ဘယ်ပရိသတ်ကို အခမဲ့ အမှတ်တရ လက်မှတ်ရေးထိုးလာမှာ မဟုတ်တော့တဲ့ လာမိန်းယာမဲလ်
======================

ဘာစီလိုနာပါရမီရှင် လာမိန်းယာမဲလ်ဟာ ဘယ်ပရိသတ်ကိုမှ အမှတ်တရလက်မှတ် ရေးထိုးပေးလာတော့မှာ မဟုတ်တော့ပါဘူး။ လာမိန်းယာမဲလ်ဟာ အမှတ်တရပစ္စည်းရောင်းချတဲ့ ထိပ်တန်းကုမ္ပဏီနှင့် ပူးပေါင်းကာ သူ့လက်မှတ်ရေးထိုးထားတဲ့ ပစ္စည်းများကို ပရိသတ်များထံ ရောင်းချလာတော့မှာလည်း ဖြစ်ပါတယ်။

လာမိန်းယာမဲလ်ရဲ့ ကမ္ဘာ့အမှတ်တဆိပ်ဖြစ်လာမှုနှင့်အတူ ယခုကဲ့သို့ စီးပွားရေးအကွက်မြင်တဲ့ ကုမ္ပဏီများက အမှတ်တရ လက်မှတ်ရေးထိုးထားတဲ့ ပစ္စည်းအား ပရိသတ်များထံ ရောင်းချမှု ပြုလုပ်လာမှာလည်း ဖြစ်ပါတယ်။
Mundo Deportivo က အသက် ၁၈ နှစ်ရှိ စပိန်နှင့် ဘာစီလိုနာပါရမီရှင်လာမိန်းယာမဲလ်ရဲ့ အေးဂျင့်များဟာ အမေရိကမှ နာမည်ကျော်စူပါစတားများရဲ့ လက်မှတ်ရေးထိုးထားတဲ့ အမှတ်တရပစ္စည်းများ ရောင်းချတဲ့ ကုမ္ပဏီနှင့် ဆွေးနွေးမှုများ ပြုလုပ်နေပါတယ်။

လာမိန်းယာမဲလ်ဟာ ဘာစီလိုနာရဲ့ လေ့ကျင့်ရေးကွင်းပြင်ပတွင် ပရိသတ်များအား အင်္ကျီ၊ ဖိနပ်နှင့် အခြားအမှတ်တရပစ္စည်းများတွင် အမှတ်တရလက်မှတ်ရေးထိုးမှု မကြာခဏ ပြုလုပ်လေ့ရှိသူလည်း ဖြစ်ပါတယ်။
ဒါပေမယ့်လည်း ယာမဲလ် အမှတ်တရ လက်မှတ်ရေးထိုးလိုက်တဲ့ ပစ္စည်းကို ယင်းပရိသတ်များကပင် အွန်လိုင်းတွင် ဈေးတင်ကာ ရောင်းချနေကြပါတယ်။

ယင်းကြောင့်လည်း လာမိန်းယာမဲလ်နှင့် အေးဂျင့်တို့ဟာ ပရိသတ်များကို အမှတ်တရ လက်မှတ်ရေးထိုးပေးခြင်း မပြုလုပ်တော့ဘဲ ကုမ္ပဏီတစ်ခုနှင့် ချိတ်ဆက်ကာ ရောင်းချရန် စီစဉ်လာတာလည်း ဖြစ်ပါတယ်။

ယင်းသို့ လုပ်ဆောင်မှုမျိုးကို အမေရိကန်အားကစားလောကတွင် လုပ်ဆောင်လာတာ ကြာမြင့်လာပြီလည်း ဖြစ်ပါတယ်။
လီဘရွန်ဂျိမ်းစ်တို့ကဲ့သို့ နာမည်ကျော်ဘတ်စကက်ဘောသမားများဟာ အမှတ်တရလက်မှတ်ထိုးထားတဲ့ ပစ္စည်းနှင့်ပတ်သက်ပြီး အပြည့်အဝ ထိန်းချုပ်မှု ပြုလုပ်ထားကြပါတယ်။

တဖက်တွင် လာမိန်းယာမဲလ်ဟာ ဘာစီလိုနာနှင့် ၂၀၃၁ ခုနှစ်အထိ စာချုပ်သစ်ချုပ်ဆိုလာမှု၊ စပွန်ဆာဝင်ငွေမြင့်မားလာမှုနှင့်အတူ ၂၀၂၅ ခုနှစ်အတွင်း ဝင်ငွေ ဒေါ်လာ ၄၃ သန်းအထိ ရရှိလာမှာ ဖြစ်ပြီး ၂၀၂၅ ခုနှစ်ရဲ့ ဝင်ငွေအကောင်းဆုံးဘောလုံးသမား ၁၀ ဦးစာရင်းဝင်လာပါတယ်။