အိမ်ထဲမှာ ဇနီးဖြစ်သူသေဆုံးနေမှန်းမသိဘဲ အိမ်အပြင်ဘက်ကနေ အချိန်ကြာကြီးစောင့်ဆိုင်းနေခဲ့တဲ့ အသက် ၆၉ နှစ်အရွယ် မျက်မမြင်အမျိုးသား
အောက်တိုဘာ ၁၄ ရက်နေ့က ထိုင်းနိုင်ငံမှာ နေထိုင်နေတဲ့ မျက်မမြင်ဂျာမန်အမျိုးသားတစ်ဦးဟာ အိမ်ထဲမှာ ထိုင်းလူမျိုးဇနီးဖြစ်သူ သေဆုံးသွားပြီဆိုတာကို မသိဘဲ အိမ်အပြင်ဘက်ကနေ အချိန်အကြာကြီး စောင့်ဆိုင်းနေခဲ့ပါတယ်။ ဒီအဖြစ်အပျက်က ဘန်ကောက်မြို့ရဲ့နယ်စပ်အနီးနားက ခရိုင်ခွဲတစ်ခုရှိ အငှားအိမ်တစ်ခုမှာ ဖြစ်ပွားခဲ့တာပါ။
Mueang Chachoengsao ရဲစခန်းက အမျိုးသမီးတစ်ဦးသေဆုံးကြောင်းကို အောက်တိုဘာ ၁၄ ရက်နေ့ ညနေ ၆ နာရီခွဲမှာ သတင်းရရှိခဲ့တာပါ။ မျက်မမြင်အမျိုးသား ဒစ်ခ်က သူ့ရဲ့အိမ်အပြင်ဘက်မှာ နာရီပေါင်းများစွာ ထိုင်နေခဲ့ချိန်မှာ အခုလိုဖြစ်ပွားသွားခဲ့တာပါ။ ဒစ်ခ်က အသက် ၅၃ နှစ်အရွယ် ဇနီးဖြစ်သူ နီဆာရာကို ခေါ်နေခဲ့ပေမဲ့ ဘာမှ တုံ့ပြန်လာခြင်းမရှိခဲ့ပါဘူး။ အဲ့ဒီနောက် အိမ်နီနားချင်းတွေကို အကူအညီတောင်းခဲ့ပါတယ်။
သူ့ရဲ့အိမ်နီးနားချင်းတွေက အိမ်ထဲဝင်သွားတဲ့အချိန်မှာ နီဆာရာ သေဆုံးနေတာကို တွေ့ရှိခဲ့ရပါတယ်။ နီဆာရာက လှေကားလက်ရန်းမှာ ချည်းထားတဲ့ ကြိုးတစ်ချောင်းနဲ့ လည်ပင်းမှာပတ်ပြီး သေဆုံးနေခဲ့တာပါ။
သူတို့ရဲ့အိမ်က နှစ်ထပ်ကွန်ကရစ်အိမ်ဖြစ်တယ်လို့ သိရပါတယ်။ သူတို့စုံတွဲက ဒီအိမ်ကို ငှားနေခဲ့တဲ့ ၁ နှစ်ကျော်ပါပြီ။ ဘန်ကောက်မှာ တက္ကစီမောင်းသမားအလုပ်လုပ်တဲ့ နီဆာရာက ရက်အနည်းငယ်ကြာမှာ အိမ်ပြန်လာပါတယ်။ အလုပ်မသွားခင် သူ့ခင်ပွန်းအတွက် အသားညှပ်ပေါင်မုန့်တွေပြင်ဆင်ပေးပြီး ရေခဲသေတ္တာထဲမှာ ထည့်ထားပေးပါတယ်။ လွန်ခဲ့တဲ့နှစ်များစွာက မတော်တဆမှုတစ်ခုကြောင့် နစ်ခ်က တဖြည်းဖြည်း အမြင်အာရုံဆုံးရှုံးသွားခဲ့ရပြီးတဲ့နောက်မှာ နီဆာရာက ရှာကျွေးရတဲ့သူဖြစ်လာခဲ့ပါတယ်။ နစ်ခ်က ဂျာမနီကနေ ထိုင်းနိုင်ငံမှာ အနားယူဖို့ လာရောက်ခဲ့ပြီးနောက် နီဆာရာနဲ့ ဆက်ဆံရေးကို စတင်ခဲ့တာပါ။
အခုလို နီဆာရာ သေဆုံးခဲ့ရခြင်းနဲ့ပတ်သက်ပြီး အိမ်နီးနားချင်းတွေရဲ့ပြောစကားအရ အောက်တိုဘာ ၁၄ ရက်နေ့က နီဆာရာဟာ တက္ကစီနဲ့ အိမ်ပြန်လာခဲ့ပြီး သူ ကားမောင်းရင်း ယာဉ်မတော်တဆမှုဖြစ်ခဲ့တယ်လို့ အိမ်နီးနားချင်းတွေကို ပြောခဲ့ပါတယ်။ တစ်ဖက်ကကားအတွက် လျော်ကြေး ဘတ် ၄၀၀၀၀ တောင်းဆိုခဲ့တယ်။ အဲ့ဒီငွေပမာဏမတတ်နိုင်တာကြောင့် အိမ်ပြန်စောင့်ဆိုင်းကာ ညှိနှိုင်းဖြေရှင်းဖို့လုပ်ခဲ့တယ်လို့ သိရပါတယ်။ ငွေကြေးပြဿနာကြောင့် နီဆာရာက ကိုယ့်ကိုယ်ကိုအဆုံးစီရင်ခဲ့တာဖြစ်နိုင်တယ်လို့ အိမ်နီးနားချင်းတွေက ယုံကြည်ထားပါတယ်။
ရဲတွေက နီဆာရာရဲ့အလောင်းကို ရင်ခွဲရုံပို့လိုက်ပြီး စုံစမ်းစစ်ဆေးမှုတွေကို လုပ်ဆောင်နေပါတယ်။