ဆယ်လအတွင်း ရန်ကုန်-မန္တလေး အမြန်လမ်းပေါ်မှာ ယာဉ်မတော်တဆမှုကြောင့် လူအယောက် ၅၀ သေဆုံးခဲ့

ရန်ကုန်- မန္တလေး အမြန်လမ်းမကြီးပေါ်မှာ ဆယ်လအတွင်း ယာဉ်မတော်တဆမှုကြောင့်လူအယောက် ၅၀ အထိသေဆုံးခဲ့ရတယ်လို့အမြန်လမ်းမကြီးရဲတပ်ဖွဲ့မှူးရုံးရဲ့စာရင်းတွေအရ သိရပါတယ်။
ယခုနှစ်၊ ဇန်နဝါရီလ ၁ ရက်ကနေ အောက်တိုဘာလ ၃၁ ရက်အထိ ဆယ်လတာကာလအတွင်း ရန်ကုန် - မန္တလေး အမြန်လမ်းမကြီးပေါ်မှာ ယာဉ်မတော်တဆ မှု ၁၅၅ ကြိမ်မှုဖြစ်ပွားခဲ့ပြီး ဖြစ်ပွားခဲ့တဲ့ ယာဉ်မတော်တဆမှုတွေ ကြောင့် အမျိုးသားအယောက် ၃၀ ၊ အမျိုးသမီး ၁၇ ယောက်အထိ သေဆုံးခဲ့တာဖြစ်တယ်လို့ သိရပါတယ်။
''ဖြစ်ပွားခဲ့တဲ့ယာဉ်မတော်တဆမှု ဖြစ်စဉ်အများစုက ယာဉ်မောင်းတွေအနေနဲ့ ယာဉ်မဆင်မခြင်ပေါ့ဆမောင်းနှင်မှုနဲ့ အရှိန် ပြင်းပြင်းမောင်းနှင်မှုကြောင့်ဖြစ်ရတာများပါတယ်။''လို့သက်ဆိုင်ရာတာဝန်ရှိ တယောက်ကပြောပါတယ်။
ပြီးခဲ့တဲ့ ဆယ်လအတွင်း ယာဉ်မတော်တဆမှုတွေကြောင့် လူ ၂၉၁ ယောက်ထိခိုက်ဒဏ်ရာရရှိခဲ့ပြီးယာဉ်တိုက်မှုတွေဟာ ဇွန်လ ၊ မတ်လနဲ့ အောက်တိုဘာလတွေမှာ အများဆုံး
ဖြစ်ပွားခဲ့ပြီး ဆုံးရှုံးမှုတွေများပြားခဲ့တယ်လို့ သိရပါတယ်။
''အမြန်လမ်းပေါ်က ယာဉ်မတော်တဆမှုတွေကြောင့် အသက်မသေသော်လည်း ကိုယ်လက်အင်္ဂါဆုံးရှုံးရတဲ့အထိ ဖြစ်ခဲ့ရတဲ့ဖြစ်စဉ်တွေရှိတယ်။ နေ့ဘက်ရော၊ ညဘက်တွေပါ
ယာဉ်မတော်တဆမှုတွေဖြစ်နေတာကြောင့် သတိထား မောင်းနှင်ကြဖို့ ပြောချင်ပါတယ်။''လို့ ကူညီကယ်ဆယ်ရေးအဖွဲ့ဝင် တယောက်ကပြောပါတယ်။
ငလျင်လှုပ်ပြီးတဲ့​နောက် ​နေပြည်​တော်နဲ့ မန္တ​လေးကြား လမ်းပိုင်း​တွေဟာ အ​​တော်ပျက်စီးခဲ့ပါတယ်။ ပြင်ဆင်​နေ​ပေမယ့်လည်း မပြီး​သေးတာ​ကြောင့် ယာဥ်​မောင်း​တွေဟာ အရင်ကထက် ပိုဂရုစိုက်​မောင်းနှင်​နေရပါတယ်​။
အမြန်လမ်းမကြီးရဲတပ်ဖွဲ့အနေနဲ့ ရန်ကုန်မန္တလေး အမြန် လမ်းမကြီးတစ်လျှောက်မှာ ယာဉ်အန္တရာယ်၊ လမ်းအန္တရာယ် ကင်းရှင်းစေဖို့ သက်ဆိုင်ရာကသတ်မှတ်အရှိန်နှုန်းထက် ကျော်လွန်မောင်းနှင်တဲ့ မော်တော်ယာဉ်တွေကိုအရှိန်နှုန်း တိုင်းတာစက်တွေနဲ့တိုင်းတာစစ်ဆေးပြီးအရေးယူ ဆောင်ရွက်နေတယ်လို့ သိရပါတယ်။
ဒါ့အပြင် ပြီးခဲ့တဲ့ ဇန်နဝါရီလ ၁ ရက်ကနေ အောက်တိုဘာ လ ၃၁ ရက်အထိ ဆယ်လတာ ကာလအတွင်း သတ်မှတ် အရှိန်ထက် ကျော်လွန်မောင်းတဲ့ယာဉ်အစီးရေး ၁၀၀၀ကျော် ကိုအရေးယူဆောင်ရွက်ခဲ့တယ်လို့ သိရပါတယ်။
အဲ့ဒီ အမြန်လမ်းမကြီးပေါ်မှာ ယာဉ်တွေအတွက်အရှိန်နှုန်း သတ် မှတ်ချက်အရ ကိုယ်ပိုင်အိမ်စီးကားလေးဖြစ်ပါက (၁)နာရီကိုကီလိုမီတာ(၁၀၀)အတွင်းသာ မောင်းနှင်း ရမှာဖြစ် ပြီး ခရီးသည်တင် Express ယာဉ်တွေဖြစ်ပါ က(၁)နာရီ ၉၀ ကီလိုမီတာအတွင်းမှာ ပဲမောင်းဖို့နဲ့ လုပ်ငန်းသုံးလိုက် ထရပ် ၊ ဟိုက်ဂျက်၊ ကုန်တင်ယာဉ် စတဲ့ယာဉ်တွေကတော့ (၁)နာရီကို ကီလိုမီတာ(၆၀) အတွင်းမှာပဲမောင်းနှင်ဖို့ကိုသက်ဆိုင်ရာက သတ်မှတ်ထားပါတယ်။