#ယနေ့ထုတ်သတင်းစာ_နိုင်ငံတကာသတင်း
◾️အယ်လ်ဖာရှာမြို့ကို ထိန်းချုပ်နိုင်ပြီဟု အာအက်စ်အက်ဖ် ပြည်သူ့စစ်အဖွဲ့ ကြေညာ
ဆူဒန်နိုင်ငံ အနောက်ပိုင်းအယ်လ်ဖာရှာမြို့ကို အာအက်စ်အက်ဖ်ပြည်သူ့စစ်အဖွဲ့က ထိန်းချုပ်နိုင်ပြီဖြစ်ကြောင်း အဆိုပါအဖွဲ့ကအောက်တိုဘာ ၂၆ ရက်တွင် ပြောသည်။
အယ်လ်ဖာရှာကို အကြမ်းဖက်တပ်ဖွဲ့နှင့် မဟာမိတ်ဖွဲ့ထားသောကြေးစားစစ်သားများလက်မှ သိမ်းပိုက်ခဲ့ကြောင်း အာအက်စ်အက်ဖ်ပြည်သူ့စစ်အဖွဲ့က ကြေညာချက်ထုတ်ပြန်သည်။
ယင်းမှာ ဆူဒန်ပြည်တွင်းစစ်၏ အလှည့်အပြောင်းတစ်ခုအဖြစ်လည်း ရှုမြင်ရသည်။အယ်လ်ဖာရှာမြို့သည် ဒါဖာဒေသတွင် ပြည်သူ့စစ်အဖွဲ့၏ နောက်ဆုံးကျန်ရှိသော ခြေကုပ်ဖြစ်ပြီး ဆူဒန်တပ်မတော်အတွက် ကြီးမားသောထိုးနှက်ချက်တစ်ခုဖြစ်သည်။
ဆူဒန်စစ်တပ်ကမူ ပြည်သူ့စစ်များက မြို့ကိုထိန်းချုပ်လိုက်ခြင်းအပေါ် မှတ်ချက်ပြုခြင်းမရှိသေးပေ။ဆူဒန်စစ်တပ်အမှတ် ၆ ဌာနချုပ်ကို သိမ်းပိုက်ကြောင်း ကြေညာခဲ့ပြီး စစ်ယာဉ်များကို ဖျက်ဆီးပြီး စစ်ပစ္စည်းများကို သိမ်းယူခဲ့ကြောင်းပြည်သူ့စစ်အဖွဲ့က ပြောကြားခဲ့သည်။
မြို့၏ အစိတ်အပိုင်းအချို့ကိုဆူဒန်စစ်တပ်နှင့် ပြည်သူ့စစ်များထိန်းချုပ်မှုအောက်တွင် ရှိနေဆဲဖြစ်
သော်လည်း ကြာရှည်တောင့်ခံနိုင်မည်မဟုတ်ပေ။
အာအက် စ်အက်ဖ်ပြည်သူ့စစ်အဖွဲ့သည် အယ်လ်ဖာရှာမြို့ကို ၁၈လကြာ ဝိုင်းရံထားပြီး စစ်တပ်စခန်း
များနှင့် အရပ်သားများကို မကြာခဏဗုံးကြဲတိုက်ခိုက်ခဲ့သည်။
ခန့်မှန်းခြေအားဖြင့် လူပေါင်းသုံးသိန်းခန့်သည်တိုက်ပွဲများကြောင့် ပိတ်မိနေခဲ့သည်။
ဘီဘီစီ
