လို့ ဆိုသွားပါတယ်။ အခြားတစ်ဦးကလည်း "Puskas Award ပေးသင့်လား"လို့ ပြောကြားသွားပါတယ်။
ကိုဆိုဗိုဟာ ဆလိုဗေးနီးယားနိုင်ပွဲကြောင့် ကမ္ဘာ့ဖလားခြေစစ်ပွဲအောင်မြင်ရေး ပလေးအော့ဖ်မှ တဆင့် ထပ်မံ ကြိုးစားခွင့် ရရှိသွားပါတယ်။
အုပ်စု(ခ)မှာ ဆွစ်ဇာလန်က ခြေစစ်ပွဲ တိုက်ရိုက်အောင်မြင်ရန် သေချာသွားခဲ့ပြီးလည်း ဖြစ်ပါတယ်။