⬛ထိုင်းနိုင်ငံ၌ မြန်မာရွှေ့ပြောင်းလုပ်သား ၁၆၂ ဦးဖမ်းဆီးခံရ
ထိုင်းနိုင်ငံနှင့်မလေးရှားနိုင်ငံတို့ရှိ လုပ်ငန်းခွင်များတွင်လုပ်ကိုင်ရန်သွားရောက်သည့် တရားမဝင်မြန်မာ ရွှေ့ပြောင်းလုပ်သား ၁၆၂ ဦး (အောက်တိုဘာ ၁၉ ရက်)တွင် ကန်ချနာဘူရီပြည်နယ်တွင် ဖမ်းဆီးခံရကြောင်း ထိုင်းသတင်းမီဒီယာများတွင်ဖော်ပြထားသည်။
ကန်ချနာဘူရီပြည်နယ်အုပ်ချုပ်ရေးမှူး အထီဆန်အင်ထရာက အဆိုပါတရားမဝင်လုပ်သားများသတင်း ရရှိခဲ့ပြီးနောက် ထောင်ဖာဖမ်အထူးတပ်ဖွဲ့ဖြင့်ရှာဖွေခဲ့ရာ ထောင်ဖာဖွမ်ခရိုင်ရှိတောတွင်းတစ်နေရာတွင် ဖမ်းဆီးမိခဲ့ခြင်းဖြစ်ကြောင်းသိရသည်။
ဖမ်းဆီးခံရသောမြန်မာနိုင်ငံသားများမှာ ဘန်ကောက်၊ ချွန်ဘူရီ၊ အယုဒ္ဓယနှင့်ဆွန်ခလာတို့ရှိ လုပ်ငန်း ခွင်များသို့ပို့ဆောင်ပေးရန်ပွဲစားများအား ဘတ် ၂၀,၀၀၀ နှင့် ၂၄,၀၀၀ အကြားပေးခဲ့ကြောင်း ယာဉ်မောင်းကထောင်ဖာဖမ်ခရိုင်တောတွင်းသို့ပို့ဆောင်ပေးခဲ့ပြီး ယင်းမှတဆင့်မြို့တွင်းသို့အခြားယာဉ် တစ်စီးဖြင့်ခေါ်ဆောင်ပေးမည်ဟုဆိုသောကြောင့် တောထဲတွင်စောင့်ဆိုင်နေစဉ်ဖမ်းဆီးခံရကြောင်း ဘန်ကောက်ပို့စ်သတင်းကရေးသားထားသည်။
ဖမ်းဆီးခံရသည့်တရားမဝင်မြန်မာနိုင်ငံသားများထဲတွင် အမျိုးသား ၉၄ ဦး၊ အမျိုးသမီး ၅၇ ဦးနှင့် အသက်(၁၈)နှစ်အောက် ယောက်ျားလေးနှင့် မိန်းကလေး ၁၁ ဦးပါဝင် ကြောင်းသိရသည်။
သတင်း - ပိုင်လေး
ဓာတ်ပုံ - ဘန်ကောက်ပို့စ်
#ပြည်တွင်းသတင်း
