#ယနေ့ထုတ်သတင်းစာ_နိုင်ငံတကာသတင်း
◾️အကဲခတ်စောင့်ကြည့်သူများကို မြန်မာသို့ စေလွှတ်ရေး အာဆီယံ ဆက်လက်ဆွေးနွေးမည်
မြန်မာနိုင်ငံသို့ အကဲခတ် စောင့်ကြည့်သူများ စေလွှတ်ရေးအစီအစဉ်ကို အခြားလုပ်ငန်းအစီအစဉ်များနှင့်အတူ အာဆီယံအဖွဲ့ဝင်နိုင်ငံများကဆက်လက်ဆွေးနွေးမည်ဖြစ်ကြောင်း မလေးရှားနိုင်ငံခြားရေးဝန်ကြီး မိုဟမ်မက်ဟာဆန်ကအောက်တိုဘာ ၂၅ ရက်တွင် ထုတ်ဖော်ပြောကြားထားသည်။
မြန်မာနိုင်ငံ၌ ငြိမ်းချမ်းရေးနှင့် တည်ငြိမ်မှု ပြန်လည်တည်ဆောက်နိုင်ရေးအတွက် ကြိုးပမ်းရာတွင် အချက်င ါးချက်ပါ အာဆီယံဘုံသဘောတူညီချက်ကိုလမ်းပြမြေပုံအဖြစ် ဆက်လက်ကျင့်သုံးမည်ဖြစ်ကြောင်း မလေးရှားနိုင်ငံခြားရေးဝန်ကြီးက အာဆီယံထိပ်သီး ညီလာခံမတိုင်မီ ပြောကြားခဲ့သည်။
အလားတူ မြန်မာနိုင်ငံသို့ အာဆီယံအကဲခတ်စောင့်ကြည့်သူများအဖွဲ့တစ်ဖွဲ့ စေလွှတ်ရေးအဆိုပြုချက်နှင့် ပတ်သက်၍လည်း ထိပ်တန်း တာဝန်ရှိသူများအဆင့် ဆွေးနွေးမှုများ ဆက်လက် ပြုလုပ်မည်ဖြစ်ကြောင်း မလေးရှားနိုင်ငံခြားရေးဝန်ကြီးက သတင်းထောက်များနှင့်တွေ့ဆုံစဉ် ထုတ်ဖော်ပြောကြားထားသည်။
ယင်းအပြင် အာဆီယံနိုင်ငံများအနေဖြင့် မြန်မာနိုင်ငံဆိုင်ရာ အာဆီယံအထူးသံတမန်၏ ရာထူးသက်တမ် းပြင်ဆင်ရေး အဆိုပြုချက်ကိုလည်း ဆွေးနွေးနေကြောင်း မလေးရှားနိုင်ငံခြားရေးဝန်ကြီး၏ အဆိုအရ သိရသည်။
ကွာလာလမ်ပူမြို့၌ အောက်တိုဘာ ၂၆ ရက် မှ ၂၈ရက်အထိ ကျင်းပလျက်ရှိသည့် အာဆီယံထိပ်သီး ညီလာခံ၌ အာဆီယံခေါင်းဆောင်များ အနေဖြင့် မြန်မာနိုင်ငံရေးပြဿနာကိုလည်း အဓိက အကြောင်းအရာတစ်ရပ်အဖြစ် ထည့်သွင်းဆွေးနွေးလျက်ရှိသည်။
အာဆီယံထိပ်သီးညီလာခံမကျင်းပမီအောက် တိုဘာ၂၅ရက်ကလည်း အာဆီယံအလှည့်ကျဥက္ကဋ္ဌ ဟောင်း အင်ဒိုနီးရှားနိုင်ငံ၊ လက်ရှိအလှည့်ကျဥက္ကဋ္ဌ မလေးရှားနိုင်ငံနှင့် ၂၀၂၆ ခုနှစ် အလှည့်ကျဥက္ကဋ္ဌ သစ် ဖိလစ်ပိုင် နိုင်ငံတို့က မြန်မာနိုင်ငံရေးအခြေအနေနှင့် ပတ်သက်၍ ထရွိုင်ကာအုပ်စု ဆွေးနွေးပွဲ တစ်ပွဲ ကွာလာလမ်ပူ၌ ကျင်းပခဲ့သည်။
ရေး-ဗျည်းနွဲ့
ကိုးကား- Bernama