❝ တရုတ်ပြည်မှာ ကလေးချင်းဝင်တိုက်မိလို့ ဆေးရုံတက်တာကို ကလီစာ (၆) ခုဖယ်ထုတ်ခံခဲ့ရတဲ့ ၁၀ နှစ်သားလေး ❞
📰Vision Times သတင်းစာ ရဲ့အဆိုအရ ၂၀၂၃ ခုနှစ်တုန်းက ၁၀ နှစ်သားလေး ရှောင်ရီဟာ ကလေးချင်း မတော်တဆဝင်တိုက်မိရာကနေ ဗိုက်နာတယ်လို့ သူ့အမေကိုပြောပြတယ်လို့ ဆိုပါတယ်။
အဲ့ဒါကြောင့် ရှောင်ရီရဲ့အမေက စိုးရိမ်ပြီး Chengwu County People’s Hospital ကိုသွားပြတယ်လို့ ဆိုပါတယ်။
ဆေးရုံက abdominal hematoma ဝမ်းဗိုက်မှာသွေးစုတာတွေ့တယ်ဆိုပြီး ရှောင်ရီရဲ့အမေကို ပြောပါတယ်။
ဆေးရုံမှာ လိုအပ်တဲ့စစ်ဆေးစစ်မှုတွေပြုလုပ်ပြီးနောက် ရှောင်ရီကိုခွဲစိတ်မှုပြုလုပ်ပေးဖို့ ဆေးရုံတင်ရမယ်လို့ ပြောပါတယ်။
အစတုန်းကတော့ သွေးခဲလေးပိတ်နေတာဖြစ်ပြီး ခွဲစိတ်မှုအသေးစားလေးလုပ်လိုက်ရင်အဆင်ပြေသွားမယ်လို့ ရှောင်ရီရဲ့အမေကိုဆေးရုံက ပြောတယ်လို့ ဆိုပါတယ်။
ဒါပေမဲ့ ခဏနေတော့ ဆရာဝန်တစ်ယောက်ပြေးထွက်လာပြီး သွေးတွေအလွန်ထွက်နေတာမို့လို့ အကြီးစားခွဲစိတ်မှုကို ဆက်လုပ်ဖို့ ဝမ်းဗိုက်ကိုဖွင့်ရမယ်လို့ အရေးပေါ်အကြောင်းကြားပါတယ်။
ရှောင်ရီခွဲခန်းဝင်တာ ၁၄ နာရီကြာပြီး နောက် ခွဲခန်းထဲမှာဘာဖြစ်နေသလဲဆိုတာ အပြင်ကမိဘတွေကမသိရပေမဲ့ ဆေးရုံဝင်ထမ်းတွေက ထွက်ထွက်လာပြီး ရှောင်ရီရဲ့ဘယ်အင်္ဂါအစိတ်အပိုင်းကမကောင်းလို့ တစ်ခါတည်းဖယ်ရှားရမယ်ဆိုပြီး မိဘတွေကို လက်မှတ်ထိုးခိုင်းတယ်လို့ ဆိုပါတယ်။
အဲ့ဒီလိုနဲ့ လေးငါးခြောက်ခါလောက် လက်မှတ်ထိုးရတဲ့အခါကျတော့ အပြင်ကမိဘတွေက စိတ်ပူပြီးခြေမကိုင်မိလက်မကိုင်မိဖြစ်လာကြပါတယ်။
ဒါပေမဲ့ ရှောင်ရီခွဲခန်းထဲဝင်နေရတဲ့ အရေးကြီးတဲ့အခြေအနေမို့လို့ရယ်၊ သူတို့ကိုယ်တိုင်ဘာမှတတ်နိုင်တဲ့ကိစ္စမဟုတ်လို့ ဆေးရုံကိုသာပုံအပ်ထားရပါတယ်။
အဲ့ဒီလိုနဲ့ ရှောင်ရီရဲ့ အစာအိမ်တစ်ခြမ်း၊ အူအိမ်ဦး၊ အူသိမ်၊ ပန်ကရိယ၊ သည်းခြေအိတ်နဲ့အူမကြီးအစိတ်အပိုင်းအချို့ဟာ ခွဲထုတ်ခံလိုက်ရပါတယ်။
