#ယနေ့ထုတ်သတင်းစာ_နိုင်ငံတကာသတင်း
◾️လုဗ်ပြတိုက် ဖောက်ထွင်းခိုးယူမှုသံသယရှိသူနှစ်ဦးကို ဖမ်းဆီးထိန်းသိမ်း
စ်နိုင်ငံ ပါရီမြို့ရှိ လုဗ်ပြတိုက်မှ ရှေးဟောင်းအဖိုးတန်ရတနာများခိုးယူခဲ့သူများအဖြစ် သံသယရှိသူနှစ်ဦး ဖမ်းဆီးထားကြောင်း ပြင်သစ်သတင်းဌာနများက အောက်တိုဘာ ၂၆ ရက်တွင် ရေးသားဖော်ပြသည်။
၎င်းတို့ထဲမှ အမျိုးသားတစ်ဦးကို ချားလ်ဒီဂေါလေဆိပ်၌ လေယာဉ်စီးရန်ပြင်ဆင်နေချိန်တွင် ဖမ်းဆီးခဲ့သည်ဟုဆိုသည်။ အောက်တိုဘာ ၁၉ ရက်က လုဗ်ပြတိုက်မှ ယူရို ၈၈ သန်း တန်ဖိုးရှိပစ္စည်းများကို ခိုးယူခဲ့သည့် သူခိုးလေးဦးသည်ပြတိုက်ဖွင့်ပြီးမကြာမီတွင် အဆောက်အအုံထဲကို ဝင်ရောက်ခဲ့ကြသည်။
ပါရီရှေ့နေရုံးကမူ လူဘယ်နှယောက်ဖမ်းဆီးထားသည်ကို အသေးစိတ်မဖော်ပြသော်လည်း အောက်တိုဘာ ၂၅ ရက်နှောင်းပိုင်းတွင် ဖမ်းဆီးမှုများပြုလုပ်ခဲ့ကြောင်း ကြေညာချက်တစ်စောင်ထုတ်ပြန်ခဲ့သည်။ သံသယရှိသူ တစ်ဦးသည် အယ်လ်ဂျီးရီးယားသို့ ခရီးသွားရန် ပြင်ဆင်နေပြီး ကျန်တစ်ဦးကမူ မာလီကို သွားရောက်မည်ဖြစ်သည်ဟု သတင်းဌာနများ ဖော်ပြထားသည်။
အထူးရဲတပ်ဖွဲ့သည် ၎င်းတို့ကို ၉၆ နာရီအထိ ဖမ်းဆီးစစ်ဆေးနိုင်သည့်အခွင့်အာဏာရှိသည်။ ဖောက်ထွင်းခိုးယူခဲ့သည့်နေရာတွင် တွေ့ရှိခဲသောဒီအင်န်အေကြောင့် သံသယရှိသူတစ်ဦးကို ဖော်ထုတ်နိုင်ခဲ့သည်ဟု သတင်းဌာနများကဖော်ပြထားသည်။
သူခိုးများသည် ပြတိုက်မှ ပစ္စည်းကိုးခုကို ခိုးယူခဲ့သော်လည်း နပိုလီယံ- ၃၏ ဇနီးဖြစ်သူ ပိုင်ဆိုင်သည့် သရဖူတစ်ခုမှာ ပြုတ်ကျကျန်ရစ်ခဲ့ပြီး အနီးအနားမှာပြန်တွေ့ရှိခဲ့သည်။
လုဗ်ပြတိုက်သည် ပါရီတွင် ကမ္ဘာလှည့်ခရီးသည်များ လာရောက် လည်ပတ်မှု အများဆုံးနေရာများထဲမှ တစ်ခုဖြစ်ပြီး ၂၀၂၄ ခုနှစ်အတွင်းဧည့်သည် ၈ ဒသမ ၇ သန်း လာရောက်ခဲ့သည်။
ဘီဘီစ
