ကလပ်နှင့် နိုင်ငံအသင်း ပြဿနာကြားထဲသို့ ရောက်နေတဲ့ လာမိန်းယာမဲလ်
ယာမိန်းယာမဲလ်ဟာ ဘာစီလိုနာဘက်က လက်ရွေးစင်အသင်းမှ နုတ်ထွက်လာစေမှုနှင့်အတူ ကလပ်နှင့် စပိန်ဘောလုံးအဖွဲ့ချုပ်တို့ရဲ့ ပြဿနာကြားထဲသို့ ရောက်နေပါတယ်။
အသက် ၁၈ နှစ်ရှိ ဘာစီလိုနာပါရမီရှင်ဟာ နောက်ပိုင်းပွဲစဉ်များတွင် ပေါင်ခြံဒဏ်ရာဖြင့် ရုန်းကန်လာရသူ ဖြစ်ပါတယ်။
သူဟာ ပေါင်ခြံဧရိယာနာကျင်နေမှုနှင့်အတူ ဘာစီလိုနာဘက်က သူ့အခြေအနေကို အချိန်ပြည့် စောင့်ကြည့်နေရပါတယ်။ သူဟာ ဘာစီလိုနာရဲ့ နောက်ဆုံးပွဲ ၃ ပွဲလုံး ပွဲချိန်ပြည့်ကစားခြင်း မရှိပါဘူး။
ဒါပေမယ့် သူဟာ ပွဲတိုင်း အကောင်းဆုံးပုံစံဖြင့် ကစားနိုင်ခဲ့ပြီး သုံးပွဲလုံး ဂိုးသွင်းထားနိုင်ပါတယ်။
လူကျော်သက်ကစားသမားဟာ တနင်္လာနေ့တုန်းက ပေါင်ခြံဒဏ်ရာကို ကုသတဲ့အနေဖြင့် ရေဒီယိုလှိုင်းကုထုံးဖြင့် ကုသခဲ့ကြောင်း ကြေညာခဲ့ပါတယ်။ ဒါ့အပြင် လာမိန်းယာမဲလ်မှာ နောက်ထပ် ၇ ရက်မှ ၁၀ ရက်အတွင်း အနားယူသင့်ကြောင်းလည်း သိရပါတယ်။
ဒါပေမယ့် စပိန်အသင်းဆေးအဖွဲ့က ယင်းကုသမှုအား တနင်္လာနေ့ညအထိ သိရှိခဲ့ကြခြင်း မရှိပါဘူး။
စပိန်ဘောလုံးအဖွဲ့ချုပ်ဟာ စပိန်ကစားသမားများ စတင် လေ့ကျင့်ခန်းဆင်းရမယ့် တနင်္လာနေ့တွင် ဘာစီလိုနာဘက်က လာမိန်းယာမဲလ်အား ဆေးကုသမှု ပြုလုပ်လာမှုကြောင့် အံ့ဩသင့်ရကြောင်းထားပါတယ်။
လာမိန်းယာမဲလ်ဟာ စပိန်အသင်းရဲ့ ဂျော်ဂျီယာ၊ တူရကီတို့နှင့် ရင်ဆိုင်ကစားမယ့် ကမ္ဘာ့ဖလားခြေစစ်ပွဲစဉ်များတွင် ပါဝင်လာမှာ မဟုတ်ပါဘူး။
ဘာစီလိုနာနှင့် စပိန်အသင်းတို့ဟာ ပြီးခဲ့တဲ့ နိုင်ငံတကာပွဲစဉ်ကတည်းက လာမိန်းယာမဲလ်နှင့်ပတ်သက်ပြီး သတင်းထွက်နေခဲ့တာပါ။
ဘာစီလိုနာဟာ ပေါင်ခြံဒဏ်ရာရရှိနေတဲ့ လာမိန်းယာမဲလ်အား အကိုက်အခဲပျောက်ဆေးတိုက်ကာ ပွဲကစားစေမှုအတွက် အကြီးအကျယ် ဒေါသထွက်ခဲ့ရပါတယ်။ ယာမိန်းယာမဲလ်ဟာ စပိန်အတွက် ကစားပြီး ပြန်ရောက်လာချိန်တွင် ဒဏ်ရာခြေအနေ ဆိုးရွားကာ အနားယူခဲ့ရပါတယ်။
