ပြီးပြည့်စုံတဲ့ရာသီအစ ပိုင်ဆိုင်ပြီးနောက် ကွန်ပနီကို ဘိုင်ယန်မြူးနစ် စာချုပ်သစ်ချုပ်ဆိုလာ
==================
ဘိုင်ယန်မြူးနစ်ဟာ ၂၀၂၅-၂၆ ရာသီအား ပြီးပြည့်စုံတဲ့ စတင်မှု ပြုလုပ်နိုင်ပြီးနောက် နည်းပြဗင်းဆင့်ကွန်ပနီကို အသင်းတွင် ၂၀၂၉ ခုနှစ် ဇွန်လအထိ ရှိနေမယ့် စာချုပ်သစ်အား ချုပ်ဆိုလာပါတယ်။
ကွန်ပနီရဲ့ ဘိုင်ယန်မြူးနစ်ဟာ ရာသီအသစ်အဖွင့်လှပလျက်ရှိနေပြီး ဘွန်ဒက်စ်လီဂါအား ၅ မှတ်ဖြတ်ကာ ဦးဆောင်ထားနိုင်ပါတယ်။
အသက် ၃၉ နှစ်ရှိ ဘယ်လ်ဂျီယံနိုင်ငံသားနည်းပြဟာ ဘန်လေမှ မြူးနစ်သို့ ရောက်လာပြီးနောက် ပထမဆုံးရာသီတွင်ပင် ဘွန်ဒက်စ်လီဂါဖလား ရယူပေးနိုင်ခဲ့ပါတယ်။
သူ့ရဲ့ ယခင်စာချုပ်မှာ ၂၀၂၇ ခုနှစ်ဇွန်လတွင် ကုန်ဆုံးမှာ ဖြစ်ပြီး ၂ နှစ်စာချုပ်သက်တမ်းတိုး ချုပ်ဆိုခဲ့တာလည်း ဖြစ်ပါတယ်။
ဘိုင်ယန်မြူးနစ်ဟာ နည်းပြကွန်ပနီကို စာချုပ်သစ်ချုပ်ဆိုလိုက်ပြီးနောက် အသင်းရဲ့ အဓိက ကစားသမားဖြစ်တဲ့ ဟယ်ရီကိန်းကို စာချုပ်သစ်ချုပ်ဆိုရေး လုပ်ဆောင်လာဖို့လည်း ရှိနေပါတယ်။
ဟယ်ရီကိန်းဟာ စနေနေ့တုန်းက ဒေါ့မွန်နိုင်ပွဲတွင် ဂိုးသွင်းနိုင်ခဲ့ပြီးနောက် ပရော်ဖက်ရှင်နယ်ကလပ်ကစားသမားဘဝ ဂိုး ၄၀၀ ပြည့်ခဲ့ပြီ ဖြစ်ပြီး ဘိုင်ယန်မြူးနစ်အတွက် ၁၀၇ ပွဲကစားထားရာမှာ ၁၀၄ ဂိုးအထိ သွင်းထားနိုင်ပါတယ်။
သူဟာ ယခုရာသီတွင် ၅၂ မိနစ်ကစားတိုင်း ၁ ဂိုးသွင်းနိုင်တဲ့အထိ ကြောက်ခမန်းလိလိဂိုးသွင်းနှုန်း ပိုင်ဆိုင်ထားသူလည်း ဖြစ်ပါတယ်။
