ရှမ်းပြည်တောင်ပိုင်းကုန်းမြင့်ဒေသများကဲ့သို့သော မြန်မာနိုင်ငံ၏ တောင်ကုန်းဒေသများတွင် Arabica ကော်ဖီစိုက်ပျိုးရန် သင့်တော်သော်လည်း အောင်မြင်သောအထွက်ရရှိရန် သိပ္ပံနည်းကျပြုစုစောင့်ရှောက်မှုလိုအပ်ပါသည်။
🌱 မြေနေရာ မြေစောင်း ၁၅% အောက်နိမ့်သော ရေဝပ်ခြင်းမရှိဘဲ ရေစီးဆင်းမှုကောင်းမွန်စေရန် သင့်တော်သည်။
⛰️ ပင်လယ်ရေမျက်နှာပြင်အမြင့် ပေ ၂,၅၀၀ ကျော် (မီတာ ၈၀၀ အထက်) ကောင်းမွန်သောအရည်အသွေးရှိ ကော်ဖီစေ့များထုတ်လုပ်နိုင်စေရန် လိုအပ်သည်။
🌡️ ပျမ်းမျှအပူချိန် ၁၅°C - ၂၄°C ရာသီဥတုအေးမြပြီး တည်ငြိမ်မှုရှိရန် လိုအပ်သည်။
🌧️ နှစ်စဉ်မိုးရေချိန် ၁,၅၀၀ - ၂,၀၀၀ မီလီမီတာ (ညီညာစွာရွာသွန်းရန်) အပင်ကြီးထွားမှုအတွက် ရေအလုံအလောက်ရရှိစေရန်။
🧪 မြေချဉ်ငံဓာတ် (pH) ၄.၅ - ၆.၅ အက်စစ်ဓာတ်သက်ရောက်မှုရှိသော မြေသည် သင့်တော်သည်။
👩‍🌾 စိုက်ပျိုးနည်းအဆင့်ဆင့်
1. မြေနေရာပြင်ဆင်ခြင်း - မြေပြင်ရာတွင် မြေဆီလွှာတိုက်စားမှုကို ကာကွယ်ရန် မြေစောင်း ၁၅% အောက်ရှိသော နေရာကို ရွေးချယ်ပါ။
2. စိုက်ကျင်းနှင့် ပင်ကြားတန်းကြား - ပင်ကြား ၄ ပေ၊ တန်းကြား ၈ ပေ ထားကာ စိုက်ပျိုးပါက တစ်ဧကလျှင် ၁,၃၆၀ ပင် စိုက်နိုင်သည်။ စိုက်ကျင်းကို ၁.၅ ပေ x ၁.၅ ပေ x ၁.၅ ပေ အရွယ် တူးဖော်ပြီး နွားချေး၊ တီစူပါစသည့် အော်ဂဲနစ်မြေဩဇာများ ထည့်သွင်းပေးပါ။
3. ပျိုးပင်ရွေးချယ်စိုက်ပျိုးခြင်း - ပျိုးသက် ၈ လမှ ၂ နှစ်အတွင်း ကျန်းမာသန်စွမ်းသော ပျိုးပင်ကို ရွေးချယ်ပါ။ ပျိုးအိတ်ခွာပြီး မြေလုံးမကွဲအောင် ဂရုစိုက်၍ စိုက်ပျိုးရန် အရေးကြီးသည်။
4. အရိပ်ပင်စိုက်ပျိုးခြင်း - Arabica ကော်ဖီသည် အလင်းရောင်အနည်းငယ်လိုသော်လည်း ရှမ်းပြည်တောင်ပိုင်းကဲ့သို့ မိုးပျံ့နှံ့စွာရွာသွန်းပါက အရိပ်မဲ့စိုက်နိုင်သည်။ သို့ရာတွင် ရာသီဥတုဖောက်ပြန်မှုဒဏ်ခံနိုင်ရန် ခါတော်မှီပင် (Silver Oak) ကဲ့သို့ အရိပ်ကောင်းပြီး အမြစ်နက်နက်ဆင်းသော အပင်များကို ကြိုတင်စိုက်ထားခြင်းက ပိုမိုစိတ်ချရသည်။
5. ပေါင်းမြက်ရှင်းလင်းခြင်းနှင့် ရေပေးသွင်းခြင်း - အပင်ငယ်စဉ် ပေါင်းမြက်ကင်းစင်အောင် ထားရှိပါ။ မိုးခေါင်ပါက ရေမှန်မှန်ပေးသွင်းရန် လိုအပ်သည်။
6. မြေဩဇာကျွေးခြင်း - ဖေါ်စပ်ထားသော သဘာဝမြေဩဇာ (သို့) သဘာဝမြေဩဇာများဖြစ်သော နွားချေး၊ ကြက်ချေး၊ သစ်ရွက်ဆွေးများကို အသုံးပြုပါ။