- အန်တီ့မှာ ကလေးရှိလား။
- မရှိပါဘူးကွယ်။ လိုတော့လိုချင်ခဲ့တာပေါ့။ ဒါပေမယ့် အန်တီချစ်ခဲ့တဲ့ဦးလေးနဲ့ပြတ်သွားတော့ အန်တီ့အသဲကွဲခဲ့ရတယ်။ အဲ့အချိန်ကစပြီး အချစ်ခံရဖို့အခွင့်အရေးကြုံလာတိုင်း အန်တီထွက်ပြေးတော့တာပဲ။ အန်တီ လူတွေကိုမယုံကြည်တော့ဘူး။
- စိတ်တော့မရှိပါနဲ့နော်။ အဲ့လိုလုပ်တာ တုံးအရာ မကျဘူးလားဗျ။
- အန်တီက အသဲထပ်ကွဲမှာကြောက်ခဲ့တာကိုး။ တခါတလေကျ လူတစ်ယောက်ကို ယုံကြည်လို့ရနိုင်ပေမယ့် ကံဆိုးမိုးမှောင်ကျလာတဲ့အခါကျ သူတို့က အန်တီတို့ကိုမေ့သွားရော။
- သူတို့အလုပ်ရှုပ်နေကြလို့နေမှာပါ။ မေ့တာမဟုတ်ဘဲ မမှတ်မိလို့လည်း နေပါလိမ့်မယ်။ ကျွန်တော်တော့ လူတွေက မေ့ချင်စိတ်ရှိကြတယ်မထင်ပါဘူး။ မရည်ရွယ်ဘဲ ဖြစ်သွားကြတာနေမှာပါ။ ကျွန်တော့်အဖိုးဆို ကျွန်တော့်ကို “ငါ့မြေးလေးခေါင်းကိုသာ သံမှိုမစွဲထားရင် ကျောင်းကားပေါ်မှာ ခေါင်းမေ့ကျန်ခဲ့မယ့်သူ” လို့တောင်ပြောခဲ့ဖူးတာ။
- အန်တီတော့ လူတစ်ယောက်ကို ထပ်ယုံကြည်မိရင် အသဲထပ်ကွဲရမှာ ကြောက်မိတယ်ကွယ်။
- ကျွန်တော်နားလည်ပါတယ်။ ကျွန်တော့်မှာ အရင်က သိပ်လှတဲ့စကိတ်ဖိနပ်တစ်ရံရှိဖူးတယ်။ စီးမိရင် ပျက်စီးသွားမှာကြောက်လို့ ဒီတော့ ဘူးထဲပဲထည့်သိမ်းထားဖြစ်ခဲ့တာပေါ့။ ဘာဖြစ်သွားလဲသိလား။ ကျွန်တော့်ခြေထောက်က ဖိနပ်ထက်ပိုကြီးသွားပါရော။ တစ်ခါမှ အပြင်ထွက်မစီးဖြစ်ခဲ့ဘူး။ အိမ်ခန်းထဲမှာပဲ ၂ ခါ၊ ၃ ခါလောက် စီးဖြစ်ခဲ့တယ်။
- လူတစ်ယောက်ရဲ့နှလုံးသားနဲ့ စကိတ်ဖိနပ်နဲ့မတူပါဘူးကွယ်။
- တကယ်တမ်းတော့ ခပ်ဆင်ဆင်ပါပဲ။ ကိုယ့်အသဲနှလုံးကို အသုံးမချဘူးဆိုရင် ကွဲသွားလည်း ဘာအရေးလဲ။ ဒီအတိုင်းသိမ်းထားမယ်ဆို ကျွန်တော့်စကိတ်ဖိနပ်တွေလိုပဲ ဖြစ်မှာပေါ့။ တကယ်လို့ အသုံးချဖို့ကြိုးစားကြည့်မယ်ဆိုလည်း ကျိုးပဲ့နိုင်တယ်ဆိုပေမယ့် အခွင့်အရေးတော့ပေးကြည့်သင့်တယ်လေ။ ကိုယ့်အတွက် အရှုံးမှမရှိတာပဲ။
- Kevin McCallister, Home Alone 2 (1992)
#cinemaboulevard #quote #homealone2