ပေါ်တူဂီက ခရစ္စတီယာနိုရော်နယ်ဒို မပါလေ ပိုကောင်းလေလား? အာမေးနီးယားကို ၉-၁ ဖြင့် အနိုင်ယူကာ ပေါ်တူဂီတို့ ခြေစစ်ပွဲ အောင်မြင်လာ
======================
ဘောလုံးပရိသတ်တွေက ပေါ်တူဂီအသင်းက ခရစ္စတီယာနိုရော်နယ်ဒို မပါလေ ပိုကောင်းလေလို့ ယုံကြည်နေကြပါတယ်။
ခရစ္စတီယာနိုရော်နယ်ဒို မပါဝင်တဲ့ ပေါ်တူဂီဟာ တနင်္ဂနွေနေ့ညတုန်းက အာမေးနီးယားကို ၉-၁ ဖြင့် အနိုင်ရရှိလာပြီးနောက် ပရိသတ်များက ယင်းသို့ ယုံကြည်လာကြတာလည်း ဖြစ်ပါတယ်။
ခရစ္စတီယာနိုရော်နယ်ဒိုဟာ ကြာသပတေးနေ့တုန်းက အိုင်ယာလန်ကို ၂-၀ ဂိုးဖြင့် အရေးနိမ့်တဲ့ပွဲမှာ ဒါရာအိုရှီးယားကို တံတောင်ဖြင့် တွက်ခဲ့မှုအတွက် အနီကတ်ပြသခြင်းခံခဲ့ရပြီး အာမေးနီးယားနှင့်ပွဲကို လွဲချော်လာပါတယ်။ ဒါ့အပြင် ရော်နယ်ဒိုဟာ ပေါ်တူဂီရဲ့ ကမ္ဘာ့ဖလားအုပ်စုအဖွင့်ပွဲ ၂ ပွဲကိုလည်း လွဲချော်လာပါမယ်။
ဒါပေမယ့် ရောဘတ်တိုမာတီနက်ဇ်ရဲ့ ပေါ်တူဂီဟာ ရော်နယ်ဒိုမပါဝင်တဲ့ အာမေးနီးယားနှင့်ပွဲမှာ ၉-၁ ဖြင့် ချေမှုန်းလာပါတယ်။
မနေ့ညကပွဲတွင် ပေါ်တူဂီအသင်းခေါင်းဆောင်ဘရူနိုဖာနန်ဒက်စ်နှင့် ဂျိုအာနီဗက်စ်တို့ ဟက်ထရစ်ကိုယ်စီ သွင်းနိုင်ခဲ့ကြပြီး ကျန် ၃ ဂိုးကို ရီနာတိုဗိုင်ဂါ၊ ဂွန်ကာလိုရာမို့စ်နှင့် ကွန်စီကာအိုတို့က တစ်ဂိုးစီ သွင်းယူခဲ့ကြပါတယ်။
ပရိသတ်တစ်ဦးက "ပေါ်တူဂီက ရော်နယ်ဒို မပါလေ ပိုကောင်းလေပဲ"လို့ ဆိုသွားပါတယ်။
အခြားပရိသတ်တစ်ဦးကလည်း "ရော်နယ်ဒိုပရိသတ်တွေကတော့ အမှန်တရားကို မုန်းကြတယ်။ ဒါပေမယ့် ပေါ်တူဂီက သူ မပါလေ ပိုကောင်းလေပဲ"လို့ ဆိုသွားပါတယ်။
