#ယနေ့ထုတ်သတင်းစာ_နိုင်ငံတကာသတင်း
⬛အင်ဒိုနီးရှား မီးတောင်ပေါက်ကွဲမှု သတိပေးချက် အမြင့်ဆုံးထုတ်ပြန်
အင်ဒိုနီးရှားနိုင်ငံရှိ ကျွန်းတစ်ကျွန်းပေါ်တွင် မီးတောင်တစ်လုံး ပေါက်ကွဲခဲ့ကြောင်း အာဏာပိုင်များက အောက်တိုဘာ ၁၅ ရက်တွင် ပြောကြားလိုက်ပြီးကောင်းကင်တွင် ပြာမှုန့်များမှုတ်ထုတ်နေရာ အမြင့်ဆုံး သတိပေးချက် ထုတ်ပြန်ထားကြောင်း ပြောသည်။
ဖလောရက်စ်ကျွန်းရှိ လီဝိုတိုဘီ လာကီ-လာကီ မီးတောင်သည်အောက်တိုဘာ ၁၄ ရက် နှောင်းပိုင်းနှင့် အောက်တိုဘာ ၁၅ ရက်အစောပိုင်းတွင်ထပ်မံပေါက်ကွဲခဲ့ပြီး မီးတောင်အထက် ၁၀ ကီလိုမီတာထိ မီးတောင်ပြာများ မှုတ်ထုတ်ခဲ့သည်။
၁၅၈၄ မီတာအမြင့်ရှိ အဆိုပါ မီးတောင်ပေါက်ကွဲမှုကြောင့် အသေအပျောက် သို့မဟုတ် ပျက်စီးမှု တစ်စုံတစ်ရာကို ထုတ်ပြန်ခြင်း မရှိသော်လည်း အာဏာပိုင်များကဖလောရက်စ်ကျွန်းပေါ်ရှိ ဒေသခံ များနှင့် ခရီးသွားများကိုတတ်နိုင်သမျှ ဘေးလွတ်ရာသို့ ရွှေ့ပြောင်းရေးအတွက်ပြင်ဆင်နေကြရန် သတိပေးထားသည်။
ငလျင်လှုပ်ခတ်မှုအကြိမ်ရေ မြင့်တက်လာခြင်းကြောင့်မီးတောင်သတိပေးချက်ကို အမြင့်ဆုံး ထုတ်ပြန် ထားကြောင်းအင်ဒိုနီးရှား ဘူမိအေဂျင်စီ အာကီးအကဲ မိုဟာမက် ဝါဖစ်ကပြောသည်။မီးတောင်ပြာများ များပြားလာပါကလေယာဉ်ခရီးစဉ်များ အနှောင့်အယှက်ဖြစ်နိုင်သည်ဟု ၎င်းကပြောသည်။
လီဝိုတိုဘီ၏ အနောက်ဘက်ကီလိုမီတာ ၆၀ အကွာ မာမီရီမြို့ရှိ လေဆိပ်တွင် လေဆိပ်လုပ်ငန်းများကို ရပ်ဆိုင်းထားကြောင်း လေဆိပ်အာဏာပိုင်များကထုတ်ပြန်ထားသည်။ ဇူလိုင်လကလည်း အဆိုပါ မီးတောင် ပေါက်ကွဲမှုကြောင့်ဘာလီအပန်းဖြေကျွန်းရှိ နိုင်ငံတကာလေဆိပ်တွင် လေယာဉ်ခရီးစဉ် ၂၄ ခုကိုဖျက်သိမ်းခဲ့ရသည်။
ကိုးကား-စီအင်န်အေ
