စဥ်းစားပြီးမှအလုပ်လုပ်ပါ
💡💡💡💡💡💡💡💡💡
တစ်ခါတုန်းက မြွေတစ်ကောင်ဟာ ရေအိုင်တစ်ခုအတွင်းမှ ဖားအားလုံးကို စားဖို့အကြံနဲ့ လာခဲ့ပါတယ်။ မြွေက ဖားတွေကို " သင်တို့ကို လုပ်ကိုင်ပေးဖို့ ရောက်လာရတာပါ။ ဗြဟ္မာတစ်ဦးရဲ့ ကျိန်စာကြောင့်ပေါ့"လို့ ပြောလိုက်တာပေါ့။
ဖားဘုရင်ဟာ ဝမ်းသာသွားပြီး ဖားအားလုံးကို မြွေအကြောင်း ပြောပြလိုက်တာပေါ့။ ဖားဘုရင် နောက်ကို လိုက်ရင်း ဖားအားလုံးဟာ မြွေရဲ့ကျောပေါ်ကို စီးဖို့ လိုက်ကြတာပေါ့။
နောက်နေ့မှာ မြွေက " ငါဘာမှ မစားရသေးဘူး။ မြန်မြန်သွားဖို့ အားနည်း နေပြီ"လို့ ပြောလိုက်သတဲ့။ ဖားဘုရင်က " မင်းရဲ့အမြီးဖျားမှာ ထိုင်နေတဲ့ဖားသေးသေးလေးကို စားလို့ရတယ်"လို့ မြွေကို ပြောလိုက်ပါတယ်။ မြွေက ဖားတစ်ကောင်ကို စားပစ်လိုက်တာပေါ့။
နောက်ရက်နည်းနည်းကြာတော့မြွေဟာ ဖားအားလုံးကို စားပစ်လိုက်ပါတယ်။ ဖားဘုရင်ပဲ ကျန်တော့တာပေါ့။
နောက်နေ့မှာ မြွေက " ငါ ဘာမှမစားရသေးဘူး။ မြန်မြန်သွားဖို့ အားနည်းနေပြီး"လို့ ပြောလိုက်ပြန် ပါတယ်။
ဖားဘုရင်ကလည်း " အမြီးဖျားမှာ ထိုင်နေတဲ့ဖားကို စားနိုင်ပါတယ်"လို့ပြောလိုက်ပြန်သတဲ့။ ဒီတစ်ခါမှာ တော့ မြွေကို ဖားဘုရင်ကို စားပစ်လိုက်ပါတော့တယ်။
ဒီပုံပြင်လေးရဲ့ ပေးချင်တဲ့သင်ခန်းစာကတော့ ဘယ်အလုပ်ကိုမဆို မလုပ်ခင်မှာ စဉ်းစားရမယ်ဆို တာပါပဲကွယ်။ ။
