#ယနေ့ထုတ်သတင်းစာ_နိုင်ငံတကာသတင်း
◾️(၄၇)ကြိမ်မြောက် အာဆီယံထိပ်သီးညီလာခံ ကျင်းပ၊ အမျိုးသားပြန်လည်ရင်ကြားစေ့ရေး ကြိုးပမ်းမှုများကို မြန်မာကိုယ်တိုင် ဦးဆောင်ရန်လိုအပ်ဟု မလေးရှားဝန်ကြီးချုပ် ပြောကြား
အမျိုးသား ပြန်လည်ရင်ကြားစေ့ရေး ကြိုးပမ်းမှုများကို မြန်မာနိုင်ငံ သားများကိုယ်တိုင် ဦးဆောင်မှသာ မြန်မာပြည်၏ ငြိမ်းချမ်းရေး အစွန့် ရှည်ကြာနိုင်မည်ဖြစ်ကြောင်း မလေးရှားဝန်ကြီးချုပ် အန်ဝါအီဘရာဟင် ကအောက်တိုဘာ ၂၆ ရက်တွင် ပြောကြားလိုက်သည်။
ကွာလာလမ်ပူမြို့တော်၌ အောက်တို ဘာ ၂၆ ရက်တွင် စတင်ကျင်းပသော (၄၇) ကြိမ်မြောက် အာဆီယံထိပ်သီး ညီလာခံတွင် မလေးရှားဝန်ကြီးချုပ်က မြန်မာ့နိုင်ငံရေး အခြေအနေနှင့် ပတ်သက်၍ အထက်ပါ အတိုင်း သုံးသပ်ခဲ့ခြင်းဖြစ်သည်။
မိမိတို့ အာဆီယံအဖွဲ့ဝင်နိုင်ငံများ အနေဖြင့် အချက်ငါးချက်ပါ အာဆီယံ ဘုံသဘောတူညီချက်၏ ဦးဆောင်မှုဖြင့် မြန်မာပြည်ငြိမ်းချမ်းရေးအတွက် လိုအပ်သည့် နောက်ခံအခြေအနေများ ဖန်တီးနိုင်ရန်ကြိုး ပမ်းနေကြောင်း သို့ရာတွင် ငြိမ်းချမ်းရေးလမ်းစဉ်သည် မြန်မာတို့၏ ကိုယ်ပိုင်လမ်းစဉ်၊ မြန်မာတို့ ကိုယ်တိုင်ဦးဆောင်သော လမ်းစဉ် ဖြစ်မှသာ အမျိုးသားပြန်လည်ရင်ကြားစေ့ရေး အဓွန့်ရှည်တည်တံ့ နိုင်မည်ဖြစ်ကြောင်း မလေးရှား ဝန်ကြီးချုပ်က အာဆီယံထိပ်သီး ညီလာခံတွင် ထုတ်ဖော်ပြောကြားခဲ့သည်။
အာဆီယံအဖွဲ့ နှစ်ပေါင်း(၆၀) နီးပါ ကြားရယူခံစားနိုင်ခဲ့သော ငြိမ်းချမ်းမှုနှင့် စီးပွား ရေးဖွံ့ဖြိုးတိုးတက်မှုတို့သည် ကိုယ်ထူကိုယ်ထ ဆက်လက်ရပ်တည်နိုင်မည့် အနေအထား မရှိခြင်းကြောင့် အာဆီယံအနေဖြင့်ပူးပေါင်း ဆောင်ရွက်မှုများ မြင့်တင်ရလိမ့်မည်ဖြစ်ကြောင်း မလေးရှားဝန်ကြီးချုပ်က အာဆီယံ ထိပ်သီးညီလာခံဖွင့်ပွဲတွင် ပြောကြားခဲ့သည်။
အောက်တိုဘာ ၂၆ ရက်မှ ၂၈ ရက် အထိကျင်းပမည့်(၄၇)ကြိမ်မြောက် အာဆီယံ ထိပ်သီးညီလာခံတွင် အာဆီယံ ခေါင်းဆောင်များအနေဖြင့် မြန်မာ့နိုင်ငံရေး ပြဿနာအပါ အပင် ဒေသတွင်းနှင့် နိုင်ငံတကာပြဿနာများကို အဓိကထားဆွေးနွေးမည်ဖြစ်သည်။
အဆိုပါ အာဆီယံထိပ်သီး ညီလာခံ ဆက်စပ်ထိပ်သီးညီလာခံများတွင် ထိုင်း၊ ကမ္ဘောဒီးယား၊ စင်ကာပူ၊ အင်ဒိုနီးရှား၊ ဖိလင် ပိုင်၊ ဘရူနိုင်း၊ မလေးရှားနှင့် ဗီယက်နမ် ခေါင်းဆောင်များအပြင် အာဆီယံ၏ အဓိက မိတ်ဖက်နိုင်ငံများဖြစ်ကြသော အမေရိကန်၊ တရုတ်နှင့် ဂျပန်အပါအဝင် ကမ္ဘာ့နိုင်ငံကြီး အများအပြားမှ ခေါင်းဆောင်များလည်း တက်ရောက်လျက်ရှိသည်။
ကိုးကား-သည်စတား
