🔅 စပျစ်သီးဖျော်ရည်၏ ကျန်းမာရေး စွမ်းပကား
စပျစ်သီးဖျော်ရည်၏ ကျန်းမာရေး စွမ်းပကား စပျစ်ဖျော်ရည်မှာ အေရးပါတဲ့ အာဟာရဓာတ်တွေနဲ့ ဗီတာမင်တွေ ပါဝင်တာကြောင့် ကျန်းမာသန်စွမ်းမှုကို ရရှိစေပါတယ်။ လတ်တလော လေ့လာမှုတွေအရ စပျစ်ဖျော်ရည်ကို သောက်တာက ဦးနှောက်ရဲ့ လုပ်ငန်းဆောင်တာတွေကို ကောင်းမွန်စေပြီး သွေးလှည့်ပတ်မှုကို ကောင်းမွန်စေပါတယ်။
၁။ စပျစ်ဖျော်ရည်မှာ အင်တီအောက်ဆီးဒင့် ဖလေဗိုးနွိုက်နဲ့ ရက်စ်ဗာရထရော တို့အများအပြား ပါဝင်နေပါတယ်။ ဒီအစွမ်းထက် အင်တီအောက်ဆီးဒင့် နှစ်မျိုးစလုံးဟာ ခန္ဓာကိုယ်ထဲက မကောင်းတဲ့ ဖရီးရယ်ဒီကယ်တွေကို ဖယ်ရှားပေးတဲ့ အပြင်စိတ်ချမ်းသာမှုကို ရရှိစေကာ ကိုယ်ခံစွမ်းအားစနစ်ကို ကောင်းမွန်စေပါတယ်။ အနီရောင်နဲ့ ခရမ်းရောင် စပျစ်သီးထဲမှာပါတဲ့ အင်တီအောက်ဆီးဒင့် ပမာဏဟာ အစိမ်းရောင် စပျစ်သီးမှာထက် ပိုများပါတယ်။
၂။ စပျစ်သီးဖျော်ရည်က သွေးတွင်း မကောင်းတဲ့ ကိုလက်စထရောအဆင့်ကို လျော့ကျစေပါတယ်။လေ့လာမှုအရ စပျစ်သီးဖျော်ရည်က သွေးဖိအားကို ထိန်းပေးနိုင်ကြောင်း သိရပါတယ်။
၃။ တက်ဖ်တက္ကသိုလ်ရဲ့ လတ်တလောလေ့လာမှု တစ်ရပ်အရ စပျစ်ဖျော်ရည်ကို ပုံမှန်သောက်တာက ဦးနှောက်ရဲ့လှုပ်ရှားမှုကို ကောင်းမွန်စေကြောင်း သိရပါတယ်။
၄။ တခြားလေ့လာမှုတွေအရ နှလုံးသွေးကြောဆိုင်ရာရောဂါ တွေ ခံစားနေရတဲ့လူနာတွေဟာ စပျစ်သီးဖျော်ရည်ကို ပုံမှန်သောက်တာကြောင့် အကျိုးကျေးဇူးရနိုင်ကြောင်း သိရပါတယ်။
၅။ စပျစ်ဖျော်ရည်ဟာ စွမ်းအင်ဆုံးရှုံးမှုကို ပြန်လည်ဖြည့်တင်း ပေးနိုင်တာကြောင့် လန်းဆန်းတက်ကြွမှုကို ရရှိစေပါတယ်။ သံဓာတ်ချို့တဲ့နေတဲ့ အမျိုးသမီးတွေဟာ စပျစ်ဖျော်ရည် သောက်တာကြောင့် စွမ်းအားကောင်းစေပါတယ်။
၆။ စိတ်ဖိစီးမှု များနေသလား။
စပျစ်ဖျော်ရည်တစ်ခွက် သောက်လိုက်ရင် ဖိစီးမှုလျော့ကျပြီး လန်းဆန်းသွားပါလိမ့်မယ်။
၇။ သွေးတွင်းကိုလက်စထရော အဆင့်မြင့်မားနေရင် စပျစ်ဖျော်ရည်ကို နေ့စဉ်ပုံမှန်သောက်ပါ။
၈။ စပျစ်ဖျော်ရည်ကို ပုံမှန်သောက်နေသူတွေက ဝမ်းမှန်မှန်သွားစေပြီး အသည်းနဲ့အရေပြား ကျန်းမာရေးကို ကောင်းမွန်စေပါတယ်။
၉။ စပျစ်သီးမှာပါတဲ့ ရက်စ်ဗာရထရောဟာ အယ်လ်ဇိုင်းမား ရောဂါရှိသူတွေမှာ amyloidal-beta peptides အဆင့်လျော့ကျစေတာကြောင့် ဦးနှောက်ကျန်းမာရေး ကောင်းမွန်စေပါတယ်။
၁ဝ။ စပျစ်သီးမှာ ဘက်တီးရီးယား ဆန့်ကျင်တဲ့ ဂုဏ်သတ္တိရှိတာကြောင့် ကူးစက်ပိုးဝင်မှုမဖြစ်အောင် ကာကွယ်ပေးနိုင်ပါတယ်။
၁၁။ စပျစ်သီးမှာပါတဲ့ ဖလေဗိုးနွိုက်တွေ ကမျက်စိအတွင်းတိမ် ဖြစ်နိုင်ခြေကို လျော့ကျစေပါတယ်။
Tip!
အဆင်သင့် စပျစ်သီးဖျော်ရည်မှာ သကြားပါဝင်မှု မြင့်မားတာကြောင့် စပျစ်ဖျော်ရည်ကို အများအပြားမသောက်သင့်ပါ။ ဖြစ်နိုင်ရင် လတ်ဆတ်တဲ့ စပျစ်သီးကို မိမိဘာသာ ဖျော်ရည်လုပ်ပြီး သောက်သုံးသင့်ပါတယ်
Credit original writter