ရေတစ်ခွက်ရဲ့ အစွမ်းနဲ့ ကျန်းမာရေး လျှို့ဝှက်ချက်
ကျွန်ုပ်တို့ရဲ့ နေ့စဉ်ဘဝမှာ အလွယ်တကူရနိုင်ပြီး အရေးကြီးဆုံးဖြစ်တဲ့ "ရေ" ဟာ ရေငတ်ပြေစေရုံသာမက၊ ခန္ဓာကိုယ်တစ်ခုလုံးရဲ့ ကျန်းမာရေးကို ဘက်ပေါင်းစုံကနေ ထောက်ပံ့ပေးနေတဲ့ သဘာဝဆေးတစ်ခွက်ဆိုရင်လည်း မမှားပါဘူး။ နေ့စဉ် ရေကို လုံလောက်စွာ သောက်သုံးပေးခြင်းအားဖြင့် သင်ရရှိနိုင်မယ့် အံ့မခန်း အကျိုးကျေးဇူးတွေကို လေ့လာကြည့်လိုက်ရအောင်။
ရေသောက်ခြင်းဖြင့် ရရှိနိုင်သော ထူးခြားသည့် အကျိုးကျေးဇူးများ
၁။ ဦးနှောက်နှင့် မှတ်ဉာဏ်ကို လန်းဆန်းစေခြင်း - ခေါင်းကိုက်ခြင်းနဲ့ မိုင်ဂရိန်းလို ခေါင်းတစ်ခြမ်းကိုက်တဲ့ ဝေဒနာတွေကို သက်သာစေပြီး မှတ်ဉာဏ်စွမ်းရည်ကို တိုးတက်စေပါတယ်။
၂။ အစာခြေစနစ်ကို အထောက်အကူပြုခြင်း - အစာချေဖျက်မှုကို လွယ်ကူစေပြီး ဝမ်းချုပ်ခြင်းကဲ့သို့သော ပြဿနာများကို ဖြေရှင်းပေးနိုင်ပါတယ်။
၃။ ကျောက်ကပ်ကျန်းမာရေးကို ကာကွယ်ပေးခြင်း - ခန္ဓာကိုယ်အတွက် မလိုအပ်တဲ့ အဆိပ်အတောက်တွေကို စွန့်ထုတ်ပေးပြီး ကျောက်ကပ်မှာ ကျောက်တည်ခြင်းမှ ကာကွယ်ပေးပါတယ်။
၄။ ကိုယ်အလေးချိန်ကို ထိန်းညှိပေးခြင်း - ဇီဝကမ္မဖြစ်စဉ်ကို မြှင့်တင်ပေးတဲ့အပြင် အစားမစားမီ ရေသောက်ခြင်းက အလွန်အကျွံစားသုံးမှုကို လျှော့ချပေးနိုင်ပါတယ်။
၅။ အသားအရေကို ကြည်လင်စိုပြေစေခြင်း - ဆဲလ်တွေကို ရေဓာတ်ဖြည့်ပေးပြီး အသားအရေကို တင်းရင်းနုပျိုစေကာ ဝင်းပစေပါတယ်။
၆။ ကိုယ်ခံစွမ်းအားကို မြှင့်တင်ပေးခြင်း - ရောဂါပိုးမွှားတွေကို တိုက်ထုတ်ဖို့အတွက် ခန္ဓာကိုယ်ရဲ့ ခုခံအားစနစ်ကို အားကောင်းစေပါတယ်။
၇။ ခန္ဓာကိုယ်အပူချိန်ကို ထိန်းညှိပေးခြင်း - ချွေးထွက်ခြင်းဖြင့် ခန္ဓာကိုယ်ရဲ့ အပူချိန်ကို ပုံမှန်အတိုင်း ထိန်းသိမ်းပေးပါတယ်။
၈။ ဆီးလမ်းကြောင်း ကျန်းမာစေခြင်း - အထူးသဖြင့် အမျိုးသမီးတွေမှာ ဖြစ်ပွားလေ့ရှိတဲ့ ဆီးအိမ်နဲ့ ဆီးလမ်းကြောင်း ပိုးဝင်ခြင်းကို လျှော့ချပေးနိုင်ပါတယ်။
#credit
