အလုပ်ပိတ်ရက်လေးမှာ ငပေါင်းထုပ် လုပ်စားကြရအောင် 😋
ငပေါင်းထုပ် လုပ်နည်း
ပါဝင်ပစ္စည်းများ -
* ငှက်ပျောဖူး
* မျှစ်ပြုတ်
* ပုစွန်
* ရှမ်းနံနံပင်
* ပင်စိမ်းရွက်
* ကြက်ဥ
* ငရုတ်သီး၊ ကြက်သွန်ဖြူ၊ ကြက်သွန်နီ၊ နံနံပင်၊ စပါးလင်
* ဟင်းခတ်ပစ္စည်းများ (ဆား၊ ချိုမှုန့်၊ အသားမှုန့်၊ နနွင်းမှုန့်၊
ဆီ အနည်းငယ်၊ ဆန်မှုန့် နှင့် Gogi)
* ထုပ်ရန်အတွက် ရဲယိုရွက်
ပြုလုပ်ပုံအဆင့်ဆင့်
1. ငှက်ပျောဖူးကို ပါးပါးလှီးပြီး ဆားရည်စိမ်ကာ ရေဆေးပါ။ ထို့နောက် အရည်ညှစ်ထားပါ။
2. မျှစ်ပြုတ်ကို ခြစ်ပြီး အရည်ညှစ်ထားပါ။
3. ပုစွန်ကို အခွံခွာ၍ ရေဆေးသန့်စင်ထားပါ။
4. ပါဝင်ပစ္စည်းများ အားလုံးကို ဇလုံထဲသို့ ထည့်ပါ။
5. ငရုတ်သီး၊ ကြက်သွန်ဖြူ၊ ကြက်သွန်နီ၊ နံနံပင်၊ စပါးလင်၊ ဆား၊ ချိုမှုန့်၊ အသားမှုန့်၊ နနွင်းမှုန့်၊ ဆီအနည်းငယ်၊ ဆန်မှုန့်နှင့် Gogi တို့ဖြင့် သမအောင် နယ်ပါ။
6. အရောအနှောများကို ရဲယိုရွက်နှင့် ထုပ်ပြီး ပေါင်းပါ။
ပုံတွင် အဆင့်ဆင့် ပြသထားပါသည်။