ရှောင်ရီခမျာ အဲ့ဒီကတည်းက ဆေးရုံနေဆင်းရတယ်လို့မရှိပဲ ယနေ့အထိ ဆေးရုံပေါ်မှာ နေရတာ ၂ နှစ်ရှိပြီဖြစ်ပါတယ်။
အဲ့ဒီလိုကလီစာတွေကို ခွဲထုတ်လိုက်လို့ ရှောင်ရီလေးရဲ့ အစာအိမ်နဲ့အူလမ်းကြောင်းစနစ်ထိခိုက်သွားတာကြောင့် ရှောင်ရီလေးဟာ အစာစားလို့မရတော့ပဲ အဟာရတွေကိုသွေကြောကနေ သွင်းနေရတယ်လို့ ဆိုပါတယ်။
ရှောင်ရီရဲ့မိဘဆွေမျိုးတွေက မကျေနပ်ပဲတိုင်တန်းတဲ့အတွက်ကြောင့်မို့လို့ အခြား third-party စုံစမ်းစစ်ဆေးရေးလုပ်တဲ့အခါမှာ ၂၀၂၄ ဒီဇင်ဘာလမှာ ဆေးရုံရဲ့လုပ်ရပ်တွေမှားယွင်းကြောင်း အစီရင်ခံစာထွက်လာခဲ့ပါတယ်။
ဒါ့အပြင်အခုလိုခွဲစိတ်ပြီး ကိုယ်ခန္ဓာအစိတ်အပိုင်းတွေဖယ်ရှားခံရမှုကြောင့် ကလေးမှာဒီလိုဖြစ်သွားတယ်ဆိုတာပါ စစ်ဆေးတွေ့ရှိခဲ့ပါတယ်။
Chengwu County ကျန်းမာရေးကော်မရှင်က ဆေးရုံမှာတာဝန်ရှိတယ်လို့အမိန့်ချတဲ့အတွက်ကြောင့်မို့လို့ ဆေးရုံကတရုတ်ငွေ ယွမ် ၂ သိန်းပေးလျော်ခဲ့ပါတယ်။
ဒါပေမဲ့ ဒီလိုဆေးရုံရဲ့အမှားကြောင့် ရှောင်ရီလေးဟာ အသက်ကြီးလာရင်အလုပ်လုပ်လို့လည်းမရသလို အသက်ဘယ်လောက်ရှည်မလဲလည်း မသိရပါ။
ရှောင်ရီရဲ့မိဘတွေက ရှောင်ရီလေးကို တခြားဆေးရုံတွေတင်ပြီး ကုသဖို့ကြိုးစားခဲ့ပါတယ်။
ဒါပေမဲ့ ရှောင်ရီလေးကိုကယ်ဖို့က ခွဲထုတ်ခံထားရတဲ့ ကလီစာတွေကို အလှုရှာပြီး အစားထိုးပြန်ထည့်ပြီး ကုသမှရမယ်လို့ဆိုပါတယ်။
အခုလိုဆေးရုံကပေးတဲ့ လျော်ကြေးငွေ ယွမ် ၂ သိန်းဟာ ရှောင်ရီဆေးကုစားရိတ်ရဲ့အစိတ်အပိုင်း ပမာဏအသေးစားလေးသာဖြစ်တာကြောင့် မိဘတွေက တရားမျှတမှုရဖို့ မျှော်လင့်နေပါတယ်။
ရှောင်ရီရဲ့မိဘတွေက ကလေးကိုခွဲစိတ်တုန်းက ခွဲခန်းထဲက CCTV မှတ်တမ်းတွေကိုထုတ်ပေးဖို့ တောင်းဆိုလျှက်ရှိပြီး အမှန်တရားအမြန်ဆုံးပေါ်ပေါက်ဖို့နဲ့ ရှောင်ရီလေးအတွက် တရားမျှတမှုရဖို့ တစိုက်မတ်မတ်တောင်းဆိုနေကြပါတယ်။