အော်ကွေ့ကြည် လုပ်နည်း
************************
ပိတ်ရက်မှာ မုန်လာဥအော်ကွေ့ကြည်လေး လုပ်စားကြရအောင်😋❤️
ပုစွန်ခြောက်နံ့ မွှေးမွှေးလေးနဲ့ မုန့်သားစေးစေးလေးမို့ April အရမ်းကြိုက်တဲ့ မုန့်လေးပါနော်
ပေါင်းပြီးသားလေးလည်း စားကြသလို ကြော်ပြီးလည်း စားကြပါတယ်
မုန်လာဥနီ ၊ဖရုံသီး ၊ကန်စွန်းဥ ၊ပိန်းဥနဲ့အားလူလည်း လုပ်စားလို့ရပါတယ်နော်
ပါဝင်ပစ္စည်းများ
***************
၁။မုန်လာဥဖြူ- အကြီး ၁ လုံး/အသေး ၂ လုံး
၂။ကြက်သွန်ဖြူ- ၃ မွှာ
၃။ ပုစွန်ခြောက်မှုန့်- ထမင်းစားဇွန်း ၁ ဇွန်း
၄။ ဆန်မှုန့်-၄ ဇွန်း
၅။ကော်မှုန့်-၂ ဇွန်း
၆။ဆား- လက်ဖက်စားဇွန်း ၁ ဇွန်း
ပြုလုပ်နည်း
***********
-ပထမဆုံး မုန်လာဥကို အတုံးတုံးပြီး ၁၀ မိနစ် ပြုတ်ပါ
-ကြက်သွန်ဖြူကို နုတ်နုတ်စင်းပြီး ပုစွန်ခြောက်မှုန်နဲ့ မွှေးနေအောင် ဆီသတ်ပါ
- ပြုတ်ထားတဲ့ မုန်လာဥ /ဆီသတ်ထားတဲ့ကြက်သွန်လေး/ဆန်မှုန့်/ကော်မှုန့်နဲ့ ဆားတို့ကို ရောကြိတ်ပါ
-ခွက်တစ်ခွက် သို့ ဗန်းထဲ ဆီသုတ်ပြီး ရောကြိတ်ထားတာ လောင်းထည့်ပြီး ၁၅ မိနစ်ခန့်ပေါင်းပါ
-မုန့်သားကျက်ရင် အအေးခံပြီး ကြိုက်သလိုလှီးစားနိုင်ပါတယ်နော် ဒါမှမဟုတ် ဆီလေးနဲ့ အပြင်သား ကြွပ်နေအောင်ကြော်ပြီးလည်း စားနိုင်ပါတယ်
*အချဉ်ရည်လေးနဲ့ တွဲပြီးတော့ အပြင်သားကြွပ်ကြွပ် မုန့်သားစေးစေးမွှေးမွှေး အော်ကွေ့ကြည်လေးကို သုံးဆောင်နိုင်ပါပြီရှင်*
🍎🍎🍎🍎🍎🍎🍎🍎
#အော်ကွေ့ကြည်♦မုန်လာဥမုန့်(သို့)အော်ကွေ့ကြည် လုပ်နည်း ♦
************************************************
ပိန်းဥ၊ရွှေဖရုံ၊မုန်လာဥ ကြိုက်နှစ်သက်သလို လုပ်စားနိုင်ပါတယ်။
မော်လမြိုင်ဘက်ကတော့ မုန်လာဥမုန့်ပဲ ခေါ်ကြပါတယ်။
မူရင်းကတော့ပိန်းဥပါ။
ပါဝင်ပစ္စည်းများ
မုန်လာဥ(ဆယ့်ငါးကြပ်သားလောက်/အလုံးကြီးနှစ်လုံးလောက်)ကိုအခွံတွေဖယ်။အတုံးသေးတုံးပြီး ရေနွေးပွက်ပွက်ဆူထဲမှာ ခဏထားပြီး ပြန်ဆယ်ပါ။
