မိုဟာမက်ဆာလက်ရဲ့ ခြေစွမ်းအပေါ် ဆလော့ လုံးဝ မစိုးရိမ်
====================
လီဗာပူးနည်းပြအန်းဆလော့က မိုဟာမက်ဆာလက်ရဲ့ ခြေစွမ်းနှင့်ပတ်သက်ပြီး သူ စိုးရိမ်ရမယ့်အရာမှာ နောက်ဆုံး စိုးရိမ်ရမယ့်အရာသာ ဖြစ်ကြောင်း ပြောကြားလာပါယ်။
မိုဟာမက်ဆာလက်ဟာ ပြီးခဲ့တဲ့ရာသီတုန်းက ၂၉ ဂိုးသွင်းခဲ့တဲ့အပြင် ၁၈ ကြိမ် ဖန်တီးပြီး လီဗာပူးအား ပရီးမီးယားလိဂ်ချန်ပီယံဖြစ်အောင် အဓိကနေရာမှ ကူညီခဲ့ပါတယ်။
ဒါပေမယ့် အီဂျစ်စူပါစတားဟာ ယခုရာသီမှာတော့ ပရီးမီးယားလိဂ်ဂိုး ၃ ဂိုးတည်းသာ သွင်းထားနိုင်ပါတယ်။
တဖက်တွင် လီဗာပူးဟာ နွေရာသီတုန်းက ပေါင် ၄၁၅ သန်း အသုံးပြုကာ တိုက်စစ်ကို အားဖြည့်ခဲ့ပေမယ့်လည်း ရုန်းကန်နေရပါတယ်။
၎င်းတို့ဟာ ပြိုင်ပွဲအရပ်ရပ် ၄ ပွဲဆက် အရှုံးနှင့် ကြုံရပြီးနောက် ကြားရက်တုန်းက ချန်ပီယံလိဂ်တွင် ဖရန့်ဖတ်အား ၅-၁ ဖြင့် အနိုင်ရရှိကာ နိုင်ပွဲလမ်းကြောင်းပေါ် ပြန်တက်ခဲ့ပါတယ်။
ဆလော့က "အဓိကအကြောင်းအရာက သူက လီဗာပူးအတွက် ဂိုးတွေ အများကြီး အမြဲတမ်း သွင်းလာခဲ့တာပါ။ မို ဂိုးထပ်သွင်းဖို့အရေးက ကျွန်တော် နောက်ဆုံးမှ စိုးရိမ်ရမယ့်အရာပါ။ သူ တစ်ဘဝလုံး လုပ်လာတဲ့အရာပါ။ လာမယ့် ရက်သတ္တပတ်တွေ လတွေမှာ ဂိုးတွေ ထပ်သွင်းလာဖို့ မျှော်လင့်တယ်"လို့ ပြောကြားသွားပါတယ်။
ဆာလက်ဟာ ကြားရက်တုန်းက ဖရန့်ဖတ်တွင် ဆာလက်ကို အရန်ခုံမှာ ထိုင်ခိုင်းပြီး အီကီတီကီ၊ အလက်ဇန္ဒားအီဆက်ခ်၊ ဖလိုရီယန်ဝါ့ဇ်တို့အား ပွဲထုတ်ခဲ့ပါတယ်။ ဒါပေမယ့် အလက်ဇန္ဒားအီဆက်ခ်မှာ ပေါင်ခြံဒဏ်ရာရရှိကာ လူစားလဲလှယ်ခဲ့ရပါတယ်။
ဒါကြောင့်လည်း ဆာလက်မှာ ယနေ့ည ဘရန့်ဖို့ဒ်နှင့် ပရီးမီးယားလိဂ်ပွဲစဉ်တွင် လီဗာပူးပွဲထွက်လူစာရင်းတွင် ပြန်လည်ပါဝင်လာဖို့ ရှိနေပါတယ်။
ဆာလက်ဟာ ပရီးမီးယားလိဂ် ၇ ပွဲဆက် ဂိုးပေါက်ပျောက် (ပင်နယ်တီမပါ)နေပြီး ၂၀၁၇ ခုနှစ်တွင် လီဗာပူးသို့ ပြောင်းလာပြီးနောက် အရှည်ကြာဆုံး ဂိုးပေါက်ပျောက်မှုနှင့် ကြုံနေရပါတယ်။
ဆက်လက်ပြီး ဆလော့က "ဘောလုံးမှာ ကစားသမားတွေ အခွင့်အရေး လွဲချော်တာ ပုံမှန်ပါ။ သူလည်း လူသားပါ။ သူ အခွင့်အရေး လွဲတာ ဘာလိုမှ မမြင်ပါဘူး"လို့ ပြောကြားသွားပါတယ်။
