ကြက်ငှက်တုပ်ကွေးဗိုင်းရပ်စ်ကြောင့် ကြိုးကြာငှက် ၁၀၀၀ ကျော် ေ-သဆုံး
ဂျာမနီနိုင်ငံ အရှေ့မြောက်ဘက်ရှိ လီနွန်မြို့အနီးရှိ မြက်ခင်းပြင်များနှင့် ရေစပ်များတွင် အရေအတွက်မြောက်မြားစွာသော ကြိုးကြာငှက်များသေဆုံးလျက်ရှိကြောင်း၊ ABS သတင်းဌာနမှဖော်ပြထားပါတယ်။
အောက်တိုဘာ ၂၂ ရက်နေ့မှာတော့ ၎င်းအဖြစ်အပျက်က ယခင်တခါမှမဖြစ်ပျက်ခဲ့ဖူးသလို၊ ကြိုးကြာငှက်များအား အကာအကွယ်ပစ္စည်းများဖြင့် စုပုံသယ်ဆောင်ခဲ့ကာ စွန့်ပစ်ခဲ့ရကြောင်း သိရှိရပါတယ်။ တခဏအတွင်းအကောင်ရေပေါင်း ၁၀၀၀ ကျော်ခန့်
သေဆုံးခဲ့တာဖြစ်ကြောင်း ဇီဝဗေဒပညာရှင် Norbert Schneeweiss က Reuters သတင်းဌာနအား ပြောကြားခဲ့ပါတယ်။
"ကျွန်တော်တို့သုံးသပ်ချက်အရ ဒီလိုအစုံအပြုံလိုက်သေဆုံးမှုက သူတို့ရဲ့ပင်မနားခိုရာနေရာတွေကို ထိခိုက်စေပါတယ်" လို့ ပြောခဲ့ပြီး အချို့နေရာတွေမှာ ကြိုးကြာများအပြင် ငှက်များ၊ ငန်းများနဲ့ ကျီးကန်းတို့ပါ သေဆုံးလျက်ရှိပါတယ်။
တိရစ္ဆာန်ကျန်းမာရေးအား အထူးသုတေသနပြုသည့် ဂျာမန်အဖွဲ့အစည်း FLI က ဓာတ်ခွဲနမူနာအချို့အားစစ်ဆေးတဲ့အခါ ကြက်ငှက်တုပ်ကွေး ဗိုင်းရပ်စ်အမျိုးအစားခွဲအားတွေ့ရှိခဲ့ပြီး၊ ဆက်လက်စစ်ဆေးသွားမည်ဖြစ်ကြောင်း ကြေညာခဲ့ပါတယ်။ ကြက်ဘဲမွေးမြူသူတို့ကိုလည်း တောရိုင်းငှက်များနှင့် မထိတွေ့စေရန်၊ ကြက်ဘဲများအား အထူးဂရုပြုကိုင်တွယ်မွေးမြူရန်အကြံပြုချက်များ ထုတ်ပြန်ခဲ့ပါတယ်။
