သခွားသီးသုပ်ကြိုက်ကြလားရှင့်... သခွားသီး သုပ်ကြိုက်တဲ့သူလေးတွေအတွက် သုပ်နည်းလေး တင်ပေးထားပါတယ်။
ပုဇွန်သခွားသီးရခိုင်သုပ် စပ်စပ်လေး 😋😋😋
သခွားသီးသုပ် အရည်ရွှဲရွှဲလေးကို ထမင်းဖြူလေးနဲ့စား အရမ်းကိုစားကောင်းပါတယ်။
သခွားသီးကို ရေဆေးနှစ်ခြမ်းခွဲ အလယ်ကအစေ့လေးတွေထုပ်ပြီးခြစ်ထားပါ။
နုနုလေးဆို အစေ့ထုပ်စရာတောင်မလိုပါဘူး။
ကြက်သွန်နီနှစ်လုံးလောက် ပါးပါလေးလှီးပြီး ရေဆေးထားပါ။
ပုဇွန်လှော်ပြီး အခွံခွာထားပါ။
ငပိမီးဖုတ်ထားပါ။
ငရုပ်သီးစိမ်း ကိုယ်အစပ်စားနိုင်သလောက် လှော်ထားပါ။
ပြီးရင် ငပိနဲ့ ငရုပ်သီးစိမ်းလေး ရောထောင်းပါ။
အရသာအတွက် လိုအပ်တဲ့ဆား၊ အချိုမှုန့်၊ သို့မဟုတ် ကြက်သားမှုန့်ကို တခါတည်းထည့်ထောင်းပါတယ်။
လှော်ထားတဲ့ပုဇွန်တဝက်လောက်ကိုလည်း ရောထောင်းလိုက်ပါတယ်။
ကျန်တဲ့တဝက်က အကောင်လိုက်ထည့်ပါမယ်။
ပြီးရင် ခြစ်ထားတဲ့သခွားသီးထဲကို ထောင်းထားတာတွေထည့်၊ ကြက်သွန်နီပါးပါလှီးထားတာနဲ့ ပုဇွန်တွေထည့်ပြီး ရောသုပ်ပါ။
အချဥ်ကြိုက်ရင် သံပရာသီးလေး ညှစ်ထည့်ပါ။
နောက်ဆုံး အရသာလေးမြည်းပြီး ပင်စိမ်းလေးညှပ်ထည့်ပြီးရင် ရပါပြီရှင့်......။ 😋😋😋
