◾️ဓားစာခံခုနစ်ဦး လွတ်မြောက်လာကြောင်း အစ္စရေးစစ်ဘက်အတည်ပြု
ဂါဇာမှ လွတ်မြောက်လာသော ဓားစာခံခုနစ်ဦးသည် မကြာသေးမီ အချိန်ပိုင်းကပင် အစ္စရေးနိုင်ငံထဲသို့ ဖြတ်ကျော်ဝင်ရောက်လာခဲ့ကြောင်း အစ္စရေးစစ်ဘက် (IDF) က အတည်ပြုခဲ့သည်။
လွတ်မြောက်လာသူများသည် နိုင်ငံတောင်ပိုင်းမှ ကနဦး လက်ခံရေးစင်တာတွင် ရောက်ရှိနေပြီး မကြာခင် မိသားစုများနှင့် ပြန်လည်ပေါင်းစည်းကြမည်ဖြစ်ကြောင်း စစ်ဘက်က ဆက်ပြောသည်။
လွတ်မြောက်လာသော ခုနစ်ဦးအပြင် အသက်ရှင်နေသေးသူ နောက်ထပ် ဓားစာခံ ၁၃ ဦးကိုလည်း ယနေ့မှာပင် ပြန်လွှတ်ပေးမည်ဟု မျှော်လင့်ထားကြကြောင်း ဘီဘီစီသ တင်းက ဖော်ပြသည်။
ယင်းမတိုင်မီတွင် ဓားစာခံအချို့က မိသားစုများနှင့် ဗီဒီယိုမှတစ်ဆင့် စကားပြောနေသော ပုံရိပ်များကို မြင်တွေ့ရသည်။
ပြန်လွတ်လာသူ ခုနစ်ဦးကို အစ္စရေးတပ်ဖွဲ့များ က စောင့် ကြပ်ခေါ်ဆောင်လာခဲ့ကြောင်း ၊ ၎င်းတို့အား ကနဦးဆေးစစ်ချက်များ လုပ်ဆောင်မည်ဖြစ်ကာ နောက်ပိုင်းတွင် ကြက်ခြေနီအဖွဲ့ ထံသို့ လွှဲပြောင်းပေးလိုက်သော ဓားစာခံများကို ထပ်မံလက်ခံရန် ပြင်ဆင်နေကြောင်း အစ္စရေးစစ်ဘက် က အစောပိုင်းတွင်ပြောကြားသည်။
လွတ်မြောက်လာသော ဓားစာခံများ၏ နာမည်များကို အစ္စရေးနိုင်ငံခြားရေးဝန်ကြီးဌာနကလည်း အတည်ပြုထုတ်ပြန်ခဲ့ပြီး ၎င်းတို့မှာ အီတန်မော၊ ဂါလီဘားမန်း၊ ဇစ်ဘားမန်း၊ အုမ်မီမီရန်၊ အလွန်အိုဟယ်လ်၊ ဂိုင်ဂီဘောင်ဒါလယ်၊ မာတန် အန်းဂရက် တို့ဖြစ်ကြောင်း ပြောကြားသည်။
သတင်း-ရဲမင်း
ကိုးကား-BBC
#နိုင်ငံတကာသတင်း
