#ယနေ့ထုတ်သတင်းစာ_နိုင်ငံတကာသတင်း
◾️အမေရိကန်နှင့်တရုတ်တို့ ကုန်သွယ်ရေးဆိုင်ရာ မူဘောင်တစ်ရပ် သဘောတူ
အမေရိကန်နှင့် တရုတ်နိုင်ငံတို့သည်အလားအလာရှိသော ကုန်သွယ်ရေးသဘောတူညီချက်အတွက် မူဘောင်တစ်ရပ်ကိုသဘောတူညီခဲ့ကြောင်း အမေရိကန်ဘဏ္ဍာရေးဝန်ကြီး စကော့ဘက်ဆန့်က အောက်တိုဘာ ၂၆ ရက်တွင် ပြောသည်။
ယင်းကိစ္စကို သမ္မတဒေါ်နယ်ထရန့်နှင့်တရုတ်သမ္မတရှီကျင်းပင်တို့ ယခုသီတင်းပတ်နှောင်းပိုင်းတွင် တွေ့ဆုံသည့်အခါ ဆွေးနွေးမည်ဖြစ်ကြောင်း ၎င်းက ပြောသည်။
မူဘောင်တွင် တစ်တော့၏ အမေရိကန်ရှိလုပ်ငန်းများ၊ တရုတ်နိုင်ငံက မြေရှားသတ္တုတင်ပို့ုထိန်းချုပ်ခြင်းများကို ရွှေ့ဆိုင်းခြင်းများလည်း ပါဝင်သည်။
သမ္မတဒေါ်နယ်ထရန့်ခြိမ်းခြောက်ထားသည့်အတိုင်း တရုတ်ကုန်ပစ္စည်းများအပေါ်၁၀၀ ရာခိုင်နှုန်း အခွန်ကောက်ခံမှု အသက်ဝင်လာမည်ဟု မျှော်လင့်မထားကြောင်းလည်း၎င်းက ပြောကြားခဲ့ပြီး တရုတ်နိုင်ငံသည်အမေရိကန်မှ ပဲပိစပ်ဝယ်ယူမှုများကို ပြန်လည်စတင်မည်ဟုဆိုသည်။
ကမ္ဘာ့စီးပွားရေးအင်အားကြီးနှစ်နိုင်ငံအကြား ကုန်သွယ်ရေးစစ်ပွဲတွင် နောက်ထပ်တင်းမာမှုများကို ရှောင်ရှားရန် နှစ်နိုင်ငံစလုံးက ကြိုးပမ်းနေကြသည်။ သမ္မတဒေါ်နယ်ထရန့်နှင့် သမ္မတ ရှီကျင်းပင်တို့သည် အောက်တိုဘာ ၃၀ ရက်တွင် တောင်ကိုရီးယား၌ဆွေးနွေးကြမည်ဖြစ်သည်။
အမေရိကန်ဘဏ္ဍာရေးဝန်ကြီးဘက်ဆန့်သည် မလေးရှားတွင် ကျင်းပသော အရှေ့တောင်အာရှနိုင်ငံများအသင်း ထိပ်သီးအစည်းအဝေးကာလတွင် တရုတ်ကုန်သွယ်ရေး အကြီးတန်းအရာရှိများနှင့် တွေ့ဆုံခဲ့သည်။
မိမိတို့အနေဖြင့် ခေါင်းဆောင်နှစ်ဦးအတွက်သိသာထင်ရှားသော မူဘောင်တစ်ခုရရှိထားပြီး ဟု ပြောကြားခဲ့ပြီး အခွန်ကောက်ခံမှုများကို ရှောင်ရှားသွားမည်ဟု ၎င်းကပြောသည်။
ကိုးကာ-ဘီဘီစီ