တရုတ်နိုင်ငံ၊ စီချွမ်ပြည်နယ်က ရီလုံအလယ်တန်းကျောင်း မှ အသက် ၁၅ နှစ်အရွယ် ကျောင်းသားတစ်ဦးဖြစ်သူ ရန်ကျွင်းကျဲ့ ဟာ သွေးကင်ဆာရောဂါနဲ့ ဆေးရုံမှာ ဆေးကုသမှု ခံယူနေရတာကြောင့် အတန်းဖော်တွေနဲ့ အတန်းအတူရှိခွင့် မရတော့ပါဘူး
အဲ့လိုနဲ့ ၂၀၂၅ ခုနှစ် မေလ ၁၇ ရက်နေ့မှာ ရန် ရဲ့ အတန်းဖော် ၅၀ ကျော် နဲ့ ဆရာ/ဆရာမများ ဟာ မိုင်ပေါင်းများစွာ ဝေးကွာတဲ့ ဆေးရုံကို လမ်းလျှောက်ပြီး ရန် ကိုစိတ်ခွန်အားပေးဖို့လာခဲ့ကြပါတယ်
ကျောင်းမတက်နိုင်လို့ အိပ်ရာထဲလဲနေတဲ့ ရန်ကို သူ့ရဲ့ သူငယ်ချင်းတချို့က ဆေးရုံဆောင်ထဲ ဝင်ပြီး ကျောင်းဝတ်စုံ ကို ဝတ်ဆင်ပေးခဲ့ကြပါတယ် အဲ့ဒီနောက် ရန်ကို တွန်းလှည်းပေါ် တင်ပြီး ဆေးရုံဥယျာဉ်သို့ ခေါ်သွားခဲ့ကြကာ အတန်းဖော်အားလုံး ဝိုင်းရံပြီးအုပ်စုလိုက် ဓာတ်ပုံရိုက်ကူးခဲ့ကြပါတယ် ဒီဓာတ်ပုံဟာ ရန် အတွက် ဆေးရုံရဲ့ နံရံတွေကြားကနေ လွတ်မြောက်ပြီး သူငယ်ချင်းတွေနဲ့အတူ ပျော်ရွှင်စွာ ရှိနေတဲ့မမေ့နိုင်စရာ အခိုက်အတန့်တစ်ခု ဖြစ်ခဲ့ပါတယ်
အတန်းဖော်တွေဟာ ရန် အတွက် ရေးသားထားတဲ့ စာတွေ ကဗျာတွေနဲ့အတူ လက်ဆောင်တွေလည်းပေးခဲ့ကြပါတယ် အဲ့ဒီထဲမှာ အတန်းတစ်ခုလုံးက လက်မှတ်ထိုးထားတဲ့ ဘတ်စကက်ဘောတစ်လုံးလည်း ပါဝင်ပြီး ဒါဟာ ရန် ပြန်လည်ကောင်းမွန်လာရင် သူတို့နဲ့အတူ ဆော့ကစားဖို့အတွက် မျှော်လင့်ချက်ကို ဖော်ပြခြင်း ဖြစ်ပါတယ်
ဒီလို ချစ်ခြင်းမေတ္တာတွေပြသခဲ့ပြီး မနက်ခင်းမှာတော့ ဝမ်းနည်းဖွယ်ရာ သတင်းတစ်ခု ကြားသိခဲ့ရပါတယ် ရန်ကျွင်းကျဲ့ဟာ သူငယ်ချင်းတွေ လာရောက်တွေ့ဆုံပြီး နောက်တစ်ရက် မနက် ၄ နာရီမှာဘဲ ကွယ်လွန်သွားခဲ့ပါတယ် သူ့ရဲ့ ၁၆ နှစ်ပြည့် မွေးနေ့မတိုင်မီ တစ်လအလိုမှာကွယ်လွန်ခဲ့တာဖြစ်ပါတယ်
စိတ်မကောင်းဖွယ်ရာအခြေအနေတွေ ခံစားခဲ့ပြီးတဲ့နောက် သူ့ရဲ့ မိသားစုဝင်တွေဟာ ဒီအမှတ်တရ ဓာတ်ပုံတွေနဲ့ လက်ဆောင်တွေကို ဆိုရှယ်မီဒီယာပေါ် မျှဝေခဲ့ပြီး ကျောင်းသားတွေနဲ့ ဆရာတွေကို ကျေးဇူးတင်ကြောင်း ပြောကြားခဲ့ပါတယ်
#knowledge #ဗဟုသုတ #facts #whatthefacts