ဘဝဆိုတာ ကိုယ်လုပ်ချင်တာ
တစ်ခု လုပ်ရဖို့အတွက်
မလုပ်ချင်တာတွေ
အများကြီးကို လုပ်ပြီးစောင့်ရတာပါ။
လူတော်တော်များများဟာ
အချိန်တွေရင်း ဘဝတွေရင်းပြီး
ဖြစ်ချင်တာလေးတစ်ခု
ဖြစ်လာဖို့ စောင့်ရပါတယ်။
ဖြစ်ချင်တာတစ်ခု ဖြစ်လာဖို့
အခုလုပ်သင့်တာတွေ
အများကြီးကို လုပ်ပြီး
စောင့်နိုင်ရတယ်။
အဲလိုစောင့်နိုင်တာ
အဲဒါရင့်ကျက်မှုပါ။
အဲဒါ ပညာပါ။
ကျေနပ်စရာတစ်ခု မတွေ့တိုင်း
မကျေနပ်စရာကို
ရအောင်ရှာကြည့်တာ လူ့ သဘာဝပါ။
ဖြစ်ချင်တာနဲ့ ဖြစ်သင့်တာ
တစ်ထပ်တည်းကျသွားပြီဆိုရင်
အဲဒီလူမှာ စိတ်ဓာတ်အင်အားတွေ
အများကြီးတိုးလာပါလိမ့်မယ်။
ဉာဏ်ပညာလည်း ကြီးလာလိမ့်မယ်။
ကြည်လင်အေးချမ်းတဲ့သူတစ်ယောက်
လည်း ဖြစ်လာပါလိမ့်မယ်။
ပြဿနာဆိုတာ ဘဝနဲ့အတူတူ
တွဲပါလာပြီးသားပါနော်။
ဘဝရှိရင် ပြဿနာ ရှိတာပါပဲ။
ရှောင်လွှဲချင်လို့မရပါဘူး။
ဘဝနဲ့ အတူရှိနေတဲ့
မလွှဲသာမရှောင်သာ
ပြဿနာတွေ၊ စိတ်ဆင်းရဲမှုတွေ
အပေါ် ဘယ်လိုသဘောထားရမလဲ
ဘယ်လိုအမြင်နဲ့ ကြည့်ရမလဲ
အဲဒါအရေးကြီးပါတယ်။
ကြုံတွေ့ရတဲ့ လောကဓံတွေ
အခက်အခဲဒု၊က္ခကြောင့်
ကိုယ်ဟာ ပိုပြီးတော့ ထားတတ်
တဲ့သူ ဖြစ်လာရမယ်။
စိတ်ထား ပိုကောင်းတဲ့သူ ဖြစ်လာရမယ်။
ကိုယ့်ပြဿနာတွေ..
ကိုယ့်အခက်အခဲတွေကိုဖြေရှင်းရင်း
ကိုယ်ဟာအရင်ထက်ပိုပြီး
ဉာဏ်ရင့်သန်လာတဲ့သူ ဖြစ်ရမယ်။
ဘဝမှာ အခက်အခဲတွေ
ပြဿနာတွေရှိလာရင်...
ဒီအခက်အခဲတွေ ဒီပြဿနာတွေကို
ရင်ဆိုင်ရင်းဖြေရှင်းရင်းနဲ့ ကိုယ်ဟာ
ပိုစဉ်းစားတတ်တဲ့သူ၊
ပိုတွေးခေါ်မြော်မြင်တဲ့တတ်သူ
ပိုစိတ်ထားမြင့်တဲ့သူ ဖြစ်လို့ရပါတယ်။
#crd
