❝ထိုင်းနိုင်ငံမှာ ပြစ်ဒဏ်ကျခံပြီးတဲ့ မြန်မာနိုင်ငံသား ၉၀ ဦးကို ကော့သောင်းသို့ ပြန်ပို့❞
အောက်တိုဘာ ၁၀
ထိုင်းနိုင်ငံ၌ အကြောင်းအမျိုးမျိုးကြောင့် ပြစ်ဒဏ်ကျခံခဲ့ရပြီးနောက် ပြန်လည်လွတ်မြောက်လာကြတဲ့ မြန်မာနိုင်ငံသား ၉၀ ဦးကို ကော့သောင်းမြို့သို့ ပြန်လည်ပို့ဆောင်ပေးခဲ့တယ်လို့ ထိုင်းသတင်းဖော်ပြမှုတွေအရ သိရပါတယ်။
အဲဒီမြန်မာနိုင်ငံသားတွေထဲမှာ အမျိုးသား ၈၁ ဦးနဲ့ အမျိုးသမီး ၉ ဦးပါဝင်တယ်လို့သိရပြီး သူတို့ကို ရနှောင်းမြို့ လဝက အချုပ်ဆောင် IDC ကနေ ကော့သောင်းမြို့ကို ရေလမ်းခရီးမှ ပြန်လည်ပို့ဆောင်ခဲ့တာဖြစ်ပြီး ရနောင်းမြို့အခြေစိုက် အလုပ်သမားသံအရာရှိက ဦးဆောင် လာရောက် လွှဲပြောင်းပေးခဲ့တာလို့ ဆိုပါတယ်။
ပြန်ရောက်လာတဲ့ မြန်မာနိုင်ငံသားတွေကို ကော့သောင်း မြို့နယ်စီမံခန့်ခွဲရေးနဲ့ အုပ်ချုပ်ရေးကော်မတီ ဥက္ကဋ္ဌနဲ့ တာဝန်ရှိသူတွေက လူကုန်ကူးခံရသူတွေ၊ တရားခံပြေးတွေ ပါဝင်လာတာ ရှိ/မရှိ စစ်ဆေးလက်ခံပေးခဲ့ပြီး နေရပ်ဒေသအသီးသီးကို ပြန်လည်ပို့ဆောင်ဖို့ စီစဉ်ပေးခဲ့တယ်လို့ သိရတယ်။
#သတင်းဟင်းလေးအိုးကြီး
