*အားကိုး မလွဲကြပါနဲ့*
အားလုံးဟာ
အကြောင်း မကုန်သေးလို့
ခဏတာ ပေါင်းဆုံ နေကြရတာပါ။
တစ်နေ့ ....,
သားနှင့် အမိ၊ ဇနီးနှင့် မယား၊
လင်သား,အိမ်ယာ၊ မိတ်ဆွေ,
ဆရာသမားဆိုတာ ခဏကလေး။
ကံအကျိုး ပေးထားလို့
ခဏ, ဆုံနေကြရတာပါ။
ဒါပေမယ့်လည်း အထင်,မကြီးနဲ့။
အထင်လည်း မသေးနဲ့။
များမကြာခင် ကိုယ့်လမ်း ကိုယ်
သွားကြရမယ်လေ။
မိမိဘဝ အဆင်ပြေအောင် ကိုယ်သာ
ကြိုးစားထားပေါ့။
ဆရာဒကာ ဆိုတာလည်း
ခဏ, တွေ့ကြရတာ။
သူတို့လည်း တစ်နေ့ လမ်းခွဲကုန်မှာမို့
အားလုံးဟာ ဧည့်သည်တွေနော်။
နင်လည်း ဧည့်သည်။
ငါလည်း ဧည့်သည်။
အားလုံး ဧည့်သည်တွေ မဟုတ်လား။
*ကုသိုလ်လုပ်ဖို့ ခဏတွေ့ကြရတာပါ။
*ဘယ်သူ့ကိုမှ အားမကိုး မိပါစေနဲ့။
*မိမိစိတ်မှာ ထင်ဟပ်နေတဲ့
ကုသိုလ်ကိုသာ အားကိုးပါ။
*ဆရာသမား၊ အမိအဖ၊ ညီနှင့်အစ်ကို၊
မောင်နှင့်အစ်မ ဆိုတိုင်းလည်း
သိပ်ပြီး အားမကိုး မိပါစေနဲ့။
ရန်သူကို မိတ်ဆွေ ဖွဲ့ထားရတာပါ။
သူ့လမ်း သူလျှောက်၊
ကိုယ့်လမ်း ကိုယ်လျှောက်၊
ဘယ် တစ်ယောက်ယောက် ကိုမှ၊
အားကိုးတကြီး မနေမိ ပါစေနဲ့။
တစ်ယောက်တည်း လာပြီး၊
တစ်ယောက်တည်း ပြန်ကြရမည့်လမ်းကို
မကောင်းသော ကိုယ်၊ နှုတ်၊ စိတ်ကို
ရှောင်ထား။
ကောင်းသော ကိုယ်၊ နှုတ်၊ စိတ်ကို
ဆောင်ထား။
*နှလုံးသားကို ဓမ္မဖြင့်သာ
အလှဆင်ထား နိုင်ကြပါစေ*
*ကျေးဇူးတော်အရှင်
မြောက်ဦးဆရာတော်ဘုရားကြီး*
