နာမည်ကျော် ပန်းချီဆရာကြီး ဦးလွန်းကြွယ် ကွယ်လွန်
အောက်တိုဘာ ၂
နာမည်ကျော်ပန်ချီဆရာကြီး ဦးလွန်းကြွယ်သည့် ယနေ့(အောက်တိုဘာ ၂ရက်)၊ နံနက်ပိုင်းက ရန်ကုန်မြို့တွင် ကွယ်လွန်သွားခဲ့ကြောင်း သိရသည်။
ကွယ်လွန်ချိန်တွင် ပန်းချီဆရာကြီးဦးလွန်းကြွယ်သည် အသက်(၉၆)နှစ်အရွယ်ရှိပြီဖြစ်ပြီး (၉၆)ပါးရောဂါဖြင့် ကွယ်လွန်သွားခဲ့ခြင်းဖြစ်ကြောင်း သိရသည်။
ဦးလွန်းကြွယ်ကို (၁၉၃၀) ပြည့်နှစ် စက်တင်ဘာ ၂၄ ရက်တွင် ရန်ကုန်မြို့မှာမွေးဖွားခဲ့ခြင်းဖြစ်ပြီး ဖခင်ဖြစ်သူမှာ BOC စာရေးကြီး ဦးဘခိုင်ဖြစ်ကာ မိခင်ဖြစ်သူသည် ကျောင်းဆရာမ ဒေါ်အုန်းသွယ်ဖြစ်ကြောင်း သိရသည်။
ဦးလွန်းကြွယ်သည် (၁၉၄၇) ခုနှစ်တွင် မုဒုံအလယ်တန်းကျောင်းမှ သတ္တမတန်းအောင်မြင်ခဲ့ပြီး ကျောင်းပညာရေးထက် ပန်းချီပညာရပ် ကိုသာ လေ့လာသင်ယူရန် ဆုံးဖြတ်ခဲ့ပြီးနောက် အတန်းပညာကို ရပ်နားခဲ့ကြောင်း သိရသည်။
လူသိများထင်ရှားသည့် မြန်မာ့ပန်းချီလောကသားများဖြစ်သော ဦးစန်းဝင်း၊ ဦးသိန်းဟန်၊ ဦးသက်ဝင်း၊ ဦးချစ်မောင်တို့ထံတွင်လည်း ပန်းချီပညာ သင်ယူခဲ့သည့်အတွက် ၁၉၅၄ ခုတွင် ပန်းချီ ဆရာဖြစ်သင် သိပ္ပံမှ ဘွဲ့ရရှိခဲ့ကြောင်း သိရသည်။
ထို့နောက် (၁၉၅၈) ခုနှစ်တွင် ရန်ကုန်ယဉ်ကျေးမှုဌာနက ပန်းချီပန်းပုကျောင်းတွင် ပန်းချီနည်းပြတစ်ယောက်အဖြစ် လုပ်ကိုင်ခွင့်ရရန် ဝင်ခွင့်ဖြေဆိုအောင်မြင်ခဲ့ကြောင်း သိရသည်။
ထို့ပြင် ဆီဆေးပန်းချီပညာနှင့် အနောက် တိုင်းပန်းချီကိုလည်း ပန်းချီးဆရာကြီး ဦးသိန်းဟန်ထံမှ လက်ခံသင်ယူခဲ့ကြောင်း သိရသည်။
ရန်ကုန်တက္ကသိုလ် ပန်းချီအသင်းတွင်လည်း (၁၉၆၀) မှ (၁၉၇၉) အထိ ပန်းချိပညာများပိုချသင်ကြားခဲ့သည့်အပြင် ရန်ကုန်ပန်းချီပန်းပု ကျောင်း တွင်လည်း ကျောင်းအုပ်တာဝန်ထမ်းဆောင်ခဲ့ကြောင်း သိရသည်။
Credit - NP News Agency
#သတင်းဟင်းလေးအိုးကြီး
