ဘယ်လင်ဂမ်ရဲ့ အပြုအမူကို သောမတ်စ်တူချယ် သုံးသပ်သွားမည်
===================
သောမတ်စ်တူချယ်က အပြုအမူမှာ အရေးပါတဲ့အချက်ဖြစ်ကြောင်းနှင့် အယ်ဘေးနီးယားနှင့် ကမ္ဘာ့ဖလားခြေစစ်ပွဲတွင် လူစားလဲခံရချိန် မပျော်မရွှင် အပြုအမူ ပြုလုပ်ခဲ့တဲ့ ဂျူ့ဘယ်လင်ဂမ်ရဲ့ အပြုအမူအား သုံးသပ်မှု ပြုလုပ်သွားမယ်လို့ ပြောကြားလာပါတယ်။
ဘယ်လင်ဂမ်ဟာ တီရာနာတွင် ၂-၀ ဂိုးဖြင့် အနိုင်ရတဲ့ပွဲမှာ ဇွန်လနောက်ပိုင်း ပထမဆုံး အင်္ဂလန်ပွဲအဖြစ် ပွဲထွက် ကစားခွင့် ရခဲ့ပြီး ၈၄ မိနစ်တွင် မော်ဂန်ရိုဂျာအစား လူစားလဲလှယ်ခြင်းခံခဲ့ရပါတယ်။
အဝါကတ်ပြသခြင်းခံထားရတဲ့ ရီးရဲလ်မက်ဒရစ်ကွင်းလယ်ကစားသမားဟာ ကွင်းအတွင်းမှ ထွက်ခွာလာချိန်တွင် လူစားလဲလှယ်မှုအပေါ် မပျော်မရွှင် ဖြစ်နေကြောင်း ပြသခဲ့ပါတယ်။
တူချယ်က တနင်္ဂနွေနေ့ပွဲမတိုင်မီ ကစားသမားများကို ခရစ္စတီယာနိုရော်နယ်ဒိုကဲ့သို့ အနီကတ် ပြသခြင်းမခံရအောင် ရှောင်ရှားကြရန် ပြောဆိုခဲ့သူလည်း ဖြစ်ပါတယ်။ ခရစ္စတီယာနိုရော်နယ်ဒိုဟာ အိုင်ယာလန်နှင့်ပွဲတွင် အနီကတ်ပြသခြင်းခံရပြီနောက် ၃ ပွဲပယ်ခံရကာ ကမ္ဘာ့ဖလားအဖွင့်ပွဲ ၂ ပွဲ လွဲလာပါတော့မယ်။
ဘယ်လင်ဂမ်ဟာလည်း နောက်ထပ် အဝါကတ်ပြသခြင်းခံလာရပါက ကမ္ဘာ့ဖလားအဖွင့်ပွဲကို လွဲလာပါမယ်။
ပွဲအပြီးတွင် တူချယ်က "ဒါနဲ့ပတ်သက်ပြီး အများကြီး မပြောချင်ဘူး။ အပြုအမူက အရေးကြီးတယ်ဆိုတဲ့ စကားအတိုင်းပါပဲ။ လူစားဝင်ရောက်မယ့် ကစားဖော်ကို လေးစားရပါမယ်။ ဆုံးဖြတ်ချက်တွေက ချပြီးပြီ။ ကစားသမားတစ်ယောက်အနေနဲ့ ဒါကို လက်ခံရမယ်။ မော်ဂန်လည်း ဒီနေ့ပွဲမှာ ပွဲထွက်ခွင့်မရလို့ မပျော်တာ သေချာတယ်။ သူလည်း ကစားဖို့ ထိုက်တန်တဲ့သူပါ။ သူလည်း ပွဲတိုင်းကစားချင်တယ်။ ကလပ်အတွက် မိနစ်တွေအများကြီး ကစားထားရတဲ့အပြင် ဆားဘီးယားနဲ့ပွဲမှာလည်း ကစားခဲ့တော့ သူ့ကို နည်းနည်း အနားပေးခဲ့တာ"လို့ ပြောကြားသွားပါတယ်။
တူချယ်ဟာ ဆားဘီးယားနှင့်ပွဲစဉ်မှ လူစာရင်းကို ၇ ဦးအထိ အပြောင်းအလဲ ပြုလုပ်ကာ ပွဲထွက်ခဲ့ပါတယ်။
အင်္ဂလန်ဟာ အယ်ဘေးနီးယားကို ၂-၀ ဂိုးဖြင့် အနိုင်ရမှုနှင့်အတူ ကမ္ဘာဖ့လားခြေစစ်ပွဲ ပွဲတိုင်း အနိုင်ရရှိပြီး ဂိုးတစ်ဂိုးမျှ မပေးခဲ့ရပါဘူး။ ၎င်းတိုဟာ ကမ္ဘာဖလားခြေစစ်ပွဲသမိုင်းတွင် ဂိုးမပေးရတဲ့ ပထမဆုံးဥရောပအသင်းအဖြစ် သမိုင်းမှတ်တိုင်စိုက်ထူနိုင်ခဲ့ပါတယ်။
ဆက်လက်ပြီး တူချယ်က "ဒါကို ပြန်သုံးသပ်သွားမယ်။ သူ့ မပျော်တာ မြင်ခဲ့တယ်။ အခုအချိန်မှာ ဒါကို ပိုကြီးအောင် မလုပ်ချင်ဘူး။ ကျွန်တော့်စကားအတိုင်းပါပဲ။ ကျွန်တော်တို့မှာ တစ်ဦးနဲ့ တစ်ဦး အပြန်အလှန် အဆင့်အမြင့်အတန်း၊ အဆင့်၊ ပေးဆပ်မှု ရှိတယ်။ တစ်ဦးနဲ့တစ်ဦး လေးစားမှု ရှိရမယ်။ တစ်ယောက်ယောက် လက်မြှောက်လို့ ဆိုပြီး အပြောင်းအလဲ သို့မဟုတ် ဆုံးဖြတ်ချက် ချလာမှာ မဟုတ်ပါဘူး"လို့ ပြောကြားသွားပါတယ်။
တူချယ်ဟာ ယခင်တုန်းက ဘယ်လင်ဂမ်ရဲ့ ကွင်းတွင်း အပြုအမူမှာ စက်ဆုပ်စရာကောင်းကြောင်း ပြောဆိုခဲ့ဖူးပါတယ်။ နောက်ပိုင်းတွင် ဂျာမန်လူမျိုးနည်းပြဟာ ယင်း ပြေဆိုမှုအတွက် ပြန်လည်တောင်းပန်ခဲ့ပါတယ်။
