ကိုရီးယားရုပ်ရှင်ကားတွေထဲက နှမ်းရွက်သုပ်
ရန်ကုန်မှာတုန်းက ဝိတ်ကျချင်တာနဲ့ အစားလျှော့စားလက်စနဲ့ ဘန်ကောက်ရောက်တော့စိတ်တွေထိမ်းပြီး အသုပ်တွေသုပ်စား ဟင်းချိုတွေ ချက်သောက်နေပေမယ့် ခရီးသွားပြီဆို သိတဲ့အတိုင်းပဲ အစားအသောက်လျှော့ဖို့ရာ ခက်ခဲတာပါပဲ။
ရသလောက်တော့ ကြိုးစားကြည့်တဲ့သဘောပေါ့
အစားလျှော့တာ ဘန်ကောက်မှာ ဘယ်နှရက်ခံမယ်မသိ။
မက်ခရိုကနေ နှမ်းရွက်ဝယ်ပြီး
ကိုရီးယား ကားတွေထဲမှာ ကိုရီးယား ဘာဘီကျူး၊ဝပ်ဆလပ်တွေမှာ အသားကင်တွေကိုထုပ်စားတဲ့နှမ်းရွက်ကို သုပ်စားဖြစ်ပါတယ်။
ကြက်သွန်နီ ဆီချက်ချက်ထား။
နှမ်းရွက်ကို ရေခဏစိမ်ပြီး ရေသေချာဆေး ရေစစ်ပြီး ပါးပါးလှီးထား။
ကြက်သွန်နီ ပါးပါးလှီး။ပုစွန်ခြောက်ရေဆေးပြီးထောင်းထား။သံပုရာသီး တလုံးလှီးထား။
မြေပဲ လေးစိတ်ကွဲထောင်းထည့်။ပဲကျက်မှုန့်အနည်းငယ် နှမ်းလုံးမွှေးမွှေးလေးထည့်။ဆားလက်တဆိတ်။fish sauce (1)tbsထည့်။ဟင်းခတ်မှုန် အနည်းငယ် ငရုတ်သီးစိမ်းလေးလှီးထည့်။သံပုရာသီးညှစ်ပြီးရောနယ်။မြည်းကြည့်။ချဉ်ငံစပ်လေး ကောင်းမှကောင်းပဲ။
ကဲ!!..ဘယ်လိုဝိတ်လျှော့မလဲ။အသုပ်နဲ့တောင် စားကောင်းနေတာ။အပြင်သွားစားရင်ပိုဆိုး။
အသုပ်ကြိုက် နှမ်းရွက်ကြိုက်တဲ့သူတွေ သုပ်စားကြည့်နော်။
