အင်တာနက်ကြိုးကို ငါးမန်းကိုက်လို့ အင်တာနက် ပျက်သွားတယ် ကြားဖူးကြမှာပါ
ဒါဆို ဘာလို့ ရေအောက်မှာ ထားလဲ ဆိုတာလေးရှာမိတယ် ကုန်းပေါ်မှာထားမရဘူးလားပေါ့
အရှင်းဆုံး စပြောရရင် အင်တာနက် တစ်နေရာကနေ တစ်နေရာ ကိုသွားဖို့က Fiber Optic Cable ကိုသုံးတာပါ
Fiber Optic Cable တွေက သွားတဲ့နှုန်းက အရမ်းမြန်တယ်ဗျာ Latency ကလည်းနည်းတယ် (Latency ဆိုတာ PUBG ဆော့လို့ Bluetooth နားကြပ်တပ်ထားရင် ခြေသံ ကြားရတာ နောက်ကျတာမျိုးကြုံဖူးကြမှာ ဒါကို ပြောတာပါ)
နောက်ပြီး ကုန်ကျစရိတ် ကလည်း တခြား နည်းတွေဖြစ်တဲ့ Satellite တွေနဲ့ ယှဉ်ရင် တော်တော်ကိုသက်သာတယ်
ဒီတော့ အားသာချက်လည်းပိုရှိမယ် ကုန်ကျစရိတ်လည်း သက်သာတဲ့ Fiber Optic Cable တွေပဲသုံးတာပေါ့
ဒါဆို Fiber Optic Cable ခေါ်တဲ့ ကြိုးတွေကို သုံးလဲဆိုတာ သိသွားပြီးတဲ့အချိန်မှာ တော့
ဒီကြိုးတွေကို ဘာလို့ ရေထဲမှာထားလဲ ၊ မြေပေါ်ထားမရဘူး ဆိုတာ အမေးထွက်လာပြန်တယ်
အရှင်းဆုံးထပ်ပြောရရင် မြေပေါ်ကနေသာ ကြိုးတွေသွယ်တန်းမယ်ဆိုရင် တစ်နေရာကနေ တစ်နေရာကိုသွားဖို့ မြေပေါ်က နေရာ အများကြီးကို ဖြတ်ရမယ် ၊
နိုင်ငံမတူရင် ကန့်သတ်ချက်တွေ မတူဘူး လိုက်နာရမှာတွေများတယ် ၊
မြေငလျင်တွေ ၊
လူတွေနဲ့ ထိတွေမိဖို့ ဖြစ်နိုင်ခြေ အရမ်းများတယ်
ဒါမျိုးတွေရှိတယ် ဆိုတော့ ရေအောက်ထဲမှာ ထားလိုက်တာက မြေပြင်ပေါ်မှာ ထားတာထက်ကို ကိစ္စရှင်းတယ်ပြောရမှာပေါ့
အဓိက အချက်ကတော့ ရေအောက်ကတော့ နိုင်ငံနယ်နမိတ်နည်းတဲ့အတွက် ချိတ်ဆက်ဖို့ ပိုမိုလွယ်တယ် ညှိုနှိုင်းရမှုတွေ ပိုနည်းမယ်ပေါ့
ဒါ့အပြင်ကိုမှ ကမ္ဘာပေါ်မှာရှိတဲ့ continents တစ်ခုနဲ့တစ်ခု ဆက်ပေးဖို့ဆိုရင် မြေပြင်ထက် ရေထဲက ပိုပြီး အဆင်ပြေတယ်ပြောတယ် continents တွေက မြေပြင်က ထိစပ်တာက နေရာတိုင်းမဟုတ်ဘူးကိုး
ဒါဆိုရင် မြေပြင်ပေါ်မှာရော အင်တာနက်ကြိုးတွေမရှိဘူးလားမေးစရာရှိလာပြန်တယ်
ဟုတ်ပါတယ် ရှိပါတယ်လို့ဖြေရမှာပါ ဒါပေမယ့် continents ဖြစ်တဲ့ တိုက်ကြီးတစ်ခုနဲ့တစ်ခု ဆက်သွယ်တာမျိုးတွေတော့ ရှားတယ် မြို့တစ်ခုနဲ့တစ်ခု ချိတ်ဆက်တာ Data Centre တစ်ခုနဲ့တစ်ခု ချိတ်ဆက်တာတွေမှာ မြေပြင်ပေါ်ကနေ ဆက်သွယ်တယ်လို့ ဆိုပါတယ်
လက်ရှိမှာ ကမ္ဘာ့ တိုက်ကြီး တစ်ခုနဲ့တစ်ခု ဆက်သွယ်ပေးထားတဲ့ အင်တာနက် Cable ပေါင်း ၅၀၀ ကျော်ရှိတယ်လို့တော့ စစ်တမ်းတွေအရတွေ့ရပါတယ်
ဂိမ်းပေါင်း ၅၀၀ မဟုတ်တဲ့ ဒီကြိုးပေါင်း ၅၀၀ ကျော်က Internet Traffic တွေရဲ့ 99% လောက်ကို ကြားခံ အလုပ်လုပ်ပေးနေတာပါ
ရေအောက်ထဲမှာ ရှိတဲ့ အင်တာတက် ကေဘယ်တွေရဲ့ အရှည်က 1.5 Million Kilometers တောင်ရှိတယ်ဆိုပါတယ် ဒါက တကယ်ဆိုရင် ကမ္ဘာလှည့်ပြီးနီးပါးတဲ့အထိဖြစ်နေပါပြီ
သူတို့က ရေအောက်တော်တော် နက်နက်ထဲမှာကို ရှိတာပါ ပေ သုံးသောင်း လောက် အနက်ပေါ့
ဒါပေမယ့် ကမ်းခြေကို ကပ်လာလေလေ ကြိုးထားတဲ့ အနက်က နည်းလာလေဆိုတော့
တခါတလေကျရင် ငါးဖမ်းတာတွေ ၊ သင်္ဘောတွေက ကျောက်ချတာတွေ ထိတွေ့မိပြီး ပျက်တောက်မှုတွေ ဖြစ်ပေါ် တတ်တယ်လို့လည်းသိရပါတယ်
