#ယနေ့ထုတ်သတင်းစာ_ပြည်တွင်းသတင်း
◾️မြန်မာရွေးကောက်ပွဲအတွက် လေ့လာစောင့် ကြည့်ရေးအဖွဲ့ စေလွှတ်ရေးစဉ်းစားပေးရန် အာဆီယံကို အင်ဒိုနီးရှားသမ္မတ ပရာဘိုဝို အဆိုပြု
မြန်မာနိုင်ငံ၌ကျင်းပမည့်အထွေထွေရွေးကောက်ပွဲ ပွင့်လင်းမြင်သာမှုရှိစေရေးအတွက် ရွေးကောက်ပွဲအကဲခတ်အဖွဲ့စေလွှတ်ဖြန့်ကြက်ရေးကို စဉ်းစားပေးရန် အင်ဒိုနီးရှားသမ္မတ ပရာဘိုဝိုဆူဘီယန်တိုကအောက်တိုဘာ၂၆ရက်တွင် အာဆီယံအဖွဲ့ကို တိုက်တွန်းထားကြောင်း သိရသည်။
မလေးရှားနိုင်ငံ ကွာလာလမ်ပူမြို့တော်၌ အောက်တိုဘာ ၂၆ရက်တွင် ကျင်းပခဲ့သော (၄၇)ကြိမ်မြောက် အာဆီယံထိပ်သီးညီလာခံတွင် အင်ဒိုနီးရှားသမ္မတက အထက်ပါအတိုင်း
တိုက်တွန်းခဲ့ခြင်းဖြစ်သည်။
မြန်မာနိုင်ငံ၏အခြေအနေမှာစိုးရိမ်ဖွယ်အနေအထားတွင်ရှိနေဆဲဖြစ်ရာလာမည့်ဒီဇင်ဘာလအတွင်းကျင်းပရန် စီစဉ်ထားသည့် အထွေထွေရွေးကောက်ပွဲအပါအဝင်နောက်ဆုံးဖြစ်ပေါ်ပြောင်းလဲမှု များကို မိမိတို့အနေဖြင့် အနီးကပ်စောင့်ကြည့်နေကြောင်းအင်ဒိုနီးရှားသမ္မတက ထုတ်ဖော်ပြောကြားခဲ့သည်။
ယင်းအပြင် နိုင်ငံရေးအပြောင်းအလဲ ကာလ တစ်လျှောက် ဒီမိုကရေစီ သဘောတရားများ ခိုင်မာစွာကျင့်သုံးနိုင်ရေးနှင့် ပွင့်လင်းမြင်သာမှုရှိရေးတို့ အရေးကြီးသည်ဖြစ်ရာမြန်မာနိုင်ငံက ကျင်းပမည့်ရွေးကောက်ပွဲအတွက်လေ့လာ စောင့်ကြည့်ရေးအဖွဲ့တစ်ဖွဲ့ စေလွှတ်ရေးအစီအစဉ်ကို ထည့်သွင်းစဉ်းစားရန်အင်ဒိုနီးရှားသမ္မတ ပရာဘိုဝိုကအာဆီယံအဖွဲ့ကို အဆိုပြုခဲ့သည်။
ထိုနည်းတူ မြန်မာနိုင်ငံတည်ငြိမ်ရေးနှင့် ငြိမ်းချမ်းရေးကြိုးပမ်းမှုများအတွက် အချက်ငါးချက်ပါအာဆီယံဘုံသဘောတူညီ ချက်သည်အဓိက လမ်းညွှန်မူဘောင်အဖြစ်ဆက်ရှိနေမည်ဖြစ်ကြောင်းအင်ဒိုနီးရှားသမ္မတက အတည်ပြုထားသည်။
အလားတူမြန်မာနိုင်ငံ၌အဓိပ္ပာယ်ပြည့်၀သည့်ဆွေးနွေးပွဲများကျင်းပနိုင်ရေးအတွက်နောက်ခံအခြေအနေတစ်ရပ်အဖြစ်အပစ်အခတ်ရပ်စဲရေးကိုမိမိတို့အနေဖြင့်ဆက်လက်တောင်းဆိုကြရမည်ဖြစ်ကြောင်း အင်ဒိုနီးရှားသမ္မတကပြောကြားခဲ့သည်။
ကိုးကား-အင်တာရာ
