မြန်မာဘက် သယ်မည့် လက်နက်များ ထိုင်းရဲ ဖမ်းဆီး
အောက်တိုဘာ ၂
ထိုင်းနိုင်ငံ တာ့ခ်ခရိုင် မဲဆောက်မြို့နယ် အာရှလမ်းမကြီးပေါ်ရှိ စစ်ဆေးရေးဂိတ်တွင် အမျိုးသား ၂ဦး လိုက်ပါလာသည့် မစ်ဆူဘီရှီ ပါဂျဲရိုကားတဦးပေါ်မှ မြန်မာနိုင်ငံဘက်သို့ ပို့ဆောင်မည်ဟု ယူဆရသည့် အိတ် ၄အိတ်ဖြင့် သယ်လာသော ၈၁ မမ၊ ၄၀ မမ မော်တာဗုံးသီးများကို ထိုင်းရဲတပ်ဖွဲ့နှင့် စစ်တပ်က ယနေ့ သိမ်းဆည်းရမိကြောင်း မဲဆောက် အခြေစိုက် AEC သတင်းက ဆိုသည်။
ကနဦး မေးမြန်းချက်အရ ၎င်းပစ္စည်းများကို မဲဆောက်သို့ပို့ရန် ဘတ် ၁သောင်းဖြင့် ငှားရမ်းသည့်အတွက် လိုက်လာခဲ့ကြောင်း၊ ယာဉ်မောင်းသူမှာ နွန်ထဘူရီပြည်နယ်မှဖြစ်ပြီး ကျန်တဦးမှာ ဘန်ကောက်မှဖြစ်ကြောင်း ဖော်ပြထားသည်။
ထိုစစ်လက်နက်ပစ္စည်းများကို နယ်စပ်ဖြတ်၍ အိမ်နီးချင်းနိုင်ငံသို့ ဆက်လက်သယ်ဆောင်ပြီး ရောင်းချရန် ဖြစ်နိုင်သည်ဟု ထိုင်းအာဏာပိုင်တို့က ယူဆကြသည်။
ဓာတ်ပုံ-AEC News
#centralnewsnaypyitaw
