ဆန်ပက်ဒရို (San Pedro) အကျဉ်းထောင်ဟာ ကမ္ဘာပေါ်မှာ အထူးဆန်းဆုံး အကျဉ်းထောင်တွေထဲက တစ်ခုဖြစ်ပါတယ် ဘာကြောင့်လဲဆိုတော့ ဒီထောင်ဟာ သာမန်ထောင်တစ်ခုလိုမျိုးမဟုတ်ဘဲ အကျဉ်းသားတွေ ကိုယ်တိုင်စီမံခန့်ခွဲတဲ့ မြို့ငယ်လေးတစ်ခုကဲ့သို့ လည်ပတ်နေတာပါ သမားရိုးကျ အကျဉ်းထောင်တွေနဲ့ ကွဲပြားပြီး အကျဉ်းသားတွေရဲ့ ကိုယ်ပိုင်အုပ်ချုပ်ရေးစနစ်ကို ခွင့်ပြုထားပါတယ်
ရဲတွေနဲ့အစောင့်တွေဟာ ထောင်ပတ်လည် နံရတွေနားမှာသာ ကင်းလှည့်ကြပြီး ထောင်အတွင်းပိုင်းမှာ ဘယ်အစောင့်မှ မရှိပါဘူး ထောင်တွင်းလုံခြုံရေး၊ စည်းမျဉ်းစည်းကမ်း နဲ့ အငြင်းပွါးမှုတွေကို အကျဉ်းသားတွေ ကိုယ်တိုင် ရွေးချယ်တင်မြှောက်ထားတဲ့ ခေါင်းဆောင်တွေ (Delegates) နဲ့ ဖွဲ့စည်းထားတဲ့ ကောင်စီက ကိုင်တွယ်ဖြေရှင်းရပါတယ်
ထောင်ထဲမှာ စားသောက်ဆိုင်တွေ ၊ အသားရောင်းဆိုင်တွေ ၊ ဆံပင်ညှပ်ဆိုင်တွေ ၊ ဈေးဆိုင်ငယ်တွေ နဲ့ ဘောလုံးကွင်းတွေရှိကြပါတယ် အကျဉ်းသားတွေဟာ ၎င်းတို့ရဲ့ စားဝတ်နေရေးအတွက် ကိုယ်ပိုင်လုပ်ငန်းတွေ လုပ်ကိုင်ခြင်းဖြင့် ဝင်ငွေရှာနိုင်ကြပါတယ်
ရာဇဝတ်မှု (ဓားထိုးမှုကဲ့သို့သော) တွေ ဖြစ်ပွားပါက အကျဉ်းသားခေါင်းဆောင်တွေကသာ စီရင်ဆုံးဖြတ်လေ့ရှိပြီး ပြင်ပအာဏာပိုင်တွေက ဝင်ရောက်စွက်ဖက်လေ့မရှိပါဘူး
ထောင်ဟာ ကိုယ်တိုင်ရပ်တည်တဲ့ စီးပွါးရေးစနစ်နဲ့ လည်ပတ်နေပြီး ငွေကြေးရှိသူနဲ့ ငွေကြေးမရှိသူကြားလူတန်းစားကွာဟချက်ဟာ ပြင်ပကမ္ဘာနဲ့မခြား သိသိသာသာရှိနေပါတယ်
အကျဉ်းကျခံရသူတိုင်းကို အခန်းပေးအပ်ခြင်းမရှိပါဘူး အကျဉ်းသားအသစ်တွေဟာ၎င်းတို့ရဲ့ကိုယ်ပိုင်အခန်းကို အခြားအကျဉ်းသားထံမှ ဝယ်ယူခြင်း ဒါမှမဟုတ် ငှါးရမ်းခြင်းတွေပြုလုပ်ရပါတယ် ငွေကြေးချမ်းသာတဲ့ ရာဇဝတ်သားတွေဟာ ကိုယ်ပိုင်ရေချိုးခန်း၊ မီးဖိုချောင်၊ TV တွေပါဝင်တဲ့ အခန်းတွေကို ဝယ်ယူနိုင်ကြပါတယ်
ငွေကြေးမတတ်နိုင်သူတွေက အန္တရာယ်များတဲ့နေရာတွေမှာ ပြည့်ကျပ်စွာ နေထိုင်ရသလို ထောင်တွင်းလမ်းတွေပေါ်မှာလည်းအိပ်စက်ကြရပါတယ် အစိုးရက မနက်စာနဲ့ နေ့လယ်စာအတွက်သာ အခြေခံထောက်ပံ့ကြေးပေးပါတယ်
ဆန်ပက်ဒရိုထောင်ရဲ့ အထူးခြားဆုံးအချက်မှာ အကျဉ်းသားတွေရဲ့ မိသားစုဝင်တွေကို ထောင်တွင်းမှာ အတူနေထိုင်ခွင့်ပြုခြင်းဖြစ်ပါတယ်
အချို့သော အကျဉ်းသားတွေရဲ့ ဇနီးနဲ့ သားသမီးတွေဟာ ထောင်တွင်းမှာ ခင်ပွန်းဒါမှမဟုတ် ဖခင်နဲ့အတူ အမြဲတမ်း နေထိုင်ကြပါတယ် မိသားစုအတွက် ပြင်ပမှာ စားဝတ်နေရေး ခက်ခဲတာကြောင့် ဒါမှမဟုတ် လုံခြုံမှုအတွက် ထောင်ထဲသို့ လိုက်ပါနေထိုင်ရခြင်းဖြစ်ကြပါတယ်
ကလေးတွေဟာ ထောင်နံရံအတွင်းမှာဘဲ ကြီးပြင်းလာကြပြီး မနက်တိုင်း ထောင်အပြင်ဘက်ရှိ ကျောင်းတွေသို့ ရဲအစောင့်တွေနဲ့ သွားကြပြီး ညနေမှ ပြန်လာကြပါတယ် ထောင်တွင်း ပတ်ဝန်းကျင်ကြောင့် ကလေးများအတွက် စိုးရိမ်မှုများလည်းရှိနေပါတယ်
ဒီလို ကိုယ်ပိုင်အုပ်ချုပ်ရေးနဲ့ လျော့ရဲတဲ့စည်းမျဉ်တွေကြောင့် တရားမဝင်လုပ်ငန်းများလည်း လည်ပတ်နေပါတယ် ဆန်ပက်ဒရိုဟာ အရည်အသွေးမြင့် ကိုကင်းတွေထုတ်လုပ်တဲ့ နေရာအဖြစ် နာမည်ကြီးပြီး ၎င်းတို့ကို ထောင်အပြင်သို့ ခိုးထုတ်ရောင်းချမှုများ ရှိကြောင်း လူသိများပါတယ်
ယခင်က ငွေကြေးပေးဆောင်ပါက နိုင်ငံခြားသား ခရီးသွားတွေ အား ထောင်အတွင်းသို့ ဝင်ရောက်လေ့လာခွင့်ပြုပြီး အချို့မှာ ထောင်တွင်းမှာ တစ်ညပင်အိပ်ခဲ့ကြပါတယ် ဒါပေမဲ့ လုံခြုံရေးနဲ့ ပြဿနာများစွာကြောင့် ဒီလိုခရီးစဉ်တွေကို ယခုအခါ တင်းတင်းကျပ်ကျပ် တားမြစ်ထားပြီဖြစ်ပါတယ်
#knowledge #ဗဟုသုတ #facts #whatthefacts