ဂျေဆန်ဘရောင်း (Jason Brown) နာမည််ကျော် NFL ဘောလုံးသမားတစ်ယောက်ဖြစ်ပါတယ် ၂၀၀၉ ခုနှစ်မှာ သူဟာ စိန့်လူဝီရမ်စ် (St. Louis Rams) အသင်းနဲ့ ဒေါ်လာ ၃၇.၅ သန်းတန်ကြေးရှိတဲ့ 5 နှစ်စာချုပ်ကို ချုပ်ဆိုခဲ့ပါတယ် ဒါကြောင့် အဲဒီအချိန်က သူဟာ NFL မှာအမြင့်ဆုံး လုပ်ခလစာရရှိတဲ့ ကစားသမားတွေထဲက တစ်ဦးဖြစ်ခဲ့ပါတယ်
၂၀၁၂ ခုနှစ်မှာတော့ အသင်းကနေ ထွက်ခွါခဲ့ပါတယ် အဲ့ဒီအချိန်အခြားအသင်းတွေဆီကနေ ကစားဖို့ ကမ်းလှမ်းမှုတွေ ရရှိခဲ့ပေမဲ့ အသက် ၂၉ နှစ်အရွယ်မှာဘဲ သူဟာ ဘောလုံးလောကကနေအပြီးအပိုင် ထွက်ခွာဖို့ဆုံးဖြတ်ခဲ့ပါတယ်
သူဒီလိုထွက်ခွာတဲ့အခါ သူ့ရဲ့ အေးဂျင့်က "မင်းဘဝရဲ့ အကြီးမားဆုံး အမှားကို လုပ်မိနေတာ" လို့ ပြောခဲ့ပေမဲ့ ဘရောင်းက "မဟုတ်ဘူး" လို့ဘဲ ပြန်ဖြေခဲ့ပါတယ် ပရိသတ်တွေနဲ့ သတင်းသမားတွေအတွက်တော့ ဒီဆုံးဖြတ်ချက်ဟာ အံ့အားသင့်စရာဖြစ်ခဲ့ပါတယ်
အဲလိုနဲ့ ဘရောင်းဟာ ငွေကြေးအကျိုးအမြတ်တွေကို ရှာဖွေတာထက် ထူးခြားတဲ့ဘဝမှာနေထိုင်ဖို့ ဆုံးဖြတ်ခဲ့ပါတယ် သူ့ရဲ့ အစ်ကိုဖြစ်သူ Lunsford B. Brown II ဟာ အီရတ်မှာ စစ်မှုထမ်းနေရင်း ၂၀၀၃ ခုနှစ်က ကျဆုံးခဲ့ပြီး အစ်ကိုရဲ့ ကိုယ်ကျိုးစွန့် အနစ်နာခံမှုဟာ သူ့ကို ကြီးမားစွာ လှုံ့ဆော်မှုတွေပေးခဲ့ပါတယ်
ဒါကြောင့် သူဟာ သူ့ရဲ့ဇာတိဖြစ်တဲ့ မြောက်ကယ်ရိုလိုင်းနားပြည်နယ်၊ လူးဝစ်ဘတ်ဂ် မှာ ဧက ၁,၀၀၀ ကျယ်ဝန်းတဲ့ မြေကွက်ကို ဝယ်ယူခဲ့ပြီး အဲ့ဒီခြံကြီးကို First Fruits Farm လို့ အမည်ပေးခဲ့ပါတယ်
သူ့မှာ စိုက်ပျိုးရေး အတွေ့အကြုံ လုံးဝမရှိခဲ့ပါဘူး ဒါကြောင့် လယ်ထွန်နည်းကအစပြုပြီး သီးနှံစိုက်ပျိုးနည်းတွေကို YouTube videos တွေကြည့်ပြီး ကိုယ့်ဘာသာကိုယ် သင်ယူခဲ့ရပါတယ် သူနဲ့ သူ့ဇနီးတို့ဟာ ဒီခြံကနေ ထွက်ရှိတဲ့ သီးနှံအားလုံးကို လိုအပ်နေတဲ့ လူမှုအသိုင်းအဝိုင်းကို လှူဒါန်းဖို့ လည်းကတိပြုခဲ့ကြပါတယ်
ဘရောင်းရဲ့ "First Fruits Farm" ဟာ စတင်စိုက်ပျိုးပြီးကတည်းက ဒေသတွင်းလူတွေရဲ့ ဆာလောင်ငတ်မွတ်မှုကိုဖြည့်ဆည်းပေးခဲ့ပါတယ် သူဟာ ဒီနေ့အချိန်အထိ ပေါင် ၁.၅ သန်းကျော်ရှိတဲ့ လတ်ဆတ်တဲ့ သီးနှံတွေကို ဒေသတွင်း အစားအစာ လှူဒါန်းရေးဗဟိုဌာန (food pantries) တွေကနေတစ်ဆင့် လိုအပ်နေတဲ့သူတွေဆီ အကျိုးအမြတ်မယူဘဲ လှူဒါန်းပေးလျက်ရှိပါတယ်
ဒါကြောင့် ဂျေဆန် ဘရောင်းရဲ့ ဇာတ်လမ်းဟာ စစ်မှန်တဲ့ အောင်မြင်မှုဆိုတာဟာ ငွေကြေးနဲ့ ဂုဏ်သတင်းထက် အခြားသူတွေရဲ့ ဘဝအပေါ် အပြုသဘောဆောင်တဲ့ သက်ရောက်မှုပေးနိုင်ခြင်းဖြစ်တယ်ဆိုတာကို ဖော်ပြနေပါတယ်
credit