လွန်ခဲ့တဲ့ရက်က မနက်စောစော တိုင်းရင်းသား ကျေးရွာထဲ ရောက်ဖြစ်တော့ ဈေးဆိုင်တန်းတွေ ရှိတဲ့ ဒီရေတောဘက်ကနေ လမ်းလျှောက်ရင်း တွေ့နေကျ ငှက်ကလေးတွေ တွေ့ရမလားလို့ လျှောက်ကြည့်ဖြစ်တယ်။ လမ်းခရီးမှာ ငှက်ဖမ်းသမားတွေရဲ့ ပိုက်နဲ့မိလို့လား ပတ်ဝန်းကျင် ပြောင်းလဲကုန်လို့လား အရင်လို ငှက်တွေ ပေါပေါများများ သိပ်မတွေ့ရဘူး။
အဲ့ဒီလမ်းလေး တစ်လျှောက်မှာ သဘာဝ အရိုင်းပန်း 🌼 လေးတွေလည်း ရှိတော့ လိပ်ပြာ 🦋 လေးတွေလည်း ပေါပေါများများ တွေ့ရတယ်။ ငှက်မတွေ့ တော့ လိပ်ပြာလေးတွေ ဓါတ်ပုံရိုက်ရင်း လမ်းလျှောက်လာလိုက်တာ "ကယားရိုးရာအိမ်"နဲ့ တောင်ကွဲစေတီ ရေကန်နားအရောက် ပိန်ညင်းငှက် အသံပေးပြီး ပျံလာတာ လှမ်းမြင်လိုက်တာနဲ့ ကန်ဘေးကနေ စောင့်ကြည့်တာ အထီး/အမ စုံတွဲရှိနေတဲ့အပြင် တခြားကန်ဖက်မှာလဲ အသံကြားနေရတယ်။
ဒီနှစ်တော့ ပြည်သူ့ရင်ပြင်ထဲမှာ ပေါ်လိုက်ပျောက်လိုက် ဖြစ်နေတဲ့ ဒီငှက်ကလေးကို တိုင်းရင်းသားမှာ အလွယ်တကူပဲ ဓါတ်ပုံ မှတ်တမ်း တင်ခွင့် ရခဲ့လိုက်ပါတယ်။ မိတ်ဆွေ အားလုံး ကျန်းမာ ပျော်ရွှင်ကြပါစေ ... ❤️❤️❤️
ID - Common Kingfisher
မြန်မာအမည် - ပိန်ညင်း/ပိန်ညင်းလေး