ကြက်မောက်တောင်ဆည် ရေကျော်မှုကြောင့် ကျောက်ပန်းတောင်း- မိတ္ထီလာကားလမ်းပေါ်က တံတားတစ်စင်းပျက်စီးသွားလို့ လမ်းကို ယာယီပိတ်ထားရ
အောက်တိုဘာ ၄
မန္တလေးတိုင်းဒေသကြီး၊ ကျောက်ပန်းတောင်းမြို့နယ်ရှိ ကြက်မောက်တောင်ဆည် ရေပိုလွှဲမှ ရေလျှံကျမှုဖြစ်ပေါ်ခဲ့ရာကနေ ကျောက်ပန်းတောင်း-မိတ္ထီလာလမ်းပေါ်ရှိတဲ့ တံတားတစ်စင်းပျက်စီးသွားလို့ လမ်းကို ဒီကနေ့မှာ ယာယီပိတ်ထားရတယ်လို့ ဒေသခံတွေဆီက သိရပါတယ်။
ပျက်စီးသွားတဲ့တံတားက ကိုင်းရွာနဲ့ စည်ပင်သာရွာကြားမှာရှိတဲ့ ပေ ၂၀ ကျော် တံတားဖြစ်တယ်လို့ သိရပြီး လက်ရှိမှာတော့ သက်ဆိုင်ရာတာဝန်ရှိအဖွဲ့အစည်းတွေက သွားရောက်ကြည့်ရှု့စစ်ဆေးတာတွေ လုပ်နေတယ်လို့ ဆိုပါတယ်။
အဲဒီလမ်းပိုင်းကို ယခုလို ယာယီပိတ်ထားရတဲ့အတွက် သီတင်းကျွတ်ပိတ်ရက် ရန်ကုန်ဘက်မှ ပုဂံ၊ ပုပ္ပား လာရောက်ကြမည့်သူများ အမြန်လမ်း မိုင်တိုင် ၂၂၀ တောင်ညိုလမ်းခွဲ- ကံပြားလမ်းဆုံ-ရေနံချောင်း- ကျောက်ပန်းတောင်း- ပုဂံ လမ်းပိုင်းကို အသုံးပြုဖို့ ဒေသခံတွေက လူမူကွန်ရက်မှာ အသိပေးထားတာ တွေ့ရပါတယ်။
အလားတူပဲ အချို့ဒေသခံတွေကတော့ ဆယ်အောက်ရှိ ရွာကွင်းလမ်းကနေ အမြင့်ကားတွေ ရှောင်မောင်းလို့ရကြောင်း အသိပေးထားသလို ပျက်စီးသွားတဲ့နေရာကို ယာယီသွားလာနိုင်ဖို့အတွက် ကျောက်နဲ့မြေကြီးတွေ အမြန်ဖို့ပြီး လုပ်ဆောင်သွားမှာဖြစ်လို့ ဒီညပိုင်းမှာ လမ်းပြန်ဖွင့်နိုင်မယ်လို့လည်း အသိပေးထားပါတယ်။
#centralnewsnaypyitaw
