ရွေးကောက်ပွဲရက်များတွင် ပြည်တွင်း/ပြည်ပ မီဒီယာများကို သတင်းရယူခွင့်ပြုမည်
-----------------------------------------------------------
၂၀၂၅ခုနှစ် ပါတီစုံဒီမိုကရေစီအထွေထွေ ရွေးကောက်ပွဲ အပိုင်းလိုက် နေ့ရက်တွေမှာ ပြည်တွင်း နဲ့ နိုင်ငံတကာ သတင်းမီဒီယာတွေကို သတင်းရယူခွင့်ပြုမယ်လို ပြည်ထောင်စုရွေးကောက်ပွဲကော်မရှင် (UEC)က အောက်တိုဘာ၂၈ ရက်မှာ ထုတ်ပြန်ပါတယ်။
ပြည်တွင်းနဲ့ နိုင်ငံတကာသတင်းမီဒီယာသမားတွေအနေနဲ့ အပိုင်းလိုက်ကျင်းပမယ့် ရွေးကောက်ပွဲနေ့ရက်တွေ အတွက် သတင်းရယူခွင့် သက်သေခံကတ်ပြား လျှောက်ထားတာကို ဒီဇင်ဘာလ ၁၂ ရက် နောက်ဆုံးထား ဆောင်ရွက်ရမှာ ဖြစ်ပါတယ်။
၂၀၂၅ ခုနှစ် ဒီဇင်ဘာလ ၂၈ ရက်က စတင်ကာ အပိုင်းလိုက်ကျင်းပမယ့် ပါတီစုံဒီမိုကရေစီ အထွေထွေရွေး ကောက်ပွဲကို သတင်းရယူလိုတဲ့ သတင်းမီဒီယာတွေအနေနဲ့ တည်ဆဲဥပဒေ၊ နည်းဥပဒေ ၊ စည်းမျဉ်းစည်း ကမ်းတွေ၊ သတင်းမီဒီယာကျင့်ဝတ် နဲ့ သတင်းမီဒီယာသမားတွေ အတွက် ရွေးကောက်ပွဲဆိုင်ရာလမ်းညွှန်တွေနဲ့ အညီ လွတ်လပ်စွာ သတင်းရယူခွင့် ရှိတယ်လို ထုတ်ပြန်ချက်မှာ ဖော်ပြထားပါတယ်။သတင်းရယူမယ့် ပြည်တွင်းမီဒီယာတွေကို အထွေထွေရွေးကောက်ပွဲကျင်းပမယ့် ခရိုင်တစ်ခုချင်းစီအတွင်းရှိ သက်ဆိုင်ရာမြိုနယ်တွေမှာ မီဒီယာတစ်ခုကို ၄ ယောက်နှုန်းနဲ့ သတင်းရယူခွင့် ပြုသွားမယ်လို ဆိုပါတယ်။
ပြည်တွင်းသတင်းမီဒီယာသမားတွေ အနေနဲ့ မိမိကိုယ်စားပြုတဲ့ ပြည်တွင်းသတင်း မီဒီယာအဖွဲအစည်းက ရွေးကောက်ပွဲသတင်းရယူဖို တာဝန်ပေးစေလွှတ်ထားသူဖြစ်ကြောင်း အထောက်အထားစာကိုတင်ပြပြီး သက်ဆိုင်ရာခရိုင်ရွေးကောက်ပွဲကော်မရှင်အဖွဲခွဲမှာ ရွေးကောက်ပွဲနေ့သတင်းရယူခွင့် သက်သေခံကတ်ပြား လျှောက်ထားရမှာပါ။
အဲဒီအပြင် ပြည်တွင်းပုဂ္ဂလိက သတင်းမီဒီယာသမားတွေဟာ ကိုယ်တိုင်ရေးလျှောက်လွှာမှာ မိမိနဲ့ ဆက်သွယ်ဆောင်ရွက်နေတဲ့ ပြည်တွင်းသတင်းမီဒီယာအဖွဲအစည်းရဲ့ ထောက်ခံချက်စာကို တင်ပြကာ သက်ဆိုင်ရာခရိုင်ရွေးကောက်ပွဲကော်မရှင်အဖွဲခွဲမှာ လျှောက်ထားရမှာဖြစ်ပြီး ခရိုင်တစ်ခုထက်ပို သတင်းရယူချင်ရင် သတင်းရယူလိုတဲ့ ခရိုင်ရွေးကောက်ပွဲကော်မရှင်အဖွဲခွဲတွေမှာ ထပ်မံလျှောက် ထားရမယ်လို ထုတ်ပြန်ချက်မှာ ဖော်ပြထားပါတယ်။
နိုင်ငံတကာသတင်းမီဒီယာတွေကတော့ ပြန်ကြားရေးဝန်ကြီးဌာနကို ရွေးကောက်ပွဲနေ့သတင်းရယူခွင့် သက်သေခံကတ်ပြား လျှောက်ထားရမှာ ဖြစ်ပါတယ်။
ပြန်ကြားရေးဝန်ကြီးဌာနက စိစစ်ထောက်ခံပေးတဲ့ နိုင်ငံတကာသတင်း မီဒီယာအဖွဲအစည်း၊ ပုဂ္ဂိုလ်တွေကိုသာ ခွင့်ပြုပြီး ပြည်ထောင်စုရွေးကောက်ပွဲကော်မရှင်က အသိအမှတ်ပြုကတ်ပြားတွေ ထုတ်ပေးသွားမယ်လို ပြည်ထောင်စုရွေးကောက်ပွဲကော်မရှင်ရဲ့ ထုတ်ပြန်ချက်မှာ ဖော်ပြထားပါတယ်။
