သီချင်းသစ်ဖြင့် တိုက်ခိုက်လာတဲ့ ရက်ပါကို တစစီဖြစ်အောင် တုံ့ပြန်လာတဲ့ ဘက်ပေး
=======================
ကိုင်လီယန်ဘက်ပေးဟာ ကိန်းအသင်းပိုင်ရှင်ဖြစ်နေမှုအပေါ် လှောင်ပြောင်တိုက်ခိုက်တဲ့ ပြင်သစ်ရက်ပါ Orelsan ကို ပြန်လည်တုံ့ပြန်မှု ပြုလုပ်လာပါတယ်။
ဘက်ပေးပိုင်ဆိုင်တဲ့ ကိန်းဟာ ပြင်သစ်တတိယလိဂ်တွင် ရုန်းကန်နေပါတယ်။ ကိန်းဖွား ပြင်သစ်ရက်ပါ Orelsan ဟာ အခွေသစ် ထွက်လာရမှာ “La petite voix.” လို့ အမည်ပေးထားတဲ့ သီချင်းသစ်တွင် ကိန်းအသင်းပိုင်ရှင် ဘက်ပေးကို တိုက်ခိုက်ထားတဲ့ စာသားထည့်သွင်းရေးသား သီဆိုထားပါတယ်။
၎င်းက "မင်းက မင်းမြို့ကို ဘက်ပေးလို့ နစ်မြပ်မယ့်အကောင်"လို့ ထည့်သွင်း ရေးသား သီဆိုထားတာလည်း ဖြစ်ပါတယ်။
၂၀၂၄ ခုနှစ်ကတည်းက ကိန်းကို ပိုင်ဆိုင်လာတဲ့ ဘက်ပေးက ချက်ချင်းဆိုသလိုပင် "မင်းကို ဒီကို လာဖို့ ကြိုဆိုတယ်။ မင်းအရမ်းချစ်တယ်ဆိုတဲ့ မြို့ကို ကယ်တင်လိုက်။ ဒီကောင်က ငွေတပြားမှ မရှိ ငွေတပြားမှ မပေးဘဲ ရှယ်ယာ ၁ ရာခိုင်နှုန်းရဖို့ တောင်းဆိုနေတဲ့ကောင်ပါ။ ဒါပေမယ့် နော်မန်ဒီက ကောင်လေးလို ဖြစ်ချင်ခဲ့တယ်"လို့ ဆိုရှယ်မီဒီယာမ တုံ့ပြန်သွားပါတယ်။
ဘက်ပေးဟာ ၂၀၂၄ ခုနှစ်တွင် ကိန်းကို ဝယ်ယူပြီးနောက် ဥရောပဘောလုံးလောကတွင် အသက်အငယ်ဆုံးဘောလုံးပိုင်ရှင်များထဲမှ တစ်ဦး ဖြစ်လာခဲ့ပါတယ်။ သူပိုင်ဆိုင်တဲ့ Coalition Capitalဟာ ကိန်းရဲ့ ရှယ်ယာ ၈၀ ရာခိုင်နှုန်းကို ယူရိုသန်း ၂၀ ဝန်းကျင်ဖြင့် ဝယ်ယူ ရင်းနှီးမြှပ်နှံခဲ့တာလည်း ဖြစ်ပါတယ်။
ဒါပေမယ့် ကိန်းဟာ စီမံခန့်ခွဲမှုအမှားတွေနဲ့အတူ လီဂူး ၂ မှ လီဂူး ၃ သို့ တန်းဆင်းခဲ့ရပါတယ်။ ၎င်းတို့ဟာ ၄၁ နှစ်အတွင်းတွင် ပထမဆုံးအကြိမ်အဖြစ် တတိယတန်းသို့ ပထမဆုံးအကြိမ် တန်းဆင်းခဲ့ရတာလည်း ဖြစ်ပါတယ်။ ပရိသတ်များဟာ တန်းဆင်းရပြီးနောက် ကွင်းအတွင်းသိ့ အတင်းဆင်းကာ ဆန္ဒပြမှုများ ပြုလုပ်ခဲ့ကြပါတယ်။
ယင်းနောက်ပိုင်းတွင် ကိန်းဟာ စီမံအုပ်ချုပ်ရေးပိုင်း အပြောင်းအလဲများ ပြုလုပ်ခဲ့ပြီး ယခုရာသီတွင် နည်းပြဒီအော်နာနိုရဲ့ ဦးဆောင်မှုနှင့်အတူ ကလပ်အခြေတည်ရေး၊ လူငယ်ပြုစုပျိုးထောင်ရေးကို ဦးစားပေးလုပ်ဆောင်လာပါတယ်။