အနံ့နဲ့ရှတတအရသာပျောက်သွားရအောင်ပါ။
ပြီး blanderနဲ့ပြန်ကြိတ်။ကြိတ်တဲ့အခါရေနဲနဲထည့်ကြိတ်ပေးပါ။
ပုဇွန်ခြောက်ဟင်းခတ်ဇွန်းတစ်ဇွန်းစာလောက်ကိုလည်း ကြိတ်ထားပေးပါ။
ပြီးရင် ဆန်အစိမ်းမှုန့်(မွှေးတံဆိပ်)တစ်ထုပ်၊
ကော်မှုန့်ကိုဟင်းခတ်ဇွန်းသုံးဇွန်း၊
ဆား၊အသားမှုန့်သင့်တင်ရုံထည့်ပြီး အားလုံးကို သမအောင် ရောမွှေပါ။
စတီးချိုင့်(ပေါင်းမယ့်ခွက်)ထဲမှာ ဆီနဲနဲသုတ်ပါ။
ပြီးရင် လုပ်ထားပြီးသား မှုန့်နှစ်ကို စတီးချိုင့်ရဲ့သုံးပုံပုံတစ်ပုံထည့်ပြီး ရေနွေးငွေ့နဲ့မိနစ်လေးဆယ်ခန့်ပေါင်းပါ။
ပေါင်းပြီးရလာတာကို အအေးခံပြီးကြော်လို့ရပါပြီနော်။
အချဉ်ရည် အတွက်.....
ထန်းလျှက်ကို ရေနွေးနဲ့ကြိုပါ။
ထန်းလျှက်အညို သုံးခဲလောက်ဆို ရေမြုပ်ရုံထည့်ပြီး အပူပေးပါ။
မန်ကျည်းသီး ရေဖျော်ထားပါ။ကြက်သွန်ဖြူသုံးတတ်လောက်နဲ့
ငရုတ်သီးစိမ်းလေးတောင့်လောက် ကိုထောင်းပေးပါ။
ငရုတ်ဆော့စ်ထဲ ဆားအနည်းငယ်ထည့်ပါ။
ပြီးရင် အားလုံးကို သမအောင်မွှေပါ။ ကြိုက်တတ်ရင် နံနံပင်ညှပ်ထည့်လို့ရပါတယ်။
#မုန်လာဥမုန့်
#အော်ကွေ့ကြည်
🍎🍎🍎🍎🍎🍎🍎
ရွှေဖရုံသီးနဲ့လုပ်တဲ့ အော်‌ကွေ့ကြည်လုပ်နည်း
ပါဝင်ပစ္စည်း
-ရွှေဖရုံသီး
-ဆန်စိမ်းမှုန့် 150g
-ကော်မှုန့် 3ဇွန်း
ပုစွန်ခြောက်မှုန့် 2ဇွန်း
ဆား
သကြား
အရသာမှုန့်
-ပထမဆုံး ရွှေဖရုံသီးကိုနူးအိနေအောင်ပြုတ်ပြီး အနှစ်ရအောင် ကြိတ်စက်နဲ့ကြိတ်ပါကြိတ်စက်မရှိပါကလက်နဲ့ချေထားလည်းရပါတယ်
- ရွှေဖရုံသီးအနှစ်ရလာရင် ပါဝင်ပစ္စည်းအားလုံးကိုရောထည့်ပြီး နှံ့စပ်အောင်ရောမွှေပါ
-ရလာတဲ့မုန့်နှစ်တွေကိုဆီသုတ်ထားတဲ့ပေါင်းခံခွက်ထဲ ဇကာနဲ့စစ်ပြီးထည့်ပါ
-မိနစ်40လောက် ပေါင်းပေးပါ
-ရလာတဲ့ရွှေဖရုံသီးမုန့်ကိုအအေးခံပြီးမှမိမိနှစ်သက်တဲ့ပုံစံအတိုင်းဆီပူပူမှာထည့်ကြော်ပေးပါ
-ဒါဆိုရင်တော့အရမ်းစားကောင်းတဲ့ရွှေဖရုံသီးမုန့်ကြော်လေးရပါပြီ မိမိနှစ်သက်တဲ့အချဉ်ရည်လေးနဲ့တွဲစားလို့ရပါပြီ
#crd_to_owner_with_respect