စပိန်နိုင်ငံ၊ မက်ဒရစ်မြို့တွင် အဆောက်အအုံတစ်လုံးပြိုကျရာက နှစ်ဦးသေဆုံးပြီး နှစ်ဦးပျောက်ဆုံးနေ

အောက်တိုဘာ ၈

စပိန်နိုင်ငံ၊ မြို့တော်မက်ဒရစ်ရဲ့ မြို့လယ်ပိုင်းမှာ မွမ်းမံဆောက်လုပ်ဆဲ အဆောက်အအုံတစ်ခု အောက်တိုဘာ ၇ ရက်က ပြိုကျခဲ့တာမှာ အပျက်အစီးတွေအောက် သေဆုံးနေသူနှစ်ဦးကို အရေးပေါ် တပ်ဖွဲ့ဝင်တွေက တွေ့ရှိခဲ့ကြပြီး နှစ်ဦးပျောက်ဆုံးနေဆဲဖြစ်ကာ အလုပ်သမားအများအပြားလည်း ဒဏ်ရာရခဲ့တယ်လို့ သိရပါတယ်။

အရေးပေါ်ဝန်ဆောင်မှုအဖွဲ့တွေက ပြိုကျအဆောက်အအုံက ကမ္ဘာလှည့်ခရီးသွားတွေ အသိများတဲ့ Plaza Mayor အနားမှာဖြစ်ပြီး ကြမ်းပြင်အချပ်တွေကွာပြီး ပြိုကျခဲ့ပြီးနောက် မီးသတ်တပ်ဖွဲ့ဝင်တွေကလည်း ကယ်ဆယ်ရေး လုပ်ငန်းတွေဆောင်ရွက်နေခဲ့တယ်လို့ လူမှုကွန်ရက် X မှာ ရေးသားခဲ့ပါတယ်။

ပြိုကျမှုမှာ မတူညီတဲ့ အထပ်တွေက ကြမ်းခင်းတွေအားလုံး အဆောက်အအုံရဲ့ အောက်ထပ်ကို ပြိုကျသွားခဲ့တာဖြစ်တယ်လို့ ဗဟိုအစိုးရရဲ့ မက်ဒရစ်ဒေသမှ ထိပ်တန်းကိုယ်စားလှယ် ဖရန်စစ်စကို မာတင် အဂွီရီက အခင်း ဖြစ်ပွားရာနေရာမှာ သတင်းထောက်တွေကို ပြောကြားခဲ့ပါတယ်။ ဒါ့အပြင် ထိခိုက်ပျက်စီးမှုက ပြင်းထန်ပြီး အနီးအ နားက အဆောက်အအုံတွေရော သက်ရောက်မှုဖြစ်နိုင်လို့ စစ်ဆေးနေပါတယ် လို့လည်း ပြောခဲ့ပါသေးတယ်။

မက်ဒရစ်မြို့ စည်ပင်သာယာရဲတပ်ဖွဲ့ကတော့ အနီးအနားရှိ အဆောက်အအုံတွေက လူတွေကို ကယ်ဆယ်ရွှေ့ပြောင်းပြီးဖြစ်တယ်လို့ ပြောခဲ့ပါတယ်။

အဆောက်အအုံပြိုကျမှုမှာ ထိခိုက်ဒဏ်ရာရသူအရေအတွက်ကိုတော့ ရှင်းရှင်းလင်းလင်းမသိရသေးပါဘူး။ ဒါပေမယ့် မာတင် အဂွီရီ ကတော့ ဆယ်ယောက်လောက် ဒဏ်ရာရခဲ့ကြပြီး သူတို့ကလည်း အများအားဖြင့်တော့ အသေးအမွှား ဒဏ်ရာလေးတွေသာ ဖြစ်ပါတယ်လို့ ပြောခဲ့ပါတယ်။ မက်ဒရစ်မြို့တော်ဝန် ဂျို့စ် လူးဝစ် မာတီနက်ဇ်- အယ်လ်မေးဒါးက ဒဏ်ရာရတဲ့ အလုပ်သမားတွေအားလုံးကိုဆေးရုံကို တင်ပို့ပေးခဲ့တယ်လို့ ပြောခဲ့ပါတယ်။

အရင်ကတော့ ရုံးအဆောက်အအုံဖြစ်တဲ့ အဆိုပါပြိုကျအဆောက်အဦကို ဟိုတယ်တစ်ခုအနေနဲ့ ပုံစံ ပြောင်း မွမ်းမံတည်ဆောက်နေတာဖြစ်ပြီး အထပ်ခြောက်ထပ်ရှိတယ်လို့ သိရပါတယ်။

Ref, AFP

Credit - Myanmar Transparency News Agency

#centralnewsnaypyitaw